Теңге акчасы. Архив

Казакстандык пенсионер миллион теңгесин көзү ачыктарга алдатып жиберди

114
(жаңыланган 09:18 06.07.2016)
Көзү ачыктар пенсионердин оорулуу кызын дарттан арылтып беребиз деп башын айлантышкан.

БИШКЕК, 6-июл. — Sputnik. Павлодар облусунун пенсионери көзү ачыктарга 900 миң теңгеден ашык каражатын алдатып жибергендиги тууралуу Newskaz.ru агенттиги жазып чыкты.

Пенсионер алданып калгандыгы тууралуу полиция кызматкерлерине билдирген. 

"Аял көзү ачыктардын байланыш номерин теледен көрсөтүлгөн жарнамадан алган. Ал оорулуу кызын дарттан арылтуу максатында телефон аркылуу байланышканда алар беш сеанстан кийин эле кызы жакшы болуп кетерин айтышкан. Ишенген аял шылуундардын эсебине бир ай бою акча которгон. Андан кийин "көзү ачыктардын" телефону өчүк болуп калган", — деп айтылат маалыматта. 

Мындан тышкары, билдирмеде интернет аркылуу арзан баада унаа тетиктерин сатып алуу үчүн акча которуп, товарды алалбай калган жарандардын саны дагы арбын экени белгиленет. 

114
Белгилер:
көзү ачык, алдоочулук, Павлодар облусу, Казакстан
Тема боюнча
Бишкекте лотерея жайы тонолду
Мектеп күндөлүгү. Архивдик сүрөт

Өзбекстанда мектеп күндөлүгү менен класстык журнал жоюлду

145
(жаңыланган 10:43 13.08.2020)
Жаңы система үй тапшырма жана башка маселелер боюнча мессенжерлер аркылуу ата-энелер тайпаларын түзүү зарылдыгын жок кылары айтылат.

БИШКЕК, 12-авг. — Sputnik. Жаңы окуу жылында Өзбекстандын көптөгөн мектептеринде күндөлүк менен класстык журнал жоюлат. Бул тууралуу Билим берүү министрлигине таянып Sputnik Өзбекстан агенттиги жазды.

Мунун ордуна алар Kundalik.com деп аталган электрондук платформаны колдонушат.

"Бир жагынан мугалимдердин кагазга байланыштуу иштери азаят. Экинчи жагынан ата-эне менен мектептин байланышын жакшыртат. Алар бир гана смартфондун жардамы менен балдарынын жетишкендиктерин, бааларын көзөмөлдөп турушат", — деп айтылат кабарда.

Ошондой эле жаңы система үй тапшырма жана башка маселелер боюнча мессенжерлер аркылуу ата-энелер тайпаларын түзүү зарылдыгын жок кылары айтылат.

Быйыл кайсы класстар мектепте окушу мүмкүн. Министрликтин жообу

Баса, электрондук күндөлүккө кошулуу акысыз эмес. Бирок министрлик бир жылдык акы бир күндөлүктүн баасына барабар экенин билдирет.

Балдар тууралуу персоналдык маалыматтар корголору дагы кошумчаланды.

145
Белгилер:
мугалим, ата-эне, окуучу, күндөлүк, мектеп, Өзбекстан
Тема боюнча
Башталгыч класстар 1-сентябрда мектепке барабы? Коңшу өлкөлөрдүн планы кандай
Казакстандын президенти Касым-Жомарт Токаев. Архивдик сүрөт

Жалкоолук, тойдон-тойго жашоо... Токаев казак коомунун беш кемчилигин атады

467
(жаңыланган 22:41 10.08.2020)
Президенттин айтымында, өлкө быйыл көз карандысыздыгынын 30 жылдыгын белгилейт, бирок коомчулуктун бир кылым мурда Абайды тынчсыздандырган кемчиликтери жоюлбай келет.

БИШКЕК, 10-авг. — Sputnik. Казакстандын президенти Касым-Жомарт Токаев улуу акын Абай Кунанбаевдин 175 жылдыгына карата "Абай — руханий реформатор" деген аталыштагы макала жазып, анда казак коомчулугунун бир нече кемчилиги тууралуу дагы айта кетти. Бул тууралуу Sputnik Казакстан жазды.

Президенттин айтымында, өлкө быйыл көз карандысыздыгынын 30 жылдыгын белгилейт, бирок коомчулуктун бир кылым мурда Абайды тынчсыздандырган кемчиликтери жоюлбай келет.

Ынтымак бекемделсин! Кыргыз элин Курман айт менен куттуктаган президенттер

"Өз доорунда Абай айткан "беш душманыбыздан" дагы деле толук кутула албай жатабыз. Тилекке каршы, коомубузда жалкоолук, пайдасыз сөздөр көп. Алар кишини тыңгылыктуу иш бүтпөгөн, маанисиз жашоого сүйрөйт. Ошондой эле эмгектенүүнүн ордуна ар бир нерседен саясат издегендер жок эмес", — деди Токаев.

Өлкө башчы эске салгандай, Абай тойдон-тойго чейин күн санабай, билим алып, руханий өсүүгө чакырган.

"Биз билимдин аркасы менен гана өсө алабыз. Заманбап билим берүү интеллектуалдык жактан жетилген улут болууга жардам берет. Экинчи орунда тарбия турат. Улуу ойчул айткандай, пайда издебей, абийирди ойлойлу. Ошондо гана биз жаштарга үлгү боло алабыз", — деп жазган президент.

Мындан тышкары, ал Абай казак эли болушунча жаңы жана керектүү кесиптерге умтулуп, ар бир жаран өз ишинин чебери болушун каалаганына токтолду.

Ынтымак менен жеңерине ишенем. Токаев кыргыз элине көңүл айтты

"Азыркыдай кымгуут кезде бул өтө маанилүү. Байлык жок болуп кетиши мүмкүн. Ал эми иш билгилик өмүр бою биз менен калат. Биз ишке болгон мамилени өзгөртүшүбүз керек. Анткени бизди сүйүктүү жумушубуздай эч нерсе бактылуу жана бай кыла албайт", — деп жазылат өлкө башчынын макаласында.

Ошондой эле Абай акын өз элин тилектештикке көп чакырганы айтылат. Ал "эгер казактын уул-кыздары бири-бирине пикирлеш, ыктымактуу болбосо, башка нерсенин баары бир тыйынга татыбайт" деп айткан экен.

Кыргыз алданса алып түшөт же көктүгүнөн өлүп берет. Мар Байжиевдин нускасы

Токаевдин пикиринде, Абайдын бул сөздөрү бир гана казак эмес, өнүгүп-өсүүнү каалаган ар бир элге жол көрсөткүч боло алат.

467
Белгилер:
эл, макала, Касым-Жомарт Токаев, Казакстан
Тема боюнча
Азыркы азалуу Ата Журт, эртеңки айт... Бул күндөрдүн артында улуу жакшылыктар бар
Кыргызстандын жаранынын паспорту жана акча. Архив

Кыргызстанда ID-картанын баасы кымбаттайт. Себеби

0
2017-жылдан бери Мамкаттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

БИШКЕК, 13-авг. — Sputnik. Ушул жылдын 17-августунан тарта 2017-жылкы үлгүдөгү ID-картанын баасы кымбаттайт. Бул тууралуу Мамлекеттик каттоо кызматынан билдиришти.

Баанын жогорулашына акысыз бланктардын чыгарылбай калганы себеп болду.

Белгилей кетсек, 2017-жылдан бери Мамлекетти каттоо кызматы жарандарга атайын чип орнотулган паспорт берип келет. Чипте жарандын фамилиясы, аты, атасынын аты, жеке номери, туулган жылы, дареги, үй-бүлөлүк абалы, улуту, сүрөтү жана электрондук кол тамгасы камтылган.

"Буга чейин Кореянын Эл аралык кызматташтык агенттиги (KOICA) грант иретинде 1,9 миллион даана бланк берген. Келишим боюнча келерки бланктарды акы төлөп алышыбыз керек. Бир бланктын баасы 206 сом", — деп айтылат билдирүүдө.

Калкты тейлөө борборуна эми телефон аркылуу кезекке туруп коюуга болот

Мындан улам алгачкы жолу паспорт алып жаткан жаран 470 сом (206 сом бланк, 241 сом персонификациялоо, 23 сом банк кызматтарына) төлөшү керек. Ал эми биринчи жолу шашылыш түрдө алып жаткандар 1260 сом (206 сом бланк, 516 сом персонификациялоо, 518 шашылыш түрдө документ даярдоо, 20 сом банк кыматтарына) бериши зарыл. Бул документ 8 күн ичинде даярдалат.

0
Белгилер:
баа, паспорт, Кыргызстан
Тема боюнча
Жоголгон айдоочулук күбөлүк менен номерди кайра алуунун шарттары өзгөрдү