Апрель окуяларынын катышуучулары. Архив

Казакстанда төңкөрүш кылгысы келген Тулешов Кыргызстандагы окуяларды иликтеген

(жаңыланган 18:38 11.07.2016)
Шымкенттин атайын кызматынын маалыматына ылайык, Тохтар Тулешов Кыргызстандагы Жалал-Абад шаарынын "Ардактуу атуулу" деген наамы берилген.

АСТАНА, 11-июл. – Sputnik. Алия Самидин. Мамлекеттик төңкөрүш жасоого айыпталып жаткан Шымкент шаарынан чыккан ишкер Тохтар Тулешов 2005-2010-жылдарда Кыргызстанда болгон окуяларды дыкат изилдегенин Казакстандын улуттук коопсуздук кызматынын өкүлү Руслан Карасев маалымат жыйында билдирди.

  • Тохтар Тулешовдун КРдин мурдагы президенти Курманбек Бакиев менен түшкөн сүрөтү
    Тохтар Тулешовдун КРдин мурдагы президенти Курманбек Бакиев менен түшкөн сүрөтү
    © Фото / Алия Самидин
  • Тулешовдун 2006-жылы берилген Жалал-Абад шаарынын Ардактуу атуулу күбөлүгү
    Тулешовдун 2006-жылы берилген Жалал-Абад шаарынын "Ардактуу атуулу" күбөлүгү
    © Фото / Алия Самидин
1 / 2
© Фото / Алия Самидин
Тохтар Тулешовдун КРдин мурдагы президенти Курманбек Бакиев менен түшкөн сүрөтү

"Бийликти басып алууну ишке ашыруу үчүн ал өлкөдөгү абалды туруксуздаштырууга аракет кылган. Бул максатта ал 2005-жылы жана 2010-жылдагы Кыргызстандагы абалды иликтеген. Кыргызстанга келгенде ал өзүнө керектүү маалыматтарды топтоп жүргөн", — деген пикирин Карасев журналисттерге айтты.

Казакстандын Улуттук коопсуздук комитетинин маалыматына ылайык, Тулешовго таандык ишканаларды жана кыймылсыз мүлктөрдү тинтүү учурунда атайын жайга катылган курал-жарак, аскерий униформа жана документтер табылган.

Документтердин арасында Тулешовдун КРдин мурдагы президенти Курманбек Бакиев менен түшкөн сүрөтү жана 2006-жылы берилген Жалал-Абад шаарынын "Ардактуу атуулу" күбөлүгү алынган.

Ишкер Тулешов январь айынын аягында Шымкенттин күч түзүмдөрүнүн атайын операция учурунда кармалган. Анын жанынан бир нече курал-жарак табылган. Февраль айынын башында Астана шаарынын Алматы районунун соту Тулешовду кармоо чечимин чыгарган. Июнь айында Казакстандын атайын кызматы Тулешовду жана жогорку кызмат адамдары менен биргеликте бийликти басып алууга аракет кылган деп билдирген.

Белгилер:
Тохтар Тулешов, Кыргызстан, Шымкент, Казакстан
Тема боюнча
Тулешов казак бийлигин күч менен басып алууга камынганын өлкөнүн атайын кызматы билдирди
Электр линиясы. Архив

Кыргызстан Өзбекстандан электр кубатын кандай шартта алып жатканы айтылды

(жаңыланган 09:52 23.04.2021)
Министрдин айтымында, Өзбекстандан электр энергиясы азыр эле импорттоло баштады. Бул иш быйыл жана кийинки жылдын биринчи кварталына чейин уланат.

БИШКЕК, 23-апр. — Sputnik. Кыргызстан Өзбекстандан 750 миллион киловатт-саат алуу боюнча сүйлөшүү жүргүзүп, электр энергиясы өлкөгө импорттоло баштады. Бул тууралуу Sputnik Кыргызстан агенттигине энергетика жана өнөр жай министри Кубанычбек Турдубаев билдирди.

Эске салсак, бүгүнкү күндө Токтогул суу сактагычындагы суу былтыркыга салыштырмалуу 3 миллиард куб метрге аз. Бул өлкөгө электр энергиясын сырттан алып келүү зарыл дегенди түшүндүрөт.

"Товар алмашуу шарты менен биз Өзбекстандан 750 миллион киловатт-саат алуу тууралуу сүйлөштүк. Электр энергиясы импорттоло баштаган. Бул иш быйыл жана кийинки жылдын биринчи кварталына чейин уланып, жай мезгилинде тыныгуу болуп турат. Электр энергиясын кайтарып берүү жайында башталып, карызды үч жылдын ичинде берип бүтүп калабыз", — деди Турдубаев.

Буга чейин министр Кыргызстан менен Казакстан электр кубатын алмашуу макулдашылганын айткан.

Ал быйыл Казакстан Кыргызстандын энергосистемасына 900 миллион киловатт-саат бере турганын белгилеп, коңшуларга кайра Токтогул суу сактагычына эквиваленттик көлөмдө суу топтоп, камсыздап бере турганын кошумчалаган. Муну менен Кыргызстан үч жылдын ичинде миллион киловатт-сааттык сууну коё берип, ошону менен кутулат.

Белгилер:
импорт, электр энергиясы, суу, Өзбекстан, Кыргызстан
Тема боюнча
"Кудайга шүгүр" жашаган элдин санын кантип билебиз? Абоненттердин статистикасы
Эртең Бишкектин 56 көчөсүндө электр кубаты болбойт. Тизме
Энергетика жана өнөр жай министри Кубанычбек Турдубаев. Архивдик сүрөт

Министр: Кыргызстан Казакстанга берген электр кубатынан пайда көрөт

(жаңыланган 12:10 22.04.2021)
Казакстан электр энергиясынын бир киловатт-саатын 2,9 центтен сатып алууну сунуштаган, ал эми Кыргызстан 2,4 центке макул болгон. Бирок тараптар башка чечимге келишти.

БИШКЕК, 22-апр. — Sputnik. Кыргызстан менен Казакстан электр кубатын бири-бирине берүү боюнча макулдашкандыгын энергетика жана өнөр жай министри Кубанычбек Турдубаев билдирди.

Аткаминер Казакстан электр энергиясынын бир киловатт-саатын 2,9 центтен сатып алууну сунуштаган, ал эми Кыргызстан 2,4 центке макул болгон. Бирок тараптар кийинчерээк товар алмашуу боюнча макулдашкан.

"Быйыл Казакстан биздин энергосистемага 900 миллион киловатт-саат берет. Ал эми коңшуларга Токтогул суу сактагычына эквиваленттик көлөмдө суу топтоп, камсыздап беребиз. Биз үч жылдын ичинде миллион киловатт-сааттык сууну кое берип, ошол эквивалентте кутулабыз. Бул электр кубатын иштеп чыгуу үчүн сууну түтүк аркылуу агызышыбыз керек. Товар алмашууну нөлдүк коюм менен жасоону чечтик", — деди министр.

Ал электр энергиясын коңшулардан Кыргызстанга алып келип же аларга жеткирүү чыгымын казак тарап өз мойнуна аларын кошумчалады.

"Кыргызстан транзиттин эсебинен пайда көрөт. Бул киловаттына 0,0000001 доллар болот", — деген министр.

Эске салсак, Токтогул суу сактагычындагы суу былтыркыга салыштырмалуу 3 миллиард куб метрге аз.

Белгилер:
алмашуу, сатуу, электр кубаты, Казакстан, Кыргызстан
Тема:
Жапаров электр кубатынын баасын көтөрүүнү сунуштады
Тема боюнча
Жапаров электр кубатынын тарифин эки эсеге көтөрүүнү сунуштоодо
Медициналык кызматкерлер COVID-19 менен ооругандарды дарылап жатышат

7 киши көз жумуп, 272 киши вирус жугузуп алды. COVID статистикасы

(жаңыланган 10:17 23.04.2021)
Кыргызстан боюнча коронавирус аныкталгандардын саны 93 278ге жетти. Ал эми орудан 87 717 киши айыкты. Каза болгондордун саны 1 573кө барды.

БИШКЕК, 23-апр. — Sputnik. Өткөн суткада Кыргызстанда 272 кишиден коронавирус табылып, 163 бейтап оорудан сакайып чыкты. Бул тууралуу Республикалык штабдан билдиришти.

Жуктургандар:

  • Бишкек шаары – 148;
  • Ош шаары – 6;
  • Чүй облусу – 86;
  • Ош облусу – 4;
  • Талас облусу – 2;
  • Нарын облусу – 3;
  • Ысык-Көл облусу – 18;
  • Жалал-Абад облусу – 4;
  • Баткен облусу – 1.

Айыккандар:

  • Бишкек шаары – 78;
  • Ош шаары – 3;
  • Чүй облусу – 52;
  • Ош облусу – 3;
  • Нарын облусу – 2;
  • Ысык-Көл облусу – 15;
  • Жалал-Абад облусу – 6;
  • Баткен облусу – 4.

Ушуну менен коронавирус аныкталгандардын саны 93 278ге жетти. Ал эми оорудан айыккандардын саны 87 717 болду.

Тилекке каршы, кечээтен бери коронавирус Бишкектен төрт, Чүй облусунан үч кишинин өмүрүн алды. Көз жумгандардын жалпы саны 1 573кө жетти.

Белгилер:
статистика, коронавирус, Бишкек, Кыргызстан
Тема:
Кыргызстандагы коронавирус жуктуруп алгандар
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Кыргызстанга "Спутник V" вакцинасы кантип жеткирилди. Видео