Facebook социалдык тармагынан Баян Есентаева аттуу колдонуучунун бетинен тартылып алынган кадр. Архивдик сүрөт

Баян Есентаева сотто күйөөсүн кечирип, аны эркинен ажыратпоону суранды

388
(жаңыланган 19:03 19.10.2016)
Өз жубайынын өмүрүнө кол салууга шектелип жаткан Бахытбек Есентаевдин иши бүгүн Талды-Коргандагы райондор аралык сотунда каралып жатат.

БИШКЕК, 19-окт. — Sputnik. Казакстандык продюсер Баян Максат кызы (Есентаева) жолдошун кечирип, аны эркинен ажыратпоону өтүнүп жатканын Sputnik Казакстан агенттиги жазып чыкты. 

Шаршемби күнү өткөн соттук отурумдун жүрүшүндө продюсер жолдошун камакка алдырууга каршы экендиги белгилүү болду. 

"Ал жолдошун кечирип ага башка жаза колдонууну суранды. Менимче Баян акылдуулук кылды", — деп журналисттерге доогердин адвокаты Марат Аскарбеков билдирди.

Жактоочу мындай чечим экөөнүн ортосунда эки бала бар болгондугуна байланыштуу болушу ыктымал экенин кыйытты. 

Белгилүү болгондой Баян Есентаева башка адвокаттардан дагы баш тарткан. 

Өз жубайынын өмүрүнө кол салууга шектелип жаткан Бахытбек Есентаевдин иши бүгүн Талдыкоргандагы райондор аралык сотунда каралып жатат. Соттук процесс жабык режимде өтүүдө. 

Үстүбүздөгү жылдын 10-июнунда продюсер, актриса, телеалпаруучу Баян Есентаева бычакталып ооруканага жеткирилген. 

Соттолуучуга кылмыш жаза кодексинин 24-беренеси "адам өмүрүнө кол салуу", 99-берене "адам өлтүрүү", 120-берене "зордуктоо" жана 121-берене "сексуалдык маанайдагы зомбулук" боюнча кылмыш иши козголгон

Сентябрдын акырында актриса социалдык тармактагы баракчасына фамилиясын Максат кызы деп өзгөрткөнүн жазган. 

388
Белгилер:
кечирим, сот, Баян Есентаева
Тема:
Продюсер Баян Есентаева жана анын айланасындагы окуялар (14)
Тема боюнча
Баян Есентаева фамилиясын алмаштырды
Баян Есентаева Индиядагы храмда ыктыярчы болуп иштеп жатат
Продюсер Баян Есентаеванын күйөөсү аны өлтүрүүгө аракет кылды деп айыпталууда
Тейлөө кызматкерлер жолду белгилөө учурунда. Архив

Кырсыктарды алдын алуу үчүн Алматыда өзгөчө жол белгисин чийүү пландалууда

83
(жаңыланган 13:36 27.09.2020)
Шаардык административдик полиция башкармалыгынын жетекчиси Жандос Мураталиев кызыл түстөгү жол чийин айдоочулардын көңүлүн өзүнө бурат деп эсептейт.

БИШКЕК, 27-сен. — Sputnik. Алматы шаарында авариялык кооптуу делген жерлерге кызыл түстөгү жол белгисин чийүү пландалууда. Бул тууралуу Sputnik Казакстан жазды.

Шаардык административдик полиция башкармалыгынын жетекчиси Жандос Мураталиевдин айтымында, жол белгилерин чийүүдө азыр ар кандай инновациялык материалдар колдонулууда. Ошондой эле ак, сары, жашыл, кара сыяктуу ар кандай түстөр да кеңири пайдаланыла баштаган. Бирок натыйжаны күчөтүү максатында кызыл түстү да колдонуп көрүү каралууда.

"Кызыл түстөгү чийин — айдоочулардын көңүлүн буруудагы эң натыйжалуу ыкма", — деди Мураталиев.

Кызыл жол чийинин шаардагы кооптуу делген жерлерге колдонуу пландалып жатканы кошумчаланды.

83
Белгилер:
коопсуздук, кырсык, жол чийин, Алматы
Тема боюнча
Жолдун экинчи катарынан кайсы учурда кайрылса болот? Айдоочуга кулак кагыш
Коргоочу костюм кийген медицина кызматкери. Архив

Куш тумоо эпидемиясы Кыргызстандын чек арасына жакындап келе жатат

284
Маалыматка караганда, Казактандын Кыргызстан менен чектешкен Жамбыл облусунан 238 канаттуу өлдү (алтоо акыркы суткада).

БИШКЕК, 24-сен. — Sputnik. Казакстандын түндүгүндө чыккан куш тумоо эпидемиясы өлкөнүн Кыргызстан менен чектешкен аймагына чейин жетип келди.

Эске салсак, Казакстанда куш тумоосу 9-сентябрь күнү расмий катталган. Өлкө бийлиги бул тууралуу Дүйнөлүк саламаттык сактоо уюмуна маалымат берип, айрым айылдар карантинге жабылган.

Sputnik Казакстан агенттигини жазганына караганда, өлкөнүн Кыргызстан менен чектешкен Жамбыл облусунан 238 канаттуу өлдү (алтоо акыркы суткада).

Романов: канаттуулар тумоосу келгин куштар аркылуу жугат

"Акыркы учурда жети облустагы жеке чарбаларда 20 миң, атайын фабрикаларда 203 миң баш канаттуу жок болду", — деп айтылат билдирүүдө.

Казакстанда жыл башынан бери куш тумоосуна каршы 3 377 900 вакцина даярдалган. Учурда дагы 699 355 доза сатып алынууда.

284
Белгилер:
эпидемия, куш тумоосу, Казакстан
Тема боюнча
Куш тумоосунан улам Казакстан Россия менен чек арасындагы көзөмөлдү күчөттү
Блок-посттогу ИИМ кызматкерлери. Архив

Баткенде бүгүн киргизилген катуу чектөөлөр кайрадан алынды

177
(жаңыланган 21:45 28.09.2020)
Акыркы күндөрү Кыргызстанда COVID-19 жуктуруп алгандардын саны кайра арбып кетти. Алардын көбү Баткен облусунан чыгууда.

БИШКЕК, 28-сен. — Sputnik. Баткен облусунда курчуган эпидемиологиялык кырдаалдан улам бүгүн киргизилген бир нече чектөөлөр бир сутка өтпөй жоюлуп, республикалык штаб бир нече тармактын иштөөсүнө кайра уруксат берди. Бул тууралуу аталган штаб кабарлады.

28-сентябрда эпидемиологиялык кырдаалга байланыштуу кабыл алынган чечимдер, республикалык штабдын тапшырмасы менен кайрадан каралып чыккан.

Эске салсак, бүгүн Баткенде облустар жана райондор аралык, ошондой эле райондук, шаардык ички коомдук транспорттун каттамы убактылуу токтотулган. Мал базарлардын иштебей, мечиттерде жамаат менен жума намаздарын окулбай турганы айтылган эле.

Соңку суткада коронавирустан Ош облусунда бир адам көз жумду

"Анда жер-жерлерде, райондук администрация жана шаардык мэрияларга кайрылган коомдук транспорттун айдоочуларынын жана жергиликтүү тургундардын кабыл алынган чектөөлөр, алардын турмуш шартына түздөн-түз таасир этери айтылган. Коомдук транспорттун, мал базарларын жана мечиттердин кадимки нукта иштөөсүнө уруксат сурап, бардык санитардык талаптарды сактай тургандыктарын айтып кайрылган сунуштары эске алынды", — деп жазылган маалыматта.

Мындан улам облустук штаб маселени кайра карап чыгып, санитардык талаптарды сактоо менен иштөөгө уруксат берген.

"Бирок облуста катуу көзөмөлдөгү бет кап режими жана той-аштарга болгон чектөөлөр күчүндө калды. Ал эми базарларда, соода борборлорунда, дүкөндөрдө, тамактануучу жайларда, коомдук жайларда санитардык талаптардын аткарылышы боюнча күн сайын рейд жана дезинфекциялоо иштери жүрөт, баш ийбегендерге мыйзам чегинде чара көрүлөт", — деп билдиришти штабдан.

Вирус күчөп бараткан Баткендин экинчи толкунга даярдыгы кандай

Акыркы күндөрү Кыргызстанда COVID-19 жуктуруп алгандардын саны кайра арбып кетти. Бүгүн, 28-сентябрга карата, 104 кишиден вирус табылды.

177
Белгилер:
чектөө, коронавирус, Баткен облусу, Кыргызстан
Тема:
Коронавируска байланыштуу Кыргызстандагы кырдаал
Тема боюнча
КРде бир нече аптадан бери алгачкы өлүм катталды. COVID боюнча статистика
Баткенде санитардык талаптарды аткарбагандарга айып салынды. Арасында 9 мамкызматкер бар