Снимок с социальной сети Instagram пользователя theworldismythrone. Молодые казахстанцы в национальных костюмах, надетых на Хэллоуин. Архивное фото

Хэллоуин: улуттук кийимдер менен түшкөн сүрөттөр талаш жаратты

(жаңыланган 09:52 31.10.2016)
Казакстандык жаштар бул сапар Хэллоуин күнүн адаттан тыш белгилөөнү чечип, улуттук көйнөк, чыптамалаларды кийип, үрөй учурган кебетеге келип боёнуп алышкан.

БИШКЕК, 31-окт. — Sputnik. Казакстандык жаштардын улуттук чыптама,кош этек көйнөктөрдү кийип хэллоуинди майрамдашы аталган өлкөнүн интернет айдыңындагылардын бүйүрүн кызытты. Бул туурасында Tengrinews.kz билдирди.

Ага жигит менен кыздын улуттук кийимчен бети-башын жүрөк түшүргүндөй боёп алып түшкөн.

Социалдык тармактын колдонуучулары бул сүрөткө ар кыл пикирлерин айтышты.

Элдин бүйүрүн кызыткан сүрөттүн ээси казахстандык стилист Рафаэль Ромен болуп чыкты. Мындай кадамын ал казак элинин жомокторундагы кара күчтөрдү алып чыгып, улуттук жана батыштын маданиятын айкалыштырайын деген ниет менен жасагандыгын айткан. 

"Улуттук костюмду минтип алып чыгууга эмнеге болбосун. Дүйнөнүн бардык эле жерлеринде самурайлардын, гейшалардын, шотландиялыктардын юбкасын кийип, өрүлгөн чачтарды тагып жүрүшпөйбү. Ал эми индиялык апачилердин образын алып жүргөндөр канча? Бул дагы ар кыл элдин улуттук кийими. Алар бирөөлөрдү кемсинткенин көргөн жокмун. Өзүңүздөргө эмне үчүн өз малданиятыбыз кызыктырбайт деген суроону берип көрдүңөр беле. Себеби, аны эч ким эки жакка алып чыккан эмес! Биз болгону биздин мурастар менен кызыктуу образды алып чыгууга ниеттендик. Бирөөлөрдү кемсинтип, беделине доо кетирүү туурасында ой да болгон эмес", — деп айткан Ромен.

🖖🏿 happy Halloween guys 👻

Фото опубликовано @rafael_romen Окт 28 2016 в 11:51 PDT

Хэллоуин — Ирландия менен Шотландияны жердеген байыркы кельттердин салттуу майрамы. 31-октярбда — бардык ыйыктардын күнүнө бир күн калганда майрамдалат. Негизинен англис тилдүү өлкөлөрдө белгиленип келет, бирок бейрасмий түрдө айрым башка өлкөлөр да майрамдашат. 

Шаан-шөкөттүн башкы белгиси Жектин чырагы болуп эсептелинет. Башкача айтканда, ырсайып ичинен шам жагылып турган ашкабак коюлуп, ал үйдүн жанынан кара күчтөрдү кууп турат деп айтылат.

Белгилер:
чыптама, кийим, сүрөт, Хэллоуин, Казакстан
Тема боюнча
КРдеги Instagram тармагынын эң популярдуу 10 колдонуучусу
Атамбаевдин оорусу социалдык тармакта катуу талкууга жем таштады
Энергетика жана өнөр жай министри Кубанычбек Турдубаев. Архивдик сүрөт

Министр: Кыргызстан Казакстанга берген электр кубатынан пайда көрөт

(жаңыланган 12:10 22.04.2021)
Казакстан электр энергиясынын бир киловатт-саатын 2,9 центтен сатып алууну сунуштаган, ал эми Кыргызстан 2,4 центке макул болгон. Бирок тараптар башка чечимге келишти.

БИШКЕК, 22-апр. — Sputnik. Кыргызстан менен Казакстан электр кубатын бири-бирине берүү боюнча макулдашкандыгын энергетика жана өнөр жай министри Кубанычбек Турдубаев билдирди.

Аткаминер Казакстан электр энергиясынын бир киловатт-саатын 2,9 центтен сатып алууну сунуштаган, ал эми Кыргызстан 2,4 центке макул болгон. Бирок тараптар кийинчерээк товар алмашуу боюнча макулдашкан.

"Быйыл Казакстан биздин энергосистемага 900 миллион киловатт-саат берет. Ал эми коңшуларга Токтогул суу сактагычына эквиваленттик көлөмдө суу топтоп, камсыздап беребиз. Биз үч жылдын ичинде миллион киловатт-сааттык сууну кое берип, ошол эквивалентте кутулабыз. Бул электр кубатын иштеп чыгуу үчүн сууну түтүк аркылуу агызышыбыз керек. Товар алмашууну нөлдүк коюм менен жасоону чечтик", — деди министр.

Ал электр энергиясын коңшулардан Кыргызстанга алып келип же аларга жеткирүү чыгымын казак тарап өз мойнуна аларын кошумчалады.

"Кыргызстан транзиттин эсебинен пайда көрөт. Бул киловаттына 0,0000001 доллар болот", — деген министр.

Эске салсак, Токтогул суу сактагычындагы суу былтыркыга салыштырмалуу 3 миллиард куб метрге аз.

Белгилер:
алмашуу, сатуу, электр кубаты, Казакстан, Кыргызстан
Тема:
Жапаров электр кубатынын баасын көтөрүүнү сунуштады
Тема боюнча
Жапаров электр кубатынын тарифин эки эсеге көтөрүүнү сунуштоодо
Экономика илимдеринин доктору, профессор Төлөнбек Абдыров

Абдыров: ишкерлер ЕАЭБдин мүмкүнчүлүктөрүн колдоно албай жатышат

(жаңыланган 11:33 19.04.2021)
Экономика илимдеринин доктору, профессор Төлөнбек Абдыров өлкөдө өндүрүш ишканалары дээрлик иштебей жатканын белгиледи.
Абдыров: ишкерлер ЕАЭБдин мүмкүнчүлүктөрүн колдоно албай жатышат

Эгемендүүлүк алган жылдары өлкө экономикасында секирик жасай турган кадамдар жасалган жок. Бул тууралуу Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, 30 жылдын ичинде курулуш жана тейлөө тармагы гана көтөрүлгөн.

"Соңку 30 жылдын ичинде өлкөдө экономикалык секирик кыла турган кадамдарды жасай алган жокпуз. Эгемендүүлүк алган алгачкы жылдарда экономиканын структурасында айыл чарба тармагы 36 пайыз, өндүрүш 27 пайыз, курулуш сегиз жана тейлөө тармагы 33 пайызды түзчү. Кийин айыл чарба 12 пайызга түшүп калган. Ортодогу айырмачылык дээрлик 24 пайыз. Учурда өндүрүш 18 пайызды түзгөнү менен анын ичине Кумтөр да кирет. Өлкөдө салыштырмалуу жакшыраак абалда иштеп жаткан жалгыз гана тейлөө тармагы болуп калды. Пандемия учурунда бул багыт да аксап, бюджетке 30 миллиард сомдун тегерегинде каражат түшкөн жок. Бул дароо ички экономикага терс таасирин тийгизди. Ошондуктан биз ЕАЭБдин потенциалын колдонушубуз керек, бирок атаандаштыкка туруштук бере албай жатабыз. Себеби ишкерлерге жакшы мүмкүнчүлүктөр түзүлбөй, бизнеске колдоо жок. Азыркы бийлик бул багытта бир катар чечимдерди кабыл алууда, алар өз натыйжасын берет деген үмүттөмүн", — деди Абдыров.

Ошондой эле ал пандемиядан көптөгөн өлкөлөрдүн экономикасы жабыр тартканын айтып, бирок аларда инновация өнүккөндүктөн анча кооптуу жагдай жаралбаганын кошумчалады.

Белгилер:
Төлөнбек Абдыров, Евразиялык экономикалык биримдик, пандемия, айыл чарба, экономика
Тема:
ЕАЭБдеги Кыргызстан
Тема боюнча
Кыргызстандык мигранттар январь менен февралда канча акча которду
Кадыр түн учурунда мусулмандар. Архив

Кадыр түн качан болору айтылды

(жаңыланган 16:56 22.04.2021)
Шарият боюнча бул түн миң айдан да артык деп эсептелет. Орозонун 26-күнүнөн 27-күнүнө караган түнү белгиленип келет.

БИШКЕК, 22-апр. — Sputnik. Быйылкы Кадыр түн 9-майга караган түнү белгиленет. Бул тууралуу муфтияттын маалымат кызматы кабарлады.

Орозо быйыл 13-апрелге караган түнү башталды. Кадыр түн дайыма орозонун 26-күнүнөн 27-күнүнө караган түнү белгиленип келет.

Шарият боюнча бул түн миң айдан да артык деп эсептелет. Эгерде Кадыр түнү инсан эки ирет намаз окуса, 84 жыл бою ибадат кылганга барабар соопко ээ болот деп айтылат. 

Белгилер:
муфтият, орозо, Кадыр түн, Кыргызстан
Тема:
Орозо-2021
Тема боюнча
Касиеттүү түн интернет менен өтпөшү керек! Кадыр түнгө карата 7 "болбойт"