Гепард. Архивное фото

Экологдор: Азия менен Африканын гепарддары жакын арада жок болушу мүмкүн

59
Изилдөө жүргүзгөн окумуштуулар БУУну, Африка өлкөлөрүн жана Иранды гепарддарды сактап калуу үчүн тиешелүү аракеттерди көрүүгө чакырууда.

БИШКЕК, 28-дек. — Sputnik. Африка менен Азия өлкөлөрүндө гепарддар 70-90 пайызга азайып, байырлаган аймактары 98 пайызга тарыды. Бул тууралуу РИА Новости Proceedings of the National Academy of Sciences журналына шилтеме жасап маалымдайт. 

Улуу Британиянын зоологиялык коомунун окумуштууларынын билдирүүсүнө ылайык, гепарддар жашап келген аймактар алардын тукум улоосуна кооптуу болуп калды. 

"Бул жаныбарлар жашыруун жашагандыктан байкоо жүргүзүү кыйын болду. Мындан улам алардын көйгөйлөрүнө көпчүлүк окумуштуулар дагы кызыкчу эмес. Изилдөөдө гепарддар байырлаган аймактарды колдоо зарылдыгы жана алардын жашоосунда көптөгөн коркунучтар бар экендиги белгилүү болду. Себеби буга чейинки божомолдорго салыштырмалуу жаныбарлардын жок болуп кетүү коркунучу күч алып келе жатат", —деди коомдун мүчөсү Сара Дюран. 

Окумуштуулар Африка жана Азия гепарддарын өз-өзүнчө бөлүп изилдешкен. Анткении африкалык гепарддар алыс аймактарга миграцияланса, азиялыктар өзү байырлаган жерден алыс кетпейт. Учурда азиялык гепарддар Ирандын улуттук парктары менен коруктарында гана калган. Ал эми Индия алардын санын көбөйтүү аракетинде. 

Гепарддардын азайып кетишине адамдардын аңчылыгы менен байырлаган жердин тарышы себеп болгон. Мисалга Африкада 7000 гепард буга чейин байырлап келген аймактын 9 пайызында гана жашайт. Эгер гепарддар байырлаган өлкөлөрдүн бийлиги тиешелүү аракеттерди көрбөсө жакынкы жылдары жоголуп кетүү коркунучу бар. Мисалга Зимбабве өлкөсүндө 10 жыл ичинде алардын саны 1200дөн 170ге чейин азайган. Ал эми азиялык гепарддардан 43 баш гана калган.

Дагы бир коркунучтуу фактор — гепарддардын 77 пайызы коруктар менен жаратылышты коргоо зоналарынан тышкары жашайт. Эгер жогоруда аталган абал дагы 5-10 жыл сакталса, алардын саны эки эсеге азаят. Мындан улам изилдөө жүргүзгөн окумуштуулар БУУну, Африка өлкөлөрүн жана Иранды аларды сактап калуу үчүн тиешелүү аракеттерди көрүүгө чакырууда.

59
Белгилер:
жоголуу, гепард, Африка, Азия
Тема боюнча
Фотокапкан. Аюу, илбирс баштаган жапайы жаныбарлар сүрөткө түштү
National Geographic: Кыргызстан — ак илбирстин түнөгү
Премьер-министрдин милдетин аткаруучу Артем Новиков

Новиков ЕАЭБ пандемияга туруштук берүү үчүн эмне кылуу керектигин айтты

57
(жаңыланган 17:47 04.12.2020)
Новиков өз ара ишеним мейкиндигин түзүү, барьерлерди максималдуу түрдө жоюу жана кызматташуу механизмдерин өркүндөтүү сунушун ортого салды.

БИШКЕК, 4-дек. — Sputnik. Премьер-министрдин милдетин аткаруучу Артем Новиков COVID-19 пандемиясы маалында Евразия экономика биримдигине кирген өлкөлөрдүн интеграциясын бекемдөөгө чакырды. Бул тууралуу ал Евразия өкмөттөр аралык кеңешинин жыйынында билдиргенин РИА Новости жазды.

Новиковдун айтымында, өз ара ишеним мейкиндигин түзүү, барьерлерди максималдуу түрдө жоюу жана кызматташуу механизмдерин өркүндөтүү керек. Муну ЕАЭБди өнүктүрүү институтунун ишин күчөтүү аркылуу да жасаса болот.

Ошондой эле ал пандемия өндүрүш чынжырчасынын начардыгын жана инфраструктураны өнүктүрүү муктаждыгын көрсөткөнүн белгилеген. Аны менен катар региондор аралык өз ара байланыш биринчи кезекте керектелүүчү продукция менен камсыздоо үчүн гана эмес, жалпы жонунан товар жүгүртүүнү колдоо керектигин айгинелегенин айткан.

"Биздин өлкөлөрдүн күчтүү жактарын өнүктүрүүгө, бири-бирин толуктап турууга жана биримдиктин атаандаштыкка жөндөмдүүлүгүн жогорулатууга маани берилиши керек. Биринчи кезекте союзга кирген өлкөлөрдүн суроо-талаптарын жана керектөөсүнүн болжолун түзгөн ЕАЭБдин бирдиктүү маалыматтык мейкиндигин ишке ашыруу шарт. Биз өз өлкөбүздө товарлардын бардык түрүн чыгарууга аракет кылбашыбыз керек. Бул ички рынокту коргоону алсыздатып, жаңы барьерлерди жаратууга алып келет", — деди өкмөт башчынын милдетин аткаруучу.

Мындан сырткары, Новиков ЕАЭБ өлкөлөрү бири-биринин экономикасын толуктап турушу керектигин кошумчалаган.

57
Белгилер:
өнүктүрүү, кызматташтык, экономика, Евразиялык экономикалык биримдик, Артем Новиков
Тема боюнча
Оор жүктөрдү үзгүлтүксүз ташууну жакшырталы. Новиков ШКУ жыйынында маселе көтөрдү
ВТБ банкынын президенти Андрей Костин. Архив

Россиялык банкир интеграциянын мыкты мисалдарын атады. Бири КРге байланыштуу

149
(жаңыланган 17:04 04.12.2020)
Андрей Костин алгачкы Евразия конгрессинде сүйлөп жатып банктар экономика менен интеграциянын локомотиви боло аларын белгиледи.

БИШКЕК, 4-дек. — Sputnik. Экономикалык интеграциянын эки мисалын "ВТБ банкынын" президенти Андрей Костин атады.

Алгачкы Евразия конгрессинде сүйлөп жатып, ал банктар экономика менен интеграциянын локомотиви боло аларын белгиледи.

"Биздин банк Казакстандагы ири тоо-кен металлургия тармагындагы топ менен кызматташат. Биз каражат менен гана камсыздабастан, андан чопо сатып алып Тажикстанга жөнөтөбүз. Ошондой эле алюминий өндүргөн компанияны каржылап, ордуна даяр продукция алабыз. Товарды дүйнөлүк рынокко чыгарабыз", — деди Костин.

Мындай жол менен ал Россия, Казакстан жана Тажикстан өлкөлөрүнүн ортосунда интеграция жүргүзүп жатканын айтты. Бул финансылык түзүмдөр ишке ашыра ала турган интеграциялык кызматташтыктын бир мисалы экенин кошумчалады.

"Ошондой эле биз Кыргызстандагы ири алтын кенине инвестор жана кредитор болуп бердик. Кеп "Жерүй" долбоору жөнүндө болуп жатат. Бул дагы финансылык институттар экономикалык өнүгүүсүнө салым кошо аларын көрсөткөн экинчи далил", — деди банк жетекчиси.

Буга чейин адистер ЕАЭБди мындан ары өнүктүрүү үчүн эмне кылуу керектигин айтышкан эле.

149
Белгилер:
банк, экономика, интеграция, Евразиялык экономикалык биримдик, Кыргызстан, Россия
Тема боюнча
Адис ЕАЭБди мындан ары өнүктүрүү үчүн эмне кылуу керектигин айтты
Евразия өнүктүрүү банкы "Манас" аэропорту жана Темир жол долбоорун карап жатат
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен