Алматыда Кыргызстандын номери тагылган унаалар текшерилет

© Sputnik / Табылды КадырбековПродажа новых автомобильных номеров в Кыргызстане
Продажа новых автомобильных номеров в Кыргызстане - Sputnik Кыргызстан
Жазылуу
Бажы салыктары төлөнбөгөн мындай автоунаалар Казакстанда чет элдик машина катара саналат.

БИШКЕК, 8-фев. — Sputnik. Алматы шаарындагы мамлекеттик органдар Кыргызстанда катталып, КР номери тагылган машиналарды айдап жүргөн айдоочуларды аныктоо боюнча такай рейд өткөрүп турууну пландап жатат. Бул тууралуу Алматынын мамлекеттик кирешелер департаментинин сайтында маалымдалды.

ЕАЭБге кошулуу келишимине ылайык, 2014-жылдын 1-январынан тарта Кыргызстанга кирген автоунаалар экономикалык биримдиктин бажы салыктарынын айырмачылыгын төлөгөндөн кийин гана ал ЕАЭБдин товары болуп эсептелет.

Audi TT Coupe автоунаасы. Архив - Sputnik Кыргызстан
Тимати Казакстанда 10 жыл бою айып короодо турган унаасын сатмай болду
Бажы салыктары төлөнбөгөн мындай автоунаалар Казакстанда чет элдик машина катара саналат.

Текшерүү менен ички иштер департаменти, прокуратура жана Алматынын мамлекеттик кирешелер департаментинин кызматкерлери алектенет.

Кыргызстанда катталган машиналардын көбөйүшү менен аны айдап жүргөн Казакстандын жарандарын аныктоо боюнча рейдди такай уюштуруп туруу каралууда. Ошондой эле алар административдик жоопко тартылары маалыматта айтылат.

Буга чейин Кыргызстандын номери тагылган 306 машина кармалган. Алардын 44ү складга киргизилип, төрт автоунаа мамлекеттин кирешеси үчүн соттун чечими менен алынган. Алматынын мамлекеттик кирешелер департаменти кыргызстандык жарандын атына катталган автоунааны ишеним каттын негизинде Казакстандын жарандары айдай албай турганын эскертет.

Жаңылыктар түрмөгү
0