Казакстанда үч аялды 9 жыл кулчулукта кармаган темир жолдун кызматкери соттолду

© AP Photo / Marcelo RuizАялдар. Архив
Аялдар. Архив - Sputnik Кыргызстан
Жазылуу
Айлык албай иштөөгө мажбурланган аялдар былтыр качууга аракет кылышкан, бирок ойлору ишке ашкан эмес.

БИШКЕК, 29-июн. — Sputnik. Казакстандын Ак-Төбө облусунда адамдарды кулчулукта кармаганы үчүн темир жол станциясынын 53 жаштагы жетекчиси 5,5 жылга эркинен ажыратылганын Sputnik Казакстан агенттиги жазып чыкты. 

Маалыматка ылайык, 44 жана 29 жаштагы эки аял былтыр кыш айларында бошотулган. Алардын айтымында, Хромтау районуна түшкөн келиндерди иштөөгө мажбурлап, бирок эмгеги үчүн эч кандай акча төлөнгөн эмес. Бул боюнча кылмыш иши темир жол станциясынын жетекчиси Гани Ильясовго карата козголгон.

"Ильясовдун 2008-жылы жергиликтүү бир аялга жумуш сунуштап, тамак-аш жана турак жай менен камсыздай турганын айтканы аныкталды. Макул болгон келинди ал Бакай станциясына алып келип, 2017-жылдын февралына чейин кармаган. Аял кара жумушта иштеп, малга каралашып, бирок эмгеги үчүн эч кандай акы алган эмес", — деп айтылат билдирүүдө.

Селсаяк. Архив - Sputnik Кыргызстан
Москвадагы "селсаяк"... Мамат акеге тамак гана алып бере алдым
Бир нече убакыттан кийин Ильясов жумушчулардын санын көбөйтүүнү чечет да, Ак-Төбөдөгү мектептердин биринин жанынан жупуну кийинген аялга 50 миң теңге айлык менен уй саап, мал кайтарып иштөөнү сунуштайт. Келиндин барар жери жок экенин жакшы билген Ильясов ал аялды да күч менен фермада кармап келген.

Кийинчерээк жакшы маяна убадалап, аталган фермага дагы бир келинди алып келген. Айлык албай иштөөгө мажбурланган аялдар былтыр качууга аракет кылышкан, бирок ойлору ишке ашкан эмес. Келиндердин биринин шаарга "Мен Гани Ильясовдун Бакай станциясындагы фермасындамын, мени кое бербей жатышат, жардам бергиле" деп берип жиберүүгө үлгүргөн катынан улам аларды кулчулуктан бошотууга мүмкүн болгон.

Ильясов тагылган айыпты мойнуна алган жок. Ал аялдар менен айлык тууралуу сүйлөшпөгөнүн, үйгө кетүү ойлору бар экенин билбегенин айтты.

Сот Гани Ильясовду күнөөлүү деп таап, 5 жыл 6 айга эркинен ажыратты. Мындан тышкары, ал жабыркаган аялдарга эки миллион теңге төлөп бермей 

Жаңылыктар түрмөгү
0