Казакстандагы дүкөндөрдөн адамдын ДНКсы бар колбасаны издеп жатышат

© AFP / JOHN MACDOUGALLКолбасные изделия на прилавке магазина
Колбасные изделия на прилавке магазина - Sputnik Кыргызстан
Жазылуу
Колбаса чыгарган ишкана "адамдын эти" менен "адамдын ДНКсы" деген сөздөрдү айырмалап кабылдоого чакырды

БИШКЕК, 16-авг. — Sputnik. Актөбө облусундагы дүкөндөрдөн адамдын ДНКсынын издери бар колбасаны издеп жатышканын Sputnik Казакстан кабарлады.

Буга чейин социалдык тармактарда Актөбө облусунан тартып алынган документтин сүрөтү жайгаштырылып, анда россиялык фирмага тиешелүү продукциядан "кишинин ДНКсынын изи" табылганы жазылган. Мындан улам ишкерлерден бул продукцияны сатууга жол бербөөнү суранышкан.

Актөбө облусунун коомдук саламаттыкты коргоо боюнча департаментинин жетекчисинин орун басары Гулбана Даулетованын маалыматына караганда, аймактык рынок иликтөөгө алынды.

"Дүң жана чекене соода кылгандардан россиялык "Мортадель" өндүрүшүнөн чыккан эки аталыштагы продукциясынын кайда сатылганы такталууда. Эгерде алар чыгып калса, кайра артка кайтарылып лабораториялык экспертизадан Бажы биримдигинин техникалык регламентинин талаптарына туура келер-келбеси аныкталат", — деп айтып берди Даулетова Sputnik Казакстанга.

Приготовление мяса в Абхазии - Sputnik Кыргызстан
Эң арзан эт Кыргызстандын кайсы аймагында сатылат? Тамшанткан рейтинг
Российялык "Мортадель" компаниясынын вице-президенти Эльвира Агурбаш буга чейин сөз болуп жаткан окуя фирманын беделине шек келтирүү үчүн атайын уюштурулган иш деген пикирин айткан.

Агурбаш жөнөкөй киши үчүн "адамдын ДНКсы табылды" деген сөз "колбасада кишинин эти табылды" деген сыяктуу кабылданарын белгилеген. Ал кишинин ДНКсы адам жакындап, колу-башы тийген нерселерде кала берерин айтып, заводдун продукциясында кезиксе, таңгалып деле кереги жок экенин белгилеген. Ал ошондой эле экспертиза жалган болуп чыгып, маалыматты тараткан басылмалар кечирим сурагандыгын кошумчалаган.

Жаңылыктар түрмөгү
0