Кыргыз-казак чек арасындагы абал боюнча Казакстан жооп кайтарды

© Sputnik / Актан ТемиркановСитуация на КПП "Ак-жол - Автодорожный"
Ситуация на КПП Ак-жол - Автодорожный - Sputnik Кыргызстан
Жазылуу
Казакстандын чек арачылары коңшу мамлекеттер менен болгон чек арасындагы көзөмөлдү күчөткөн

БИШКЕК, 11-окт. — Sputnik. Казакстандын улуттук коопсуздук комитетинин маалымат кызматы өлкөнүн бардык чек арасында, анын ичинде кыргыз-казак чек арасында дагы пландалган операция болгонун билдирди.

10-октябрда кеч курун кыргыз-казак чек арасындагы өткөрүү пункттарында көзөмөл күчөп, жарандар жана автоунаалардын тоскоолдуксуз өтүүсүндө көйгөй жаралган. Бүгүн, 11-октябрда да абал өзгөргөн эмес

Аталган операциянын максаты чек арадагы мыйзамсыз аракеттердин алдын алуу, террордук, аткезчилик жана башка кылмыштарга тийиштиги барларды аныктоо, ошондой эле чек ара режими менен миграциялык мыйзамдардын сакталуусун текшерүү экени билдирүүдө айтылат.

"Буга байланыштуу чек арадан өткөн адамдарды, транспортту, анын ичинен жүк ташыган унааларды текшерүү күч алды. Ал эми чек арадан өтүүгө тоскоолдук кылуу жана тыюу салуу болгон жок. Улуттук коопсуздук комитетинин Чек ара кызматынын бөлүктөрү менен аскерлери мыйзамдын алкагында иш алып барууда", — деп айтылат билдирүүдө.

Андан сырткары, казакстындык чек арачылар тарабынан казакстандык жана чет элдик жарандардын укуктарын бузуу болбогону маалыматта айтылат.

Жаңылыктар түрмөгү
0