На месте крушения поезда в Жамбылской области Казахстана. 17 июня 2018 года

Жамбылда поезддин кырсыкташынын алдын ала себеби айтылды

376
(жаңыланган 19:18 17.06.2018)
Алдын ала маалымат боюнча машинист поездди чукул токтотууга аракет кылган.

БИШКЕК, 17-июн. — Sputnik. Казакстандын инвестиция жана өнүгүү министрлиги Жамбылдагы поезддин кырсыкка эмне себептен кириптер болгонун айтты. Бул тууралуу Sputnik Казакстан агенттиги жазды.

© Ruptly
Пассажирский поезд сошел с рельсов в Казахстане. Съемка с места ЧП

Эскерте кетсек, 17-июнь күнү Астана — Алматы багыты боюнча жүргүнчү ташып келе жаткан поезддин алты вагону рельстен чыгып, үчөө бир капталына оодарылып калган. Анын кесепетинен бир өспүрүм каза таап, дагы үч киши ооруканага жеткирилгени айтылган.

"Машинист рельстин кыйшайып калганын көрүп, поездди чукул токтотууга аракет кылган. Поезд ошондон улам кырсыкка учураган", — деп айтылат маалыматта.

Окуянын чоо-жайын иликтөө үчүн атайын комиссия түзүлдү. 

376
Белгилер:
рельс, себеп, поезд, Жамбыл
Тема боюнча
Жамбылда жүргүнчү ташып бараткан поезд рельстен чыгып, бир бала каза болду. Видео
Чүйдө жүк ташуучу унааны поезд кагып, айдоочу каза болду
Бишкектеги темир жол бекетиндеги поезд. Архив

Кыргызстан Казакстан Россия темир жол каттамдарынын графиги түзүлдү

141
(жаңыланган 15:36 27.11.2020)
Эгер Республикалык штаб тийиштүү алгоритмдин негизинде иш алып барууга уруксат бере турган болсо өлкөдөгү ички каттамдар дагы жанданат.

БИШКЕК, 27-ноя. — Sputnik. Кыргызстан Россия жана Казакстандын темир жол администрациялары менен биргеликте 2021-жылдагы эл аралык каттамдарынын графигин түздү. Бул тууралуу "Кыргыз темир жолу" ишканасынан кабарлашты.

Ага ылайык поезддер төмөнкү график боюнча катташат:

  • Бишкек — Москва каттамы, жумасына эки ирет;
  • Бишкек — Казань каттамы, жумасына бир жолу;
  • Бишкек — Новосибирск — сегиз күндө бир жолу.
"Поезддер бул график боюнча коронавирус пандемиясына байланыштуу чектөөлөр үч өлкөдө тең алынгандан кийин каттай баштайт", — деп айтылат маалыматта.

Ошондой эле ишкана эгер Республикалык штаб тийиштүү алгоритмдин негизинде иш алып барууга уруксат бере турган болсо Бишкек — Кайыңды, Бишкек — Кара-Балта, Бишкек — Токмок ички каттамдарын дагы жанданта турганын кабарлады.

Эске салсак, эл аралык темир жол каттамдары 2020-жылдын 17-мартында убактылуу токтотулган. Ал эми ички каттамдарга 25-мартта чектөө киргизилген.

141
Белгилер:
билет, пандемия, алгоритм, Казакстан, Кыргызстан, Россия, темир жол
Тема боюнча
Кыргызстандын авиакомпаниялары Европа биримдигинин кара тизмесинен качан чыгат
Кара куурай плантациясы. Архивдик сүрөт

Өзбекстан кара куурай плантациясын иштетип, ал экспортко жөнөтүлөт

56
(жаңыланган 12:55 27.11.2020)
Жакынкы күндөрү сырьену кайра иштетүүчү завод жана лаборатория курулат. Даяр болгон продукция экспортко жөнөтүлөт.

БИШКЕК, 27-ноя. – Sputnik. Өзбекстандын Сырдарыя облусунда медициналык максатта кара куурай өстүрүлөт. Бул тууралуу Sputnik Өзбекстан жазды. 

Өлкөнүн Инвестиция жана соода министрлиги Melabis компаниясы менен кабыл алган меморандумга ылайык, биринчи жылы өсүмдүктү 500 гектар жерге тигүү пландалууда. Кийинки үч жылда аянты 3000 гектарга чейин кеңейет.

Маалыматта Борбордук Азиянын климаты кара куурай өстүрүүгө ылайыктуу экени, өсүмдүк пахтага караганда сууну аз иче турганы белгиленген.

Өнөр жай шартында иштетилген кара куурай курамында 0,1-0,2 пайыздан ашпаган тетрагидроканнабинолу бар даяр продуктуга айланат. Бул Дүйнөлүк саламаттык сактоо уюмунун шарттарына толук туура келет жана өсүмдүктү башка максатта колдонууга жол берилбейт. Иштетилген продукция экспортко жөнөтүлмөкчү.

Долбоорго 33 миллион доллар сарптоо пландалып жатат. Жакынкы аралыкта жогорку технологиялык завод жана сырьену кайра иштеткен лаборатория курулат. Анда 100 жумушчу орун түзүлөрү айтылды.

Үстүбүздөгү жылдын март айында Өзбекстандын президенти Шавкат Мирзиёев кара куурайды өнөр жай максатында иштетүү боюнча мыйзамга кол койгон.

56
Белгилер:
завод, кара куурай, Өзбекстан
Тема боюнча
Ысык-Көлдө "Мак-2020" операциясында 208 тонна кара куурай жок кылынды
Токтогулдагы үйлөрдүн биринен 101 кг кара куурай табылып, шектүү кармалды
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

0
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

0
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз