Последствия ливня во Владивостоке

Астанада нөшөрлөгөн жаандан улам, тургундар кайык менен сүзүүгө аргасыз болду

628
(жаңыланган 11:32 22.08.2018)
Нормадан жогорулаган сууну сордуруп алуу үчүн атайын эки көчмө станция тартылган.

БИШКЕК, 21-авг. — Sputnik. Казакстандын борборунда дүйшөмбү күнү нөшөрлөгөн жамгырдан улам суунун деңгээли жогорулап кетти. Бул тууралуу Sputnik Казакстан агенттиги Астананын акимиатына шилтеме берип жазды.

Нормадан жогорулаган сууну сордуруп алуу үчүн атайын эки көчмө станция тартылган.

"Борбор калаанын көчөлөрүндө 100дөн ашык атайын техника иштеп жатат", — деп жазылат маалыматта.

Ал ортодо интернет айдыңына видео тарады. Анда Астананын көчөлөрүнүн биринде эки адам кайык менен сүзүп жүргөнүн көрүүгө болот. Бирок анын качан тартылганы такталбай жатканын Tengrinews кабарлады. 

Эртең менен эрте суу ташкынынан улам Астана шаарындагы коомдук транспорттун каттамы өзгөртүлгөн. Ал эми жергиликтүү убакыт боюнча 09.00дөр чамасында бардык автобустар өз каттамы менен жүрө баштады.

ЖМКлар учурда абал кандай экендигин тактай элек, бирок Казгидромет 21-августта жамгыр катуу жаап, түндүктөн соккон шамалдын ылдамдыгы секундасына 15-20 метрге чейин жете тургандыгын болжолдоодо.

628
Белгилер:
суу каптоо, жамгыр, Астана, Казакстан
Тема боюнча
Японияда жер титирөөдө окуучу кыз жана эки киши каза болду
Кытайга жааган улуу кар 13 кишинин өмүрүн алып кетти
Жалган эмес! Нөшөрлөгөн жаандан улам дүйнөдөгү эң ири чөлдү суу каптады