БИШКЕК, 7-сен. — Sputnik. Батыш Казакстан облусунун полиция кызматкери жетекчисин тапанча менен атып салды деп кармалганын Sputnik Казакстан агенттиги жазды.
Укук коргоо органдарынын версиясы боюнча полициянын сержанты өз жетекчисин райондук ички иштер органдарынын короосунда атып салган.
Окуя Акжы районунун Чапаев айылындагы полициянын бөлүмүндө бейшемби күнү болжол менен саат 16:30дар чамасында болгон. Облустук саламаттык сактоо башкармалыгынын билдиришинче, 32 жаштагы командир дарыгерлер келгенге чейин каза болгон.
Кармалган сержант 24 жашта.
Аталган факты боюнча "Адам өлтүрүү" беренеси менен териштирүү иштери башталды.
