III Всемирные игры кочевников. 4 день. Кок-бору. Казахстан против Красноярска

Көчмөндөр оюну ири мелдеш эмес! Казакстандын федерациясы улакчылары тууралуу

3595
(жаңыланган 13:00 11.09.2018)
Көчмөндөрдүн дүйнөлүк үчүнчү оюндарынын алкагында Казакстандын курама командасы көк бөрү оюнунда Өзбекстанга утулуп калган болчу. Бул жеңилишке Казакстандын тургундары терс көз карашын билдирип, социалдык тармакка сын жазып чыгышкан.

БИШКЕК, 10-сен. — Sputnik. Казакстандын Улуттук спорт федерациясынын президенти, межилис депутаты Бекболат Тилеуханов казак оюнчулары Кыргызстанда өткөн Көчмөндөр оюндарына даярдыксыз барды деген айрым пикирлерге жооп кайтарды. Бул тууралуу Sputnik Казакстан маалымат агенттиги жазды. 

Президент казахстанской федерации национальных видов спорта Бекболат Тлеухан во время пресс-центра
© Sputnik / Бекболат Тлеухан
Казакстандын Улуттук спорт федерациясынын президенти, межилис депутаты Бекболот Тилеуханов

"Көкбөрүчүлөр Көчмөндөр оюндарына даярдыксыз барды деп айтканга болбойт. Окуу, машыгуулар өтүп жатат. Бизде жаштар жана чоңдор командалары болуп, жалпысынан 300 көкбөрүчү бар. Жаман ойногон жокпуз. Байгелүү орунга жетип, коло байгеге ээ болдук. Анан калса Көчмөндөр оюндарына чоңдор эмес, жаштар командасы кеткен. Көкбөрүчүлөрдүн утулуп калышынан трагедия жасоонун кажети жок. Өзбектер деген ким? Алар улуу спорт державасы экенин билип койгула. Алардын оюнчулары отузга таяп калгандар болчу. Биздики жаштар болду. Абдан татыктуу оюн көрсөтүштү", — деди Тилеуханов.

Ал ошондой эле жакында Индонезиянын Жакарта шаарында өткөн Азия оюндарында Казакстандын боксчулары менен дзюдочулары утулуп, бир да байге албаганын айтып, андан трагедия жасабай, көкбөрүдөн трагедия жасап жаткандарды түшүнбөй турганын кошумчалады.

Тилеуханов, андан сырткары, "бардык көк бөрүчүлөрдүн шагын сындырып, казактар шордуу, бечара экен деп кемсинткенге болбой турганын" белгиледи. Ошондой эле социалдык тармакта түрдүү пикирлерди жазып жаткандарга кайрылып, "Фейсбук — бул өзүнчө аалам, ар ким өзүнүн оюн айтып, эч кандай жоопкерчиликке тартылбайт" деди ал.

Казакстандын Улуттук спорт федерациясынын президенти андан сырткары Көчмөндөр оюндарына эмнеге жаштар командасы жиберилгенин айтып түшүндүрдү

"Бир четинен алганда бул Азия же Дүйнө чемпионаты эмес. Алардын жанында бул жөнөкөй гана фестиваль. Ошондуктан биз жаштар командасын жибердик. Алар дагы тажрыйба топтошу керек", — деди Тилеуханов.

Эске салсак, Көчмөндөр оюндарында Казакстандын көк бөрү боюнча курама командасы Өзбекстанга 4:5 эсебинде утулган. Бул окуяны социалдык тармакта казакстандык колдонуучулар катуу сынга алып, өмүрү көк бөрү тартып көрбөгөн командага утулуп калышы уят экенин жазып чыгышкан. Өз кезегинде Казакстандын Көкпар федерациясынын өкүлү утулуш боюнча өз пикирин Sputnik Кыргызстан агенттигине айтып берген болчу

3595
Белгилер:
Көк бөрү, III Дүйнөлүк көчмөндөр оюндары, Казакстан, Кыргызстан
Тема:
Көчмөндөрдүн дүйнөлүк III оюндары (211)
Тема боюнча
Көк бөрү боюнча өзбек командасы казак улакчыларын утуп алды!
Көңүлү көтөрүлгөн көчмөндөр. Бир жумалык тойдун жабылышынан жагымдуу сүрөттөр
Казакстандын Көкпар федерациясы улакчылары эмнеге утулуп калганын түшүндүрдү
Пикирлер