Шишкебек.Архивдик сүрөт

Казакстанда 223 метр шишкебек жасалып дүйнөлүк рекорд коюлду. Видео

329
(жаңыланган 18:17 02.11.2021)
Эң узун шишкебекти жасоо үчүн 420 килограмм тоок эти керектелген.

БИШКЕК, 30-сен. — Sputnik. Казакстандын Акмоло облусунда дүйнөдөгү эң узун шашлык жасалып Гиннестин рекорддор китебине кирди. Бул туурасында Sputnik Казакстан агенттиги жазып чыкты.

Маалыматка ылайык облустун борбордук аянтында жайгашкан "Макински" тоок фабрикасынын ачылышына карата өзгөчө акция уюштурулган.

"Жаңы ачылган фабриканын 200 кызматкери дүйнөдөгү эң узун шишкебекти бышырды. Аны жасоо үчүн өзгөчө рецепт менен атайын даярдалган 420 килограмм тоок эти керектелди. Ал эми шишкебекти бышыруу үчүн атайын мангалды Кокшетаудан жасап келишкен", — деп айтылат маалыматта.

Тамактын жасалышына байкоо салуу үчүн Гиннесттин рокорддор китебинин расмий өкүлү чакырылган. Ал даярдалган шишкебектин узундугу 223 метр 65 сантиметрге жетти деп каттаганы кабараланды.

Муну менен 2007-жылы Сингапурдан жасалган 140 метрлик шишкебектен ашып өтүп казакстандык ашпозчулардын эмгеги рекорд койгону белгиленет. Узун шишкебек келген конокторго акысыз таратылган.

Эсткерте кетсек, үстүбүздөгү жылдын март айында Бишкекте дагы 1464 килограмм бешбармак жасалып Гиннестин рекорддор китебине кирген. Ага кошо 117 метрлик чучук да даярдалып, бирок рекордго талапкер катары жөнөтүлгөн эмес.

329
Белгилер:
Казакстан, Гиннес китеби, рекорд
Тема боюнча
Дүйнөдөгү эң кымбат, алтынды да басып өткөн азыктар. Тизме
Дүйнөдөгү эң узак жашаган жубайлар Гиннесстин рекорддор китебине кирди
15 миң адам самба бийлеп Гиннеске кирди. Көз жоосун алган бийдин видеосу
Алма-Ата шаарындагы блокпосттогу медицина кызматкерелери. Архив

Казакстан өлкөгө кирүү эрежесин катаалдаштырып, чектөө киргизет

421
(жаңыланган 11:27 30.11.2021)
Коңшу мамлекет айрым өлкөлөрдөн барган жарандарга чектөө киргизип, Египет менен аба байланышты токтоткону маалым болду.

БИШКЕК, 30-ноя. — Sputnik. 3-декабрдан тарта Казакстан өлкөгө кирүү эрежесин катаалдаштырып, коронавирустун "омикрон" штаммы аныкталган өлкөлөр менен аба байланышын токтотот. Бул тууралуу Sputnik Казакстан жазды.

Мындан сырткары, Казакстандын бийлиги айрым өлкөлөрдүн жарандарына кирүүгө чектөө киргизе турганы айтылып, саламаттык сактоо вице-министри Марат Шоранов аларды санап берген.

"Ботсвана, Лесото, Зимбабве, Мозамбик, Мадагаскар, Эсватини, Танзания жана Гонконг мамлекеттеринин жарандарына кирүүгө чектөө коюлат. Коронавирустун жаңы "омикрон" штаммы катталгандыктан аны өлкө аймагына киргизбөө максатында 3-декабрдан тарта бийлик чектөө чараларын көрөт ", — деди ал.

3-декабрдан баштап Казакстан коронавирустун жаңы штаммы аныкталган (Израиль, Чехия, Нидерланддар, Улуу Британия, Италия, Германия, Австралия, Канада) мамлекеттеринен келген жарандардан эмделгенине карабай сөзсүз ПЦР-тест талап кылары айтылды. Мындан сырткары, "омикрон" штаммы катталган өлкөлөрдөн келгендер ПЦР-тесттин жыйынтыгына карабай жети күн изоляцияда жатышы керек.

Казакстан Египет менен да аба байланышын токтоткону кошумчаланды.

421
Белгилер:
Казакстан, чектөө, эреже, коронавирус, жаңы штамм
Тема:
Дүйнөгө жайылган коронавирус
Тема боюнча
ДССУ "омикрон" штаммы коомго коркунуч жаратарын айтты
Дүйнө тынчсызданган "омикрон" штаммынын белгилери, кайдан чыкканы айтылды
Түркмөнстандын башчысы Гурбангулы Бердымухамедов. Архивдик сүрөт

Түркмөн башчысы Бердымухамедовдун жубайы алгачкы жолу коомчулукка чыкты. Сүрөт

497
(жаңыланган 12:29 29.11.2021)
Эл көзүнөн оолак жүргөн канайымды түрк басылмалары тартып алган. Ачык маалыматтарда ал жолдошу менен жашташ экени жана төрт баланы тарбиялаганы айтылат.

БИШКЕК, 29-ноя. — Sputnik. Түркмөнстандын башчысы Гурбангулы Бердымухамедовдун жубайы Огулгерек Бердымухамедова алгачкы жолу коомчулукка чыкты. Бул тууралуу Түркиянын Sondakika агенттиги жазды.

​Ага ылайык, Ашхабад шаарында Гурбангулы Бердымухамедов менен Түркиянын өлкө башчысы Режеп Тайип Эрдоган жолуккан.

Түрк лидери жубайы Эмине Эрдоган менен Түркмөнстанга Экономикалык кызматташтык уюмунун жыйынына катышуу үчүн келген.

Бул сапарды чагылдырган түрк басылмалары президенттерди жубайлары менен тарткан. ЖМКлар бул Түркмөнстандын канайымы Огулгерек Бердымухамедованын расмий алгачкы сүрөтү экенин белгилеген. Ошол эле түркмөн ЖМКлары биринчи айымдын сүрөтүн жарыялаган эмес.

Огулгерек Бердымуxамедова — эл көзүнөн оолак, табышмактуу каныйымдардын бири. Үч кыз, бир уулдун апасы. Ачык маалыматтарда ал жолдошу менен жашташ экени айтылат.

497
Белгилер:
Түркмөнстан, Гурбангулы Бердымухамедов, канайым, сүрөт, Огулгерек Бердымухамедова
Тема боюнча
Жапаров Бердымухамедов менен жолугуп, кызматташчу өзгөчө багыттарды атады
Бердымухамедовдун вице-премьерлер менен футбол ойногон видеосу
Арашан айылындагы парламенттик шайлоодо жергиликтүү шайлоо комиссиясынын мүчөлөрү шайлоо участкасында иштеп жаткан учуру

Добуштардын 40%ы саналды. Алдыда келе жаткан 7 партиянын тизмеси

88
(жаңыланган 13:41 01.12.2021)
Саат 13:00гө карата 1000 шайлоо тилкесинде бюллетендер эсептелип, протоколдор БШКга жөнөтүлгөн.

БИШКЕК, 1-дек. — Sputnik. Парламенттик шайлоодо берилген добуштардын 40,10 пайызы кол менен саналып бүттү. Бул тууралуу Боршайкомдун бюллетендерди эсептөөнү онлайн режиминде көрсөткөн newess.shailoo.gov.kg порталында маалымдалат.

Саат 13:00гө карата 1000 шайлоо тилкесинде бюллетендер саналып бүтүп, протокол жөнөтүлгөн. Бул 446 907 жарандын тандоосу ачыкталганын түшүндүрөт. Жалпысынан шайлоого 1 273 557 кыргызстандык катышкан.

Азырынча төмөнкү партиялар беш пайыздык босого чектен өттү:

Кыргызстанда парламенттик шайлоо 28-ноябрда өтүп, АСУнун алдын ала жыйынтыгы чыкты. Партия тизмеси боюнча беш пайыздык босогодон алты партия өттү. Бир мандаттуу округ боюнча да алдын ала жыйынтык белгилүү болду. Акыркы жыйынтык протоколдордун баары кол менен эсептелип чыккандан кийин расмий жарыяланат.

88
Белгилер:
Кыргызстан, шайлоо, пайыз, добуш, саноо, кол
Тема:
2021-жылкы парламенттик шайлоонун жыйынтыгы
Тема боюнча
Адис жаңылган. БШК сайттагы добуштарды ким көбөйтүп салганын айтты
Шайлоо-2021: бир мандаттуу округ боюнча кол менен саноонун алдын ала жыйынтыгы
Шайлоонун партиялар боюнча алдын ала жыйынтыгы. Кол менен саноо