Өрт өчүрүүчү. Архивдик сүрөт

Кытайда өрт өчүрүүчүлөр суицидге каршы күрөшүүнүн өзгөчө ыкмасын тапты. Видео

203
(жаңыланган 15:47 02.10.2018)
Кытайда өз жанын кыйган кадамдардын көбү аялдар. Дүйнөлүк саламаттык сактоо уюмунун акыркы маалыматы боюнча жер жүзүндө катталган суициддин 26 пайызы Кытайга туура келет.

БИШКЕК, 2-окт. — Sputnik. Кытайдын өрт өчүрүүчүлөрү калк арасында суицидге каршы күрөшүүнүн өзгөчө, ошол эле учурда жөнөкөй ыкмасын ойлоп табышты. Өз жанын кыюуга аракет кылгандарды куткаруу учуру тартылган видеону People's Daily China басылмасынын Twitter баракчасына жарыяланды.

​Маалыматка караганда мурдараак өрт өчүрүүчүлөр көп кабаттуу үйдүн терезесинен секирем деп жаткан кыздын окуясына күбө болушкан. Анда алар кызга карай катуу басым менен суу чачып аны терезеден үйгө киргизишкен.

Башында куткаруучулар коңшулаш үйдүн терезесинен узун таяк менен кызды артка түртүүгө аракет кылганда натыйжа берген эмес. Мындан улам өрт өчүрүү шлангы менен суу чачышканда кыз артка жыгылган. Мындай ыкма Кытайда көп колдонула баштаганы жазылат.

Кыздардын өз жанын кыюусуна көпчүлүк учурда билим алуунун түмөн түйшүгү жана эрте турмушка чыгууга мажбурлоо себеп болору белгиленет. Дүйнөлүк саламаттык сактоо уюмунун акыркы маалыматы боюнча жер жүзүндө катталган суициддин 26 пайызы Кытайда болот.

203
Белгилер:
суицид, куткаруу, өрт өчүрүүчү, Кытай
Тема боюнча
Баш көтөргүс болду. Кытайда майыпмын деп элди алдаган киши кантип жазаланды?
Британиялык аял кемеден кулап, сууда 10 саат сүзүп жүргөн
Бишкектеги темир жол бекетиндеги поезд. Архив

Кыргызстан Казакстан Россия темир жол каттамдарынын графиги түзүлдү

359
(жаңыланган 15:36 27.11.2020)
Эгер Республикалык штаб тийиштүү алгоритмдин негизинде иш алып барууга уруксат бере турган болсо өлкөдөгү ички каттамдар дагы жанданат.

БИШКЕК, 27-ноя. — Sputnik. Кыргызстан Россия жана Казакстандын темир жол администрациялары менен биргеликте 2021-жылдагы эл аралык каттамдарынын графигин түздү. Бул тууралуу "Кыргыз темир жолу" ишканасынан кабарлашты.

Ага ылайык поезддер төмөнкү график боюнча катташат:

  • Бишкек — Москва каттамы, жумасына эки ирет;
  • Бишкек — Казань каттамы, жумасына бир жолу;
  • Бишкек — Новосибирск — сегиз күндө бир жолу.
"Поезддер бул график боюнча коронавирус пандемиясына байланыштуу чектөөлөр үч өлкөдө тең алынгандан кийин каттай баштайт", — деп айтылат маалыматта.

Ошондой эле ишкана эгер Республикалык штаб тийиштүү алгоритмдин негизинде иш алып барууга уруксат бере турган болсо Бишкек — Кайыңды, Бишкек — Кара-Балта, Бишкек — Токмок ички каттамдарын дагы жанданта турганын кабарлады.

Эске салсак, эл аралык темир жол каттамдары 2020-жылдын 17-мартында убактылуу токтотулган. Ал эми ички каттамдарга 25-мартта чектөө киргизилген.

359
Белгилер:
билет, пандемия, алгоритм, Казакстан, Кыргызстан, Россия, темир жол
Тема боюнча
Кыргызстандын авиакомпаниялары Европа биримдигинин кара тизмесинен качан чыгат
Кара куурай плантациясы. Архивдик сүрөт

Өзбекстан кара куурай плантациясын иштетип, ал экспортко жөнөтүлөт

94
(жаңыланган 12:55 27.11.2020)
Жакынкы күндөрү сырьену кайра иштетүүчү завод жана лаборатория курулат. Даяр болгон продукция экспортко жөнөтүлөт.

БИШКЕК, 27-ноя. – Sputnik. Өзбекстандын Сырдарыя облусунда медициналык максатта кара куурай өстүрүлөт. Бул тууралуу Sputnik Өзбекстан жазды. 

Өлкөнүн Инвестиция жана соода министрлиги Melabis компаниясы менен кабыл алган меморандумга ылайык, биринчи жылы өсүмдүктү 500 гектар жерге тигүү пландалууда. Кийинки үч жылда аянты 3000 гектарга чейин кеңейет.

Маалыматта Борбордук Азиянын климаты кара куурай өстүрүүгө ылайыктуу экени, өсүмдүк пахтага караганда сууну аз иче турганы белгиленген.

Өнөр жай шартында иштетилген кара куурай курамында 0,1-0,2 пайыздан ашпаган тетрагидроканнабинолу бар даяр продуктуга айланат. Бул Дүйнөлүк саламаттык сактоо уюмунун шарттарына толук туура келет жана өсүмдүктү башка максатта колдонууга жол берилбейт. Иштетилген продукция экспортко жөнөтүлмөкчү.

Долбоорго 33 миллион доллар сарптоо пландалып жатат. Жакынкы аралыкта жогорку технологиялык завод жана сырьену кайра иштеткен лаборатория курулат. Анда 100 жумушчу орун түзүлөрү айтылды.

Үстүбүздөгү жылдын март айында Өзбекстандын президенти Шавкат Мирзиёев кара куурайды өнөр жай максатында иштетүү боюнча мыйзамга кол койгон.

94
Белгилер:
завод, кара куурай, Өзбекстан
Тема боюнча
Ысык-Көлдө "Мак-2020" операциясында 208 тонна кара куурай жок кылынды
Токтогулдагы үйлөрдүн биринен 101 кг кара куурай табылып, шектүү кармалды

Месси "Осасунага" киргизген голун Марадонага арнады. Видео

0
(жаңыланган 10:18 30.11.2020)
Месси бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" клубунун чабуулчусу Лионель Месси "Осасунанын" дарбазасына киргизген голун Диего Марадонага арнады. Бул тууралуу Р-Спорт жазып чыкты.

Месси беттештин 73-мүнөтүндө гол киргизип, урмат көрсөткөн. Каталондуктардын капитаны бир мезгилдерде Марадона кийип ойногон "Ньюэллс Олд Бойз" клубунун 10-номердеги футболкасын кийип алганын көрсөттү.

"Барселона" менен "Осасунанын" беттеши 4:0 эсеби менен талаа ээлеринин пайдасына аяктады. Месси төртүнчү голду киргизген.

1986-жылдагы дүйнө чемпиону Диего Марадона өткөн шаршембиде 60 жаш курагында көз жумган. Футболчу 1993-жылы аргентиналык "Ньюэллс Олд Бойз" клубунун намысын коргогон. Месси да өз кезегинде аталган клубдун академиясында тарбияланып, 2000-жылы "Барселонага" өткөн.

0
Белгилер:
эскерүү, Диего Марадона, Лионель Месси, футбол
Тема боюнча
Кароосуз калтырган. Марадонанын дарыгери анын өлүмүнө күнөөлөнүп жатат
Өз тажиямда эмне дээр элем... Марадонанын эски видеосу желдей тарады