Шавкат Мирзиёевдин Instagram соцтармагындагы баракчасы

Instagram тармагындагы белгилүү саясатчылар тизмектелди. Арасында Мирзиёев бар

294
(жаңыланган 11:27 15.12.2018)
Ири пиар-агенттиктери 426 мамлекеттеги социалдык тармактын аккаунттарына саресеп салган.

БИШКЕК, 13-дек. — Sputnik. Өзбекстандын президенти Шавкат Мирзиёев мурдагы совет өлкөлөрүнүн ичиндеги мамлекеттик ишмерлердин арасынан бирден-бир белгилүү Instagram колдонуучу болгон. Бул туурасында Sputnik Өзбекстан жазып чыкты. 

BCW (Burson Cohn & Wolfe) ири пиар-агенттиги "Instagram тармагындагы дүйнөлүк лидерлер" аталышындагы иликтөө жасап, 426 мамлекеттеги социалдык тармактын аккаунттарына саресеп салышкан.

Иликтөөнүн маалыматына ылайык, мурдагы совет өлкөлөрүнүн ичиндеги эң популярдуу интернет колдонуучу деп Россиянын премьер-министри Дмитрий Медведев табылган. Ага жазылгандардын саны — 2,91 миллион. Өзбекстандын башчысы миллиондон ашык катталуучусу менен экинчи орунду ээлеген.

Анын аккаунту дүйнөлүк лидерлерге салыштырмалуу алдаганча көп. Маселен, Германиянын канцлери Ангела Меркелге катталгандар 772 миң, Сингапурдун премьер-министри Ли Сянлундуку 358 миң, ошондой эле Улуу Британиянын өкмөт башчысыныкы 103 миңди түзөт. Белгилей кетүүчү нерсе, Мирзиёевдин маалымат кызматы өз баракчасын англис тилинде алып барат, ага 153 миң аккаунт жазылган.

Рейтингдин үчүнчү орунунда Азербайжандын президенти Илхам Алиев турат. Анын ишмердүүлүгүнө 237 миң адам абай салат. Ошондой эле алдыңкы бештикке Украинанын президенти Петр Порошенко (123 миң) менен Казакстандын премьер-министри Бахытжан Сагинтаев (77,9 миң) кирген.

Дүйнөлүк рейтингдин сап башын Индиянын өлкө башчысы Нарендра Моди (15 миллион) ээледи. Тизмеде экинчи орунда Индонезиянын башчысы Жоко Видодо (12 миллион) турат. Ал эми үчүнчү орунга АКШнын президенти Дональд Трамп (10 миллион) илинген.

294
Белгилер:
колдонуучу, миллион, рейтинг, Instagram, Шавкат Мирзиеев, Өзбекстан
Тема боюнча
Бир пост үчүн миллион доллар! Instagram баракчасы менен оңбогон акча тапкандар
Instagram тармагында күйөрманы көп ырчы ким? Көз күйдүргөн тизме
Аял ымыркайын кармап турат. Архив

Калк тейлөө борборунан 20 мүнөттө төрөгөн келин. Алматыдагы окуянын видеосу

166
(жаңыланган 14:18 11.07.2020)
Саат 12:30да жетекчинин иш бөлмөсүндө кыз бала жарыкка келген. Анын үй-бүлөдөгү үчүнчү бала экени маалым болду. Калкты тейлөө борборундагылар келинди кол чаап узатышкан.

БИШКЕК, 11-июл. — Sputnik. Алматыда кош бойлуу келин калк тейлеген борбордон көз жарды. Бул тууралуу Sputnik Казакстан агенттиги маалымдады.

Билдирмеге караганда, келин аталган жайга таанышынын батирине каттоого туруу үчүн келген. Бирок 10 мүнөттөн кийин толгоосу башталган.

Окуя тууралуу "Жарандар үчүн өкмөт" корпорациясынын башкаруучу директору Мурат Жуманбай айтып берген.

"Келин саат 12:00гө талон алган. Бирок 10 мүнөттөн кийин эле анын толгоосу башталды. Аны калкты тейлөө борборунун жетекчисинин милдетин аткаруучу Калмырза Сейтбеков көрүп калып, дароо иш бөлмөсүнө алып кирип, кушеткага жаткырган. Андан соң тез жардам чакыртышкан", — деди жетекчи.

Бирок медицина кызматкерлери келгенде аны төрөт үйүнө алып барууга жетишпей каларын түшүнүшкөн. Мындан улам медиктер келинди ошол жерден төрөтүшкөн.

Жолдон төрөтүп, аман алып калган абысыныма ыраазымын. Ак жарык

Саат 12:30да жетекчинин иш бөлмөсүндө кыз бала жарыкка келген. Анын үй-бүлөдөгү үчүнчү бала экени маалым болду. Ал эми 20 мүнөттүн ичинде көз жарып медиктердин коштоосунда чыккан келинди эл кол чаап узаткан.

166
Белгилер:
видео, ымыркай, төрөт, Алматы, келин, Казакстан
Тема боюнча
Чүйдүн төрөт үйлөрү иштебей жатат деген маалымат төгүндөлдү
ЕАЭБ мамлекеттердин желектери. Архив

ЕАЭБ чек араларындагы көйгөйлөр тезирээк чечилет. ЕЭК жыйынынын жыйынтыгы

131
(жаңыланган 00:45 11.07.2020)
Комитет ЕАЭБдин ичинде товарларды эркин өткөрүүнү камсыз кылуу жана талаш маселелерди, келишпестиктерди жөнгө салган "Жол картасын" иштеп чыгуу менен алектенет. 27-июлга чейин Биримдиктеги өлкөлөр өз сунуштарын көрсөтүшү керек.

БИШКЕК, 11-июл. — Sputnik. Евразия экономикалык комиссиясынын алкагында Евразия экономикалык биримдиктеги товарларды өткөрүүгө байланыштуу талаш кырдаалды жөнгө салган комитет түзүлөт. Бул тууралуу ЕЭК маалымат кызматы кабарлады.

10-июлда ЕЭК кеңешинин кезектеги жыйыны болду. Комитетти ЕЭК коллегиясынын башчысы Михаил Мясникович жетектейт.

"Комитетке Биримдиктеги мамлекеттердин ыйгарым органдарынын жетекчилери жана алардын орун басарлары, ошондой эле ЕЭК коллегиясынын мүчөлөрү Олег Панкратов, Гегам Варданян, Тимур Жаксылыков, Виктор Назаренко, Андрей Слепнев кирген", — деп айтылат маалыматта.

Маалым болгондой, комитет ЕАЭБдин ичинде товарларды эркин өткөрүүнү камсыз кылуу жана талаш маселелерди, келишпестиктерди жөнгө салган жол картасын иштеп чыгуу менен алектенет. 27-июлга чейин Биримдиктеги өлкөлөр өз сунуштарын көрсөтүшү керек.

"Жол картасына Биримдиктеги өлкөлөр арасында, анын ичинде ички чек араларда бир жактан экинчи жакка жөнөтүлгөн товарларды текшерүү иш-чараларын алып салуу же азайтуу кадамдары кириши мүмкүн. Мындан сырткары, планга товар айлантуудагы көзөмөл, каттоо жана ачык-айкындуулукту камсыз кылуучу чечимдер да киргизилет. Жол картасын ЕЭК кеңеши бекитет", — деп жазылган билдирмеде.

ЕЭК жалпы электроэнергетика рыногун түзүү боюнча иш-чаралардын жол картасын жактырды

Жол картасына сунушталчу маселелеринин ичинде транзитти жөнөкөйлөштүрүү көйгөйү да бар. Жыйындын жыйынтыгында ЕАЭБде транзитти жөнөкөйлөштүрүү боюнча келишимге кол коюу пландалып жатканы маалым болду.

"Башкы максат — бажы транзитинде бажы төлөмдөрүн төлөө системасын ыңгайлуу кылып түзүү. Бул келишим бажы төлөмдөрүн сөзсүз төлөө учурларына тиешелүү", — деп айтылат маалыматта.

Долбоордо Макулдашуу суроолордун эки блогун жөндөй турганы айтылган.

"Биринчиси, декларанттар үчүн кыскартуу мүмкүнчүлүгүн колдонууну карайт. Алар транзиттик жүктөр менен иштөөдө тажрыйбасы бар жана аларга коюлган критерийлерге жооп бере алгандар. Сумманы азайтуу бир катар шарттарды сактагандыгына жараша 20 же 30 пайызды түзүшү мүмкүн", — деп билдирди маалымат кызматы.

Суроолордун экинчи бөлүгү кепилдикти өнүктүрүүгө багытталган. Ал бажы, салык, атайын, антидемпингдик, компенсациялык төлөмдөрүнүн милдеттүү аткарылышын камсыздаган ыкма катары каралууда.

Ал кепил (поручитель) болгондорду улуттук кепил катары таануу боюнча жалпы шарттарды аныктайт. Аны менен бирге эле алар үчүн каржылык гарантиянын көлөмүнөн 10дон 100 пайызга чейин кыскартып колдонууну карайт. Макулдашуудагы "жеңилдетилген" механизм тышкы экономикалык ишмердүүлүктүн ЕАЭБ алкагында жүк ташуусунда тарткан чыгымдарын азайтууга көмөкчү болот", — деп айтылган маалыматта.

Бул макулдашуу өлкөлөр жана Комиссиянын тыкыр иштелип чыккан бажы документтеринин бири. Бул боюнча иш 2015-жылдан бери Евразиялык өкмөттөр аралык кеңештин буйругунун негизинде жасалып келе жатат. Ал учурда иштелип аягына чыкты.

Жээнбеков Бирдиктүү евразия патенти боюнча маанилүү документке кол койду

Жыйында Евразия экономикалык биримдиктин "Сүт жана сүт продукциясынын коопсуздугу тууралуу" техникалык регламентине да өзгөртүүлөр киргизилген. Анда ЕАЭБ "калыбына келтирилген сүт" түшүнүгүн киргизди. Калыбына келтирилген сүт — бул кургатылган сүттөн жасалган азыктар. Буга чейин биримдикте "сүт суусундугу" деген гана түшүнүк бар болчу.

Мындан сырткары, ЕАЭБдин бажы аймагында карантиндик фитосанитардык көзөмөлдөө жобосуна да өзгөртүүлөр киргизилгени айтылды.

131
Белгилер:
транзит, сунуш, техникалык регламент, өзгөртүүлөр, комитет, жыйын, ЕЭК, Евразиялык экономикалык биримдик
Тема боюнча
Назаралиев: ЕАЭБ өлкөлөрү ортосунда бирдиктүү биржа рыногу түзүлөт
Ат-Башынын тоолору. Архивдик сүрөт

Ат-Башыда 4,2 баллга жеткен жер титирөө болду

0
(жаңыланган 12:22 12.07.2020)
Очогу Ат-Башынын батыш тарабында 45 чакырым алыстыкта жайгашып, тереңдиги эки чакырымга жеткендиги кабарланат.

БИШКЕК, 12-июл. — Sputnik. Бүгүн эртең менен Нарын облусунда 4,2 баллга жеткен жер титирөө катталды. Бул тууралуу Европалык жер ортолук сейсмологиялык борбордон (EMSC) билдиришти.

​Мекеменин маалыматына ылайык, жер 12-июль күнү саат 6.28де силкинген. Анын очогу Ат-Башынын батыш тарабында 45 чакырым алыстыкта экени айтылды. Ал эми тереңдиги эки чакырымга жетет.

Сейсмолог Жумабаев: жер титирээрин алдын ала айтууга болот, бирок бир шарт менен

Жабыркагандар жана жапа чеккендер боюнча расмий маалымат жок.

0
Белгилер:
жер титирөө, Ат-Башы, Кыргызстан
Тема боюнча
Апкаарыган жок. Жаңы Зеландия премьери маек берген учурда жер титиреди. Видео
Сейсмолог Жумабаев: жер титирээрин алдын ала айтууга болот, бирок бир шарт менен