Казакстанда сууктун күчү 45 градуска жетип, адам өлүмү катталууда

© Sputnik / Александр Кряжев / Медиабанкка өтүүСуук. Архив
Суук. Архив - Sputnik Кыргызстан
Жазылуу
Сууктан эки аял тоңуп өлгөнү айтылды. Мектептер жабылып, аэропорттордо учактар кармалып турат.

БИШКЕК, 7-фев. — Sputnik. Казакстанда катуу суук болуп, элдин жашоосун кыйындатууда. Бул тууралуу Sputnik Казакстан жазып чыкты.

Ушу тапта Казакстандын чыгыш бөлүгүндө, ошондой эле Түндүк-Казакстанда, Акмоло, Павлодар жана Караганды облустарында абанын температурасы -45ке чейин түштү. Түштүк аймакта да сууктун күчү 25 градуска чейин жетери айтылууда.

Карга оронгон аяздуу Бишкек. Февралдагы 12 сүрөт - Sputnik Кыргызстан
Карга оронгон аяздуу Бишкек. Февралдагы 12 сүрөт

Ызгаардын кесепетинен Кустанай облусунда эки аялдын тоңуп өлгөнү белгилүү болду. Тийиштүү кызматтар муктаждык жок болсо сыртка чыкпоону эскертти. Мындан тышкары, айдоочуларга жолго чыкпай кое туруу сунушталды.

Бир сутканын ичинде Астанада 14 кишинин айрым жерлерин үшүк алып кеткен. Анын 10у чоң киши болсо, төртөө — балдар. Шаардык акимиат (мэрия) жылынуучу жайларды уюштурду. Үшүккө алдырган адамдар тууралуу маалымат өлкөнүн ар аймагынан келип жатат. Павлодарда бир кишинин эки кулагын үшүк алып кеткени белгилүү болду.

Посмотреть эту публикацию в Instagram

Публикация от Алматы қаласының әкімдігі (@akimat_almaty)

Кээ бир жерлерде окуу токтотулду, айрым облустарда бардык трассалар толугу менен жабылды. Акмолодо 220 киши жолдо калганы кабарланды.

Астана менен Алматынын аэропортторунда каттамдар токтоп турат.

Ал эми Казгидромет мындай аба ырайы бир нече күнгө созуларын айтты.

Жаңылыктар түрмөгү
0