Кары адам. Архив

30 жыл кийинтип-ичинткем! Казакстандык абышка АКШда жашаган кызын сотко берди

4044
(жаңыланган 13:25 11.03.2019)
Абышканын соттошуп жаткан кызынан башка дагы бир кызы жана уулу бар.

БИШКЕК, 10-мар. — Sputnik. Казакстандык 78 жаштагы Кадыр Нукин аттуу пенсионер чет өлкөдө жашаган кызын каралашпайт деген айып менен сотко берди. Бул тууралуу Tengrinews.kz басылмасы жазды. 

Өзүнүн айтымында, 1990-жылдардын башында үй-бүлөсү менен Америкага кеткен кызы учурда ал жакта бардар турмушта жашайт.

"Мен аны 30га чыкканга чейин ичинтип, кийинтип, элден калтырбай баккам. АКШга жаңы барганда менден кабар алып турчу. Азыр таптакыр байланышка чыкпайт. Алматыга үй-бүлөсү менен канча келип кетсе дагы телефон чалып койбойт", — деп даттанган пенсионер.

Макалада айтылганына караганда, абышканын дагы бир кызы жана уулу бар. Кичүү кызы менен дагы мамилеси бузулган, ал эми уулу  анын айтымында, "өз жанын араң" багат.

Мындан улам, ал чет өлкөдө жашаган кызы айына 400 доллардан төлөп берип турсун деп сотко кайрылган. Бул сумма анын жеген-ичкенине жана дары-дармегине жетет.

Казакстандын мыйзамдарына ылайык, бойго жеткен, ишке жарамдуу балдар карыган ата-энесин багууга милдеттүү. Андай болбой жатса, ата-эне сотко кайрыла алат. Ал үчүн пенсиялык китепчени көрсөтүшү зарыл. Сот абышка-кемпир сураган сумманы бардык балдарына бирдей бөлүп коюшу мүмкүн.

Бирок сотко бергендер жаш кезинде баласын өздөрү бакпаганы же ата-энелик укуктан ажыратылганы белгилүү болсо, балдарынан алимент ала албайт.

 

 

 

4044
Белгилер:
мыйзам, алименты, пенсионер, кыз, Казакстан
Эркеч-Там көзөмөл жүргүзүү бекети. Архивдик сүрөт

14-июнда "Торугарт" жана "Эркеч-Там" көзөмөл-өткөрүү бекеттери иштебейт

42
(жаңыланган 10:58 11.06.2021)
Учурда аталган пунктулар өзгөчө алгоритм менен иштеп жатат. Тагыраагы, бул жерлерден Кытайдан Кыргызстанга алып келе жаткан товарлар гана өткөрүлөт.

БИШКЕК, 11-июн. — Sputnik. Кыргыз-кытай чек арасындагы "Торугарт" жана "Эркеч-Там" көзөмөл жүргүзүү бекеттери жүк ташуучу унаалар үчүн 14-июнь күнү жабылат. Бул тууралуу УКМКнын Чек ара кызматынан билдиришти.

Маалыматка караганда, бул күндөрү Кытайда "Ажыдаарлар кайыгы фестивалы (күрүч майрамы)" белгиленет.

Аталган чек ара пунктулары кайра эле 15-июнь күнү ишин жандантат.

Эске салсак, учурда "Торугарт" жана "Эркеч-Там" көзөмөл жүргүзүү бекеттери өзгөчө алгоритм менен иштеп жатат. Тагыраагы, бул жерлерден Кытайдан Кыргызстанга алып келе жаткан товарлар гана өткөрүлөт.

42
Белгилер:
чектөө, майрам, чек ара, Кытай, Кыргызстан
Тема боюнча
Кыргызстанга кирүүнүн эрежеси. Кандай документтер талап кылынат?
Тажикстандын президенти Эмомали Рахмон өзбек лидери Шавкат Мирзиёевди I даражадагы Зарринтадж (Алтын таажы) ордени менен сыйлады

Рахмон Мирзиёевди "Алтын таажы" менен сыйлады. Сүрөт

201
(жаңыланган 10:42 11.06.2021)
"Алтын таажы" ордени демократиялык өзгөрүүлөргө, экономикалык реформаларга жана илим, маданият жаатындагы өсүп-өнүгүүлөргө зор салым кошкон коомдук жана саясий ишмерлерге ыйгарылат.

БИШКЕК, 11-июн. — Sputnik. Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады. Бул тууралуу Өзбекстан президентинин расмий сайтында кабарланды.

  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады
    © Фото / пресс-служба президента Узбекистана
  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Сыйлык тапшыруу аземи кечээ, 10-июнь күнү, Душанбе шаарында өттү
    © Фото / пресс-служба президента Узбекистана
  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Маалыматка караганда, Мирзиёев бул орденге эки өлкөнүн ортосундагы соода-экономикалык жана маданий-гуманитардык алакаларды бекемдегени үчүн татыган.
    © Фото / пресс-служба президента Узбекистана
1 / 3
© Фото / пресс-служба президента Узбекистана
Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады

Сыйлык тапшыруу аземи кечээ, 10-июнь күнү, Душанбе шаарында өттү. Маалыматка караганда, Мирзиёев бул орденге эки өлкөнүн ортосундагы соода-экономикалык жана маданий-гуманитардык алакаларды бекемдегени үчүн татыган.

Мындан 24 жыл мурун Тажикстандын президенти Эмомали Рахмон менен Бириккен тажик оппозициянын лидери Саид Абдулло Нури Бишкек шаарында сүйлөшүүлөрдү жүргүзүп, жарандык согушту токтотуу боюнча документтерге кол коюлган.
© Видео / Архивный фонд президента Кыргызской Республики
Sputnik Тажикстан агенттигинин жазганына караганда, "Алтын таажы" ордени демократиялык өзгөрүүлөргө, экономикалык реформаларга жана илим, маданият жаатындагы өсүп-өнүгүүлөргө зор салым кошкон коомдук жана саясий ишмерлерге ыйгарылат.

Эске салсак, Өзбекстандын президенти Шавкат Мирзиёев Душанбе шаарына 10-июнь күнү эки күндүк иш сапары менен барып, аны аэропорттон Эмомали Рахмон өзү тосуп алган. Өзбек президенти иш сапарынын алкагында өлкөнүн түндүгүнө чейин барып, Согди облусунун соода-экономикалык потенциалын талкуулай турганы айтылган болчу.

201
Белгилер:
сыйлык, Орден, Шавкат Мирзиеев, Эмомали Рахмон, Өзбекстан, Тажикстан
Тема боюнча
Рахмон куттуктоосунда Жапаровго ден соолук, кыргыз элине тынчтык тиледи
Аялдар кол чатырлар менен жаан учурунда. Архив

Жамгыр жаайбы? Бир жумага карата аба ырайы

8
(жаңыланган 10:27 13.06.2021)
Синоптиктер апта ичинде кээ бир аймактарда гана өткүн өтүп, калган учурда күн ачык болорун божомолдоп жатат.

БИШКЕК, 13-июн. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Ага ылайык, борбор калаада дүйшөмбүдөн жекшембиге чейин күн чайыттай ачык болуп турат. Батыштан соккон шамалдын ылдамдыгы секундасына 4-9 метрге жетиши күтүлөт.

Чүй облусу

14-18-июнь күндөрү тоолуу райондордо өткүн өтөт, дыйканчылык аймактарда жаан жаабайт. Ал эми 19-июнда күн ачык болот.

Талас облусу

14-15-июнь күндөрү түнкүсүн жаан-чачын күтүлбөйт, күндүз тоолуу райондордо өткүн өтөт, бирок дыйканчылык аймактарда жаан-чачын болбойт. 16-17-июнда күн чайыттай ачылат. Ал эми 18-июнда асманды ала булут каптап, өткүн өтөт. 19-июнда кайра эле ачык болот.

Ош, Жалал-Абад облустары

14-июнда көпчүлүк аймактарда өткүн өтүп, бийик тоолорго кар түшөт. Кээ бир райондордо жамгыр катуу жаашы күтүлөт.

15-16-июнда кээ бир райондордо өткүн өтүп, өрөөндөрдө жамгыр жаабайт.

17-18-июнда тоолуу жерлерде өткүн өтүп, бирок дыйканчылык аймактарда жаан-чачын болбойт. 19-июнда күн толугу менен ачылат.

Баткен облусу

14-15-16-июнда кээ бир райондордо өткүн өтөт. 17-19-июнь күндөрү жаан-чачын күтүлбөйт.

Ысык-Көл облусу

Дүйшөмбүдөн жумага чейин кээ бир райондордо өткүн өтүп, ал эми дыйканчылык аймактарда күн ачык болот. Апта аягында күндүн көзү бузулбайт.

Нарын облусу

14-июнда көпчүлүк аймактарда өткүн өтүп, кээ бир райондордо жаан-чачын жаайт. 15-17-июнда күн ачык болот, кээ бир райондордо гана өткүн өтөт.

18-июнда тоолуу райондордо өткүн өтөт, бирок дыйканчылык аймактарда жаан-чачын күтүлбөйт. 19-июнда күн ачык болот.

8
Белгилер:
күн, жамгыр, аймак, апта, Кыргызстан, аба ырайы
Тема боюнча
Катуу шамал үч адамды жабыркатып, Чүйдөгү мектептин чатырын учуруп кетти. Видео
Күн 37 градуска чейин ысыйт. Июнга карата аба ырайы