Казакстандын президентинин милдетин парламент сенатынын төрагасы Касым-Жоомарт Токаев

Казакстандын президентинин милдетин ким аткара турганы белгилүү болду

1894
(жаңыланган 11:33 20.03.2019)
Назарбаев бүгүн, 19-мартта, Казакстандын мамлекет башчылыгынан кете турганын жар салган.

БИШКЕК, 19-мар. — Sputnik. Казакстандын президентинин милдетин парламент сенатынын төрагасы Касым-Жомарт Токаев аткармай болду. Бул туурасында Sputnik Казакстан агенттиги билдирди.

"Токаев Казакстанды башкарууга ишенип бере турган адам экенине ишенем", — деди Назарбаев.

Казакстандын Конституциясы боюнча президент мөөнөтүнөн мурда отставкага кетип же каза болгон учурда анын калган мөөнөтүн аткаруу парламент сенатынын төрагасына өтөт. Андан кийин гана шайлоо өткөрүлөт. Эгер сенаттын төрагасынын мүмкүнчүлүгү болбосо эл башкаруу укугу мажилистин төрагасына берилет. Эгер анын да мүмкүнчүлүгү жок болсо мамлекетти башкаруу укугу премьер-министрге тапшырылат.

Убактылуу милдетти аткаруу милдетин алган адам Конституцияны өзгөртө албайт.

Эскертке кетсек, президент Нурсултан Назарбаев бүгүн, 19-мартта, республикалык телеканал аркылуу билдирүү жасап, отставкага кете турганын жар салган.

1894
Белгилер:
Касым-Жомарт Токаев, отставка, Казакстан, Нурсултан Назарбаев
Тема:
Нурсултан Назарбаевдин отставкасы (22)
Тема боюнча
Чукул кабар! Казакстандын президенти Назарбаев отставкага кетти
Нурсултан Назарбаев президенттиктен кетти. Учурда эмне болуп жатат
Казакстандын жол кызматынын полиция кызматкерлери. Архив

Алматы: блокпостту сүзгөн айдоочу полициянын мурдагы кызматкери болуп чыкты

84
(жаңыланган 11:42 26.05.2020)
Блокпостту сүзгөн айдоочу алты жыл полицияда иштеп, начар кызмат өтөгөндүктөн, жумушунан кол жууганы маалым болду.

БИШКЕК, 26-май — Sputnik. Казакстандын Алматы шаарында жүрөк үшүн алган жол кырсыгына себепчи болгон айдоочу мурдагы полиция кызматкери экени аныкталды. Бул тууралуу Sputnik Казакстан агенттигинин Telegram каналы маалымдады.

Эске салсак, кечээ, 25-майда, 26 жаштагы айдоочу (буга чейин 28 жаш деп айтылган) блокпостту сүзүп, анын кесепетинен эки полиция кызматкери көз жуумп, үчүнчүсү оор абалда ооруканага түшкөн. Полициянын айтымында, ал мас болгон.

"Блокпостту сүзгөн мас айдоочу алты жыл полицияда иштеп, начар кызмат өтөгөндүктөн, жумушунан кол жууган. Ага төрт жолу дисциплинардык чара көрүлгөн. Кылмышка шектүү 15 жылдан 20 жылга чейин эркинен ажыратылат же өмүр бою абакка кесилет",— деп айтылат маалыматта.

Каза болгон автоинспектордун бири, 42 жаштагы Жарас Жангазиевдин артында эки кызы калды. Ал ички иштер органдарында 20 жылдай кызмат өтөгөн.

Кырсыктын курмандыгы болгон экинчи жаран, полициянын сержанты Дастан Абдыканов 26 гана жашта  болгон. Төрт жыл ички иштер органдарында кызмат өтөгөн. Анын үй-бүлөлүү экени, бир ай мурда эле кыздуу болгону айтылды.

84
Белгилер:
кырсык, полиция, айдоочу, блокпост, Алматы, Казакстан
Тема боюнча
Ош—Бишкек жолундагы автокырсык: каза тапкан айдоочу бир үйдүн жалгыз уулу болгон

Алматыда эмерек цехинде жарылуу болду. Видео

89
Дээрлик миң чарчы метрге жайылган жалынды өрт өчүрүүчүлөр таңкы саат алтыда чектөөгө алган. Учурда жеринде 19 атайын техника жана 65 өрт өчүрүүчү иштеп жатат.

Алматы шаарында таңкы саат беш чамасында эмерек цехинде жарылуу болду. Бул тууралуу өлкөнүн Өзгөчө кырдаалдар департаментине таянып Sputnik Казакстан агенттиги жазды.

Мустай Карим көчөсүндөгү имараттан өрт чыккандыгы тууралуу маалымат тиешелүү органдарга саат таңкы 5.12де түшкөн. Жерине барган өрт өчүрүүчүлөр жарылуу болгон жерден өрт чыгып, цехтин аймагына толугу менен жайылганын көргөн.

Өзгөчө кырдалдар департаментинен текшерүү иштеринен кийин алгач өрт чыгып, анын жайынтыгында жарылуу болгонун кабарлашты.

Дээрлик миң чарчы метрге жайылган жалынды өрт өчүрүүчүлөр саат алтыда чектөөгө алган. Учурда жеринде 19 атайын техника жана 65 өрт өчүрүүчү иштеп жатат. Алдын ала маалыматтарга караганда, жабыркагандар жок.

89
Белгилер:
жарылуу, эмерек, өрт, Алматы, Казакстан
Тема боюнча
Алоолонгон от, ызы-чуу. Пакистандагы учак кырсыгынан аман калган адамдын баяны
Ош базарынын айланасындагы унаалар. Архивдик сүрөт

Бишкекте муниципалдык унаа токтотуучу жайлар иштей баштады. Тизме

0
(жаңыланган 18:09 26.05.2020)
Шаардын көчөлөрүнөн унаа токтотуучу жайларды, биринчиден, белгиге карап билсе болот. Экинчиден, ал жактарда кызгылт сары түстөгү атайын кийим кийген кызматкерлер турат.

БИШКЕК, 26-май — Sputnik. Борбор калаада муниципалдык унаа токтотуучу жайлар иштей баштады. Бул тууралуу мэриянын маалымат кызматы кабарлады.

Билдирмеге ылайык, коронавирустун айынан киргизилген карантинден улам кызматкерлер үйдө болуп, убактылуу унаа токтотуучу жайларга акы алынбай эле турган.

Муниципалдык унаа токтотуучу жайлардын тизмеси:

Ош базарынын айланасы

  • Бейшеналиев көчөсүнүн Москва көчөсүнөн Чүй проспектисине чейинки бөлүгү;
  • Кулиев көчөсүнүн Токтогулдан Киев көчөсүнө чейинки бөлүгү;
  • Токтогул көчөсүнүн Жаш гвардия бульварынан "Ала-Арча" суусуна чейинки бөлүгү;
  • Киев көчөсүнүн Жаш Гвардия бульварынан Кулиев көчөсүнө чейинки бөлүгү;
  • Павлов көчөсүнүн Чүй проспектиси менен Киев көчөсүнө чейинки бөлүгү;

Орто-Сай базары

  • Суеркулов көчөсүнүн Жукеев-Пудовкинден Юнусалиев көчөсүнө чейинки бөлүгү;
  • Юнусалиев көчөсүнүн Суеркуловдон Безымянный көчөсүнө чейинки бөлүгү;
  • Жукеев-Пудовкин көчөсүнүн Безымянныйдан Суеркулов көчөсүнө чейинки бөлүгү;

"Эски толчок" базары

  • Орозбеков көчөсүнүн Фере көчөсүнөн Можайский кууш жолуна чейинки бөлүгү;

"Комфорт" базары

  • Ибраимов көчөсүнүн Москвадан Токтогул көчөсүнө чейинки бөлүгү;
  • Кулатов көчөсүнүн Ибраимовдон Матросов көчөсүнө чейинки бөлүгү (Май-сыр базасы);
  • Сүйүмбаев көчөсүнүн Чүй проспектисинен Огонбаев көчөсүнө чейинки бөлүгү;
  • Огомбаев көчөсүнүн Гоголдон Сүйүмбаев көчөсүнө чейинки бөлүгү;

"Сары-Өзөн" базары

  • Клубный кууш жолу.

"Бул жерлерде "унаа токтотууга болот" деген белгилер бар. Мындан тышкары кызматкерлерибиз атайын тигилген кызгылт сары түстөгү "Бишкектин унаа токтотуучу жайлары" деген жазуусу бар кийимчен болушат. Ошондой эле бейджик тагынып, акы төлөгөндүгү тууралуу талон беришет. Талондун баасы турган убактысына карабай 25 сом", — деп айтылат маалыматта.

Эске салсак, 25-майдан тарта борбор калаада бардык базарлар иштей баштаган.

0
Белгилер:
көчө, белги, унаа токтотуучу жай, Бишкек
Тема боюнча
Кангелдиева: Бишкекке 45 көп кабаттуу унаа токтотуучу жай курулат