Казаксандын биринчи президенти Нурсултан Назарбаев. Архив

Назарбаев өмүр бою жетектей турган Коопсуздук кеңеши эмне иш кылат

868
(жаңыланган 13:39 20.03.2019)
Казакстандын тунгуч президенти Нурсултан Назарбаев 2019-жылдын 19-мартында ыйгарым укуктарын токтотконун жар салгандан кийин Коопсуздук кеңеши менен Nur Otan партиясынын төрагасы бойдон калды.

Казакстан Республикасынын Коопсуздук кеңеши эмне иш аткарат жана төраганын милдети эмнеде экенин Sputnik Казакстан жазды.

Казакстандын Коопсуздук кеңеши деген эмне?

Казак ССРинин Коопсуздук кеңеши 1991-жылдын 21-августунда өлкөнүн президенти тарабынан негизделген. 1993-жылдын 17-июнунда Казакстан Республикасынын Коопсуздук кеңеши болуп өзгөргөн.

Казакстандын Коопсуздук кеңеши — бул өлкө президенти түзгөн консультативдик-кеңешүүчү орган. Ал Казакстандын улуттук коопсуздугун, коргонуу жөндөмдүүлүгүн камсыздоо, мамлекеттик суверенитетти, аймактык бүтүндүгүн жана көз карандысыздыгын сактоо боюнча иш алып барып, чечимдерди кабыл алат.

Коопсуздук кеңешинин учурдагы жобосу Казакстан Республикасынын Жарлыгы менен 1999-жылдын 20-мартында бекиген.

Коопсуздук кеңеши эмне иш кылат?

Коопсуздук кеңешинин төрагасы болуп Казакстан президенти эсептелинет. Өлкөнүн биринчи президенти Нурсултан Назарбаев сиңирген өзгөчө эмгеги үчүн кеңешти жетектөө вазийпасын өмүр бою аркалайт.

Коопсуздук кеңеш төрагасынын милдеттери:

  • Кеңештин ишмердүүлүгүн тескейт;
  • Коопсуздук кеңештин жыйындарын жана ыкчам чогулуштарын чакырат;
  • Орган мүчөлөрүнө тапшырма берет;
  • Коопсуздук кеңеш аппаратынын уюштуруучулук-укуктук макамын аныктап, анын жобосу менен структурасын бекитет;
  • Коопсуздук кеңешинин ишмердүүлүгүнө тиешелүү актыларды түзөт;
  • Казакстан Республикасынын мыйзамдарына ылайык башка аракеттерди ишке ашырат.

Коопсуздук кеңешине кимдер кирет?

Кеңеш туруктуу жана жөнөкөй мүчөлөрдөн турат.

Туруктуу мүчөлөрү болуп премьер-министр, президенттик аппараттын жетекчиси, төраганын жардамчысы — Коопсуздук кеңешинин катчысы, Улуттук коопсуздук боюнча комитеттин төрагасы, тышкы иштер жана коргоо министрлери эсептелинет.

Кеңештин мүчөлөрү болуп парламент мажилисинин төрагасы, парламент сенатынын төрагасы, тышкы чалгын кызматынын директору, ички иштер министри, коргоо министринин биринчи орун басары.

Муктаждык жаралган учурда кеңештин төрагасы мүчөлүккө дагы башка кызматкерлерди дайындоого укуктуу.

Кеңештин жыйыны үч айда бир жолу өтүп, протокол түзүлөт. Чечимдер катышуучулардын көпчүлүгүнүн добушу менен кабыл алынат.

Маанилүү маселелер алдын ала чогулуштарда талкууланат. Ал кеңештин катчысынын төрагалыгы алдында өтөт.

868
Белгилер:
Казакстан, Коопсуздук кеңеши, Нурсултан Назарбаев
Тема:
Нурсултан Назарбаевдин отставкасы (22)
Тема боюнча
Токаев ант берип, президенттик кызматына киришти
Назарбаев ата кетип калды... Шолоктоп ыйлаган казак кыздын видеосу
Өрттөнгөн унаа. Архивдик сүрөт

Ташкентте 19 жаштагы кыз үйлөнбөй койгон жигитинин машинасын өрттөп салды

178
(жаңыланган 19:13 20.09.2020)
Тергөө учурунда сүйүшкөн жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

БИШКЕК, 20-сен. — Sputnik. Ташкенттин Үчтепа районунда үйлөнүүгө макул болбой койгон жигиттин автоунаасын сүйгөн кызы өрттөп жиберди. Бул туурасында Sputnik Өзбекстан агенттиги укук коргоо органдарына таянуу менен билдирди.

Маалыматка ылайык, кечээ, 19-сентябрда, райондук милиция бөлүмүнө Ситора Г. аттуу 19 жаштагы кыз Lacetti Jentra үлгүсүндөгү автоунааны өрттөп жибергени туурасында билдирүү түшкөн.

Посмотреть эту публикацию в Instagram

Публикация от IIBB / ГУВД (@iibb_uz)

Аталган машина кыздын сүйгөнү Асилбек Н. аттуу 23 жаштагы жигитке таандык болгон.

Жашоону эмнеден баштоону билбей турам. Күйөөсү башкага кетип калган келиндин каты

Тергөө учурунда жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

"Жигит кызга үйлөнүүгө убада берген, бирок кийинчерээк сөзүнө турбай кетип калган. Буга ызаланган кыз анын машинасынын ичи-тышына бензин чачып өрттөп жибирген", — деп айтышкан милициядан.

Учурда жагдайдын чоо-жайы териштирилип жатат.

178
Белгилер:
убада, өрт, машина, жигит, кыз, Ташкент
Тема боюнча
Кыз талашкан. Бир жигитти алтоолоп сабаган Оштогу окуянын чоо-жайы
Өзбекстандын вице-премьери Уктам Барноев. Архивдик сүрөт

COVID жуктуруп алган Өзбекстандын вице-премьери каза болду

266
(жаңыланган 16:21 20.09.2020)
Маркум 57 жашта болчу, өкмөттө өлкөнүн агрардык жана азык-түлүк тармагын тескеген жетекчилик кызматта иштеп келген.

БИШКЕК, 20-сен. — Sputnik. Өзбекстандын вице-премьери Уктам Барноев коронавирустан каза болду. Бул туурасында Sputnik Өзбекстан агенттиги жазды. 

Маалыматты Бухара облусунун акмимчилиги тасыктаганы айтылат.

Барноев 57 жашта болчу, өкмөттө өлкөнүн агрардык жана азык-түлүк тармагын тескеп келген.

Вице-премьер июль айынын соңунда COVID-19 жуктуруп алганы аныкталып, ошондон бери жеке менчик клиникада дарыланып жаткан.

Өзбекстанда карантин жумшартылгандан бери COVID жуктургандар көбөйдү

Айрым тастыкталбаган маалыматка караганда, Барноев өлүмүнүн алдында Германиянын ооруканаларына да барып дарыланган.

19-сентябрь күнү кечинде алынган расмий маалымат боюнча, Өзбекстанда коронавируска чалдыккандардын саны 50 872 адамга жетти. Анын ичинен 47 121 адам айыгып чыкты. Ал эми оорунун кесепетинен 425 адам каза болду.

266
Белгилер:
оору, өлүм, коронавирус, премьер-министр, Өзбекстан
Тема:
Дүйнөгө жайылган коронавирус
Тема боюнча
Нурсултан Назарбаевдин небереси Айсултан каза болду
Өлгөндөр миллионго жетип... БУУ COVID көзөмөлдөн чыгып бара жатканын айтты
Кишенделген адам. Архив

Кыргызстандан АКШга барган аялдын табышмактуу жоголушу. Сот шектүү күйөөсүн актады

0
(жаңыланган 20:12 22.09.2020)
Кыргызстанда төрөлгөн аял 2012-жылдан бери дайынсыз болууда. Былтыр март айында анын америкалык жолдошу аны өлтүрүүгө шектелип кармалган.

БИШКЕК, 22-сен. — Sputnik. АКШдагы Пенсильвания штатынын аймактык соту Кыргызстанда төрөлгөн Рабихан Сейдерс (өзүнүн фамилиясы Хасанова) аттуу жубайын өлтүрдү деп шектелип жаткан Хэп Сейдерсти актады. Бул тууралуу Associated Press агенттиги жазды.

​Порталдын маалыматына караганда, аял 8,5 жылдан бери дайынсыз жоголгондордун тизмесинде турат. 2012-жылдын март айында анын кызы энеси жоголгонун айтып полицияга кайрылган. Аны акыркы жолу Камберленд графтыгындагы Silver Spring Township шаарчасындагы үйүнө жакын жайгашкан дарыкананын жанынан көрүшкөн. Тергөө органдары анын сүрөтүн бардык полиция участкаларына жиберип, кредиттик карталарына чейин текшеришкен. Мындан сырткары, АКШнын Ички коопсуздук министрлигине кайрылып, Рабихан Сейдерс өлкөдөн чыккан-чыкпаганын сүрүштүрүшкөн. Бирок ушул убакка чейин аялдын тирүү экенинен кабар берген бир дагы далил табылган эмес.

Дайын-дареги билинбей жаткан аял болочоктогу жолдошу менен Атлантик-Ситидеги казинолордун биринде массажист болуп иштеп жүргөн кезинде таанышкан. Кийин экөөнүн мамилеси жакшы болуп, Рабихан анын үйүнө көчүп барган. Хэп Сайдерс тыйын сатып, сейрек кездешкен баалуу металлдарды коллекциялоо менен алектенип келген.

Тергөөнүн версиясы боюнча, Рабиханды күйөөсү өлтүрүп, сөөгүн каминге өрттөп жиберген. Айыптоочу тарап кишинин үйүнүн жалюзиси бир нече күн бою жабык туруп, мешинин морунан кара түтүн чыгып турганын айткан. Мындан тышкары, шектүүнүн үйүндөгү каминдин ичинен адамдын сөөктөрү табылган. Өткөн жылдын март айында жубайын өлтүрүүгө шектелген Сайдерс камакка алынган. Ага жети жыл берилери болжолдонгон.

"Биз Хэп Сейдерс Рабиханды өлтүргөнүн билебиз", — деп аймактык прокурордун жардамчысы билдирген.

Ал эми сотто Сейдерстин адвокаты каминден табылган калдык Рабиханга тийиштүү экенин тастыктоочу ДНК-тест жүргүзүлбөгөнүн белгилеген. Ал ошондой эле соттун жетинчи жыйынында америкалык тергөөчүлөр Рабиханды Кыргызстандан издеп көрбөгөнүн кошумчалаган. Жактоочунун айтымында, Рабихан жолдошунун үч миллион долларын жана алтын куймаларын уурдап качып кетиши ыктымал.

"Ал балээге кабылган аял эмес, ал атайын план түзүп алган аял болгон", — деп билдирген жактоочу.

Натыйжада Хэп Сейдерс бардык айыптоолор боюнча акталып, соттун залынан бошотулган.

0
Белгилер:
адам өлтүрүү, кылмыш, полиция, дайынсыздар, АКШ, Кыргызстан
Тема боюнча
Жолдон жай өткөн киши чыдамы жок айдоочунун огунан мерт кетти. АКШдагы окуя