Ташбака. Архивдик сүрөт

Казакстанда 131 ташбаканы чемоданга салып бараткан жаран кармалды. Сүрөт

362
(жаңыланган 14:35 06.04.2019)
Тирүү ташбакаларды тийиштүү документтери жок алып бараткан жаран чек арадан кармалган.

БИШКЕК, 6-апр. — Sputnik. Казакстандын "Кайрак-авто" чек ара көзөмөл бекетинен 24 жаштагы жаран тирүү ташбакаларды чемоданга салып баратканда кармалган. Бул туурасында коңшу өлкөнүн Улуттук коопсуздук комитетинин чек ара кызматынын расмий сайтында жазылат. 

  • Казакстандын "Кайрак-авто" чек ара көзөмөл бекетинен 24 жаштагы жаран тирүү ташбакаларды чемоданга салып баратканда кармалган.
    © Фото / пресс-служба ПС КНБ РК
  • Ал Volkswagen үлгүсүндөгү унаа менен Челябинскиге бараткан.
    © Фото / пресс-служба ПС КНБ РК
  • Чек арадан анын багажын текшерип чемоданын ачып караганда, 131 тирүү ташбака чыккан.
    © Фото / пресс-служба ПС КНБ РК
1 / 3
© Фото / пресс-служба ПС КНБ РК
Казакстандын "Кайрак-авто" чек ара көзөмөл бекетинен 24 жаштагы жаран тирүү ташбакаларды чемоданга салып баратканда кармалган.

Ал Volkswagen үлгүсүндөгү унаа менен Челябинскиге бараткан. Чек арадан анын багажын текшерип чемоданын ачып караганда, 131 тирүү ташбака чыккан. Жигиттин колунда тийиштүү документтери болгон эмес. Мындай контрабанданын базардагы баасы 1 миллион 300 миң теңге же 239 миң 436 сом.

"Тирүү жүктү" Ветеринардык көзөмөл комитетинин адистери коштоп териштирүү үчүн Костанай облусунун Карабал районуна алып кетишкен.

362
Белгилер:
кармоо, Ташбака, чемодан, контрабандалык жүк, Казахстан
Тема боюнча
Чек арадан алтынды өзгөчө чыгарып бараткан киши кармалды. Сүрөт
Ашказанына алтын салып аэропорттон өтүүгө аракет кылган өзбекстандык аял кармалды
Бишкектеги темир жол бекетиндеги поезд. Архив

Кыргызстан Казакстан Россия темир жол каттамдарынын графиги түзүлдү

359
(жаңыланган 15:36 27.11.2020)
Эгер Республикалык штаб тийиштүү алгоритмдин негизинде иш алып барууга уруксат бере турган болсо өлкөдөгү ички каттамдар дагы жанданат.

БИШКЕК, 27-ноя. — Sputnik. Кыргызстан Россия жана Казакстандын темир жол администрациялары менен биргеликте 2021-жылдагы эл аралык каттамдарынын графигин түздү. Бул тууралуу "Кыргыз темир жолу" ишканасынан кабарлашты.

Ага ылайык поезддер төмөнкү график боюнча катташат:

  • Бишкек — Москва каттамы, жумасына эки ирет;
  • Бишкек — Казань каттамы, жумасына бир жолу;
  • Бишкек — Новосибирск — сегиз күндө бир жолу.
"Поезддер бул график боюнча коронавирус пандемиясына байланыштуу чектөөлөр үч өлкөдө тең алынгандан кийин каттай баштайт", — деп айтылат маалыматта.

Ошондой эле ишкана эгер Республикалык штаб тийиштүү алгоритмдин негизинде иш алып барууга уруксат бере турган болсо Бишкек — Кайыңды, Бишкек — Кара-Балта, Бишкек — Токмок ички каттамдарын дагы жанданта турганын кабарлады.

Эске салсак, эл аралык темир жол каттамдары 2020-жылдын 17-мартында убактылуу токтотулган. Ал эми ички каттамдарга 25-мартта чектөө киргизилген.

359
Белгилер:
билет, пандемия, алгоритм, Казакстан, Кыргызстан, Россия, темир жол
Тема боюнча
Кыргызстандын авиакомпаниялары Европа биримдигинин кара тизмесинен качан чыгат
Кара куурай плантациясы. Архивдик сүрөт

Өзбекстан кара куурай плантациясын иштетип, ал экспортко жөнөтүлөт

94
(жаңыланган 12:55 27.11.2020)
Жакынкы күндөрү сырьену кайра иштетүүчү завод жана лаборатория курулат. Даяр болгон продукция экспортко жөнөтүлөт.

БИШКЕК, 27-ноя. – Sputnik. Өзбекстандын Сырдарыя облусунда медициналык максатта кара куурай өстүрүлөт. Бул тууралуу Sputnik Өзбекстан жазды. 

Өлкөнүн Инвестиция жана соода министрлиги Melabis компаниясы менен кабыл алган меморандумга ылайык, биринчи жылы өсүмдүктү 500 гектар жерге тигүү пландалууда. Кийинки үч жылда аянты 3000 гектарга чейин кеңейет.

Маалыматта Борбордук Азиянын климаты кара куурай өстүрүүгө ылайыктуу экени, өсүмдүк пахтага караганда сууну аз иче турганы белгиленген.

Өнөр жай шартында иштетилген кара куурай курамында 0,1-0,2 пайыздан ашпаган тетрагидроканнабинолу бар даяр продуктуга айланат. Бул Дүйнөлүк саламаттык сактоо уюмунун шарттарына толук туура келет жана өсүмдүктү башка максатта колдонууга жол берилбейт. Иштетилген продукция экспортко жөнөтүлмөкчү.

Долбоорго 33 миллион доллар сарптоо пландалып жатат. Жакынкы аралыкта жогорку технологиялык завод жана сырьену кайра иштеткен лаборатория курулат. Анда 100 жумушчу орун түзүлөрү айтылды.

Үстүбүздөгү жылдын март айында Өзбекстандын президенти Шавкат Мирзиёев кара куурайды өнөр жай максатында иштетүү боюнча мыйзамга кол койгон.

94
Белгилер:
завод, кара куурай, Өзбекстан
Тема боюнча
Ысык-Көлдө "Мак-2020" операциясында 208 тонна кара куурай жок кылынды
Токтогулдагы үйлөрдүн биринен 101 кг кара куурай табылып, шектүү кармалды
COVID-19 кабылган бейтаптарды караган врач. Архивдик сүрөт

380 кишиден коронавирус табылып, 360 бейтап айыкты. Соңку статистика

0
(жаңыланган 10:53 30.11.2020)
Бир сутка ичинде өлкө боюнча 17 медицина кызматкери коронавирус жуктуруп алганы аныкталган. Анын ичинен бешөө ооруну кызыл зонадан илештирген.

БИШКЕК, 30-ноя. — Sputnik. Өткөн суткада өлкөдө 380 кишиден коронавирус аныкталып, 360 бейтап айыкты. Бул тууралуу Республикалык штаб кабарлады.

Ага ылайык, оору жуктургандын көбү Бишкек шаарында катталган.

Жуктургандар:

  • Бишкек – 137;
  • Ош – 4;
  • Чүй облусу – 79;
  • Ош облусу – 18;
  • Талас облусу – 19;
  • Нарын облусу – 10;
  • Ысык-Көл облусу – 38;
  • Жалал-Абад облусу – 48;
  • Баткен облусу – 27.

Айыккандар:

  • Бишкек – 84;
  • Ош шаары – 24;
  • Чүй облусу – 59;
  • Ош облусу – 13;
  • Талас облусу – 17;
  • Нарын облусу – 1;
  • Ысык-Көл облусу – 49;
  • Жалал-Абад облусу – 53;
  • Баткен облусу – 60.

Ушуну менен Кыргызстанда коронавирус жуктургандардын саны 72 807ге жетип, анын ичинен 64 149 бейтап ооруну жеңген. Тилекке каршы, бир суткада коронавирус беш адамдын өмүрүн алып, жалпы 1 271 адам көз жумду.

Бир суткада 17 медицина кызматкери коронавирус жуктуруп алганы аныкталган. Анын ичинен бешөө ооруну кызыл зонадан жуктурган.

  • Бишкек шаары – 10 (кызыл зонадан 5);
  • Чүй облусунда – 3;
  • Ош шаары – 1;
  • Жалал-Абад облусунда – 1;
  • Баткен облусунда – 2.

Кечээтен бери үй карантининен алты медик айыгып чыгарылган.

0
Белгилер:
медик, илдет, бейтап, оору, статистика, коронавирус
Тема:
Кыргызстандагы коронавирус жуктуруп алгандар
Тема боюнча
Өткөн суткада COVID-19дан беш кыргызстандык каза болду