Япон императору Акихито. Архив

Атасы уулуна тапшырып кетти. Жаңы император Нарухито такка отурду

166
Жаңы башчынын атасы 89 жаштагы Акихито 30-апрелде бийликтен баш тартты. Бул 200 жылдан берки келе жаткан императорлордун тарыхындагы өзгөчө бир окуя болду.

БИШКЕК, 1-май — Sputnik. Японияда жаңы император Нарухитонун такка отуруу аземи аяктаганын NHK телеканалы кабарлады. 

Кэндзи-к-шокей-но-ги — "жаңы императордун ыйык кылыч менен баалуу ташты мураска алуу" салтанаты шаршемби күнү 10:30да Мацу-но-Ма деп аталган императордук сарайда болду.

Император Нарухито императордук укуктар менен артыкчылыкка такка отургандан тарта ээ болду.

Аземде сүйлөгөн сөзүндө жаңы император атасы Акихитонун 30 жылдан ашык эмгегин белгилеп, бул баалуу салтты татыктуу улантып кетээрине убада берди.

"Ошону менен эле Конституциянын негизинде иш алып барып, Япония элинин биримдиги жана мамлекеттин символу катары өзүмдүн милдеттеримди аткарууга убада берем. Ой-тилектеримди элге жана аны колдоого арнайм. Улуттун андан ары өнүгүшү жана адамдардын, дүйнөдөгү адамзаттын бактысы үчүн дуба кылам", — деген император Нарухито.

Нарухито 59 жашта. 1960-жылы 23-февралда Токио шаарында туулган. Тактыдан 2019-жылы 30-апрелде баш тарткан Акихитонун улуу баласы.

Атасы мурдагы император Акихито көзү тирүү кезинде эле бийликтен баш тартып, бул чечимин 2016-жылы эле билдирген. 2017-жылы Япония парламенти анын бийлигин уулуна өткөрүп берүү укугун мыйзамдаштырган.

Акихитонун үч баласы бар. Алар - уулдары Нарухито жана Фумихито, кызы Саяко Курода.

166
Белгилер:
Япония
Тема боюнча
Япон ханбийкеси титулдан баш тартып, жөнөкөй жигитке турмушка чыкты. Сүрөт