Сириядагы аял. Архивдик сүрөт

19 жолу күйөөгө берип... Сирияда 6 жыл жашап келген казакстандык келиндин баяны

13810
(жаңыланган 16:45 14.05.2019)
Аялдын жашоо шарты өтө начар эле. Ошентсе да мекенине кайтуу ниетин өлүм жазасынан коркуп эч кимге айта алган эмес.

БИШКЕК, 14-май — Sputnik. Сирияда алты жыл жашап, мекенине кайтып келген казакстандык келин согуштагы турмушу тууралуу айтып берди. Бул тууралуу Sputnik Казакстан агенттиги жазды.

33 жаштагы аялдын айтымында, ал 2010-жылы диний ишенимдеги эркек кишиге турмушка чыккан. Эки жылдан кийин үй ээси иш издеп чет өлкөгө кеткен. Кайда кеткенин жубайы бир айдан соң гана билген экен.

"Түркиядан Сирияга өтүү жеңил, эч кандай тосмо жок. Анча чоң эмес конушка келдик. Бир жумадан кийин мекениме кайтарымды билдирсем, жолдошум мени эч ким кабыл албай турганын айтты", — деди келин Казакстандын ТИМинде отуруп.

Сирияда жашаган алты жылда аял эки жолу төрөгөн. Санитардык шарттын начардыгынан биринчиси чарчап калган, ал эми экинчиси "Жусан" атайын операциясынын натыйжасында энеси менен аман-эсен Казакстанга 2019-жылдын январь айында келди.

"2017-жылы күйөөм каза болуп калды, кантип өлгөнүн деле билбейм. Ошондон тарта үйгө кайтууга аракет жасай баштадым. Жашоо шартыбыз аябай начар болчу. Казакстандагы туугандарым менен чанда гана байланышчумун. Кайтуу ниетим тууралуу айткандан коркоор элем, анткени сөзүбүз тыңшалып жаткандыктан, мени өлтүрүп коюулары мүмкүн болчу", — деп аңгемесин улантты келин.

Казакстандык аял күйөөсү өлгөн келиндер кайра турмушка чыгарын айтып берди. Алты жыл ичинде 19 ирет күйөөгө тийген аялдарды көргөн...

"Жолдошу өлгөн аялга 4 ай 10 күн убакыт берилет. Ушул күндү күтүшөт. Качан ал мөөнөт өткөндөн кийин ар кандай эркектер келип, үйлөнүү үчүн аялдарды көрүшөт. Ага чейин күйөөсү каза тапкан келиндерди көп аял жашаган үйгө алып келип коюшат. Ал жакта суу жок, тамак-аш берилбейт, караңгы. Аялдар айласы кеткенден деле күйөөгө чыга беришет", — деди ал.

Казакстанга кайтып келгенден кийин келин уулу экөө көпкө чейин ооруп, андан соң гана жаңы жашоого көнүшө башташкан. Бүгүнкү күндө экөөнүн тең абалы жакшы, жумушка орношуп иштеп жатат. Мекенине кайтууга берилген мүмкүнчүлүк үчүн абдан ыраазы.

Казакстандыктарды мекенине кайтаруу операциясы

"Жусан" деп аталган алгачкы гуманитардык операция 6-январда жүргүзүлүп, анда Сириядан 47 казакстандык жаран эвакуацияланган. Анын 30у — балдар, 11и — аялдар жана алты эркек эле.

Экинчи ирет мындай операция жетинчи жана 9-май күнү өттү. Сириядан Казакстандын 231 жараны кайтарылган. Анын 156сы — балдар экени маалым.

Январда мекенине алып келинген казакстандык эки эркек киши террордук ишмердүүлүккө тиешеси бар деген айып менен сегиз жылга эркинен ажыратылган. Ал эми экинчи операциясынын жыйынтыгы менен 16 эркек жана 4 аял камакка алынган.

13810
Белгилер:
операция, террорчу, Сирия, Казакстан
Тема боюнча
Бала-чакасы, неберелери менен Сирияга кетти деген байбиче эмне издеди болду экен?…
Сирияга үй-бүлөсүн алып кетип согушка катышкан кыргызстандык кармалды
Маданият министри Нуржигит Кадырбеков Казакстандын Кыргызстандагы элчиси Кайрат Нурпеисов менен жолугушу

Бишкекте Абай Кунанбаев атындагы кыргыз-казак маданий борбору ачылат

59
Абай Кунанбаев — казак жазма адабиятына негиз салган улуу акын, ойчул, агартуучу жана коомдук ишмер. Ал бир гана боордош элге эмес, жалпы Орто Азиянын чыгармачыл чөйрөсүнө таасир берген инсан.

БИШКЕК, 26-ноя. — Sputnik. Бишкек шаарында Абай Кунанбаев атындагы кыргыз-казак маданий борбору ачылат. Бул тууралуу Маданият, маалымат жана туризм министрлигинен кабарлашты.

Билдирмеге караганда, маданият министри Нуржигит Кадырбеков Казакстандын Кыргызстандагы элчиси Кайрат Нурпеисов менен жолуккан.

Анда тараптар маданий кызматташуунун келечеги тууралуу баарлашканы айтылат. Өз кезегинде Нурпеисов жакын арада Кыргызстанда Абай Кунанбаев атындагы кыргыз-казак маданий борбору ачыла тургандыгын маалымдап, маданият министрине борбордун ачылыш аземин бирге уюштурууну сунуштаган.

Абай Кунанбаев — казак жазма адабиятына негиз салган улуу акын, ойчул, агартуучу жана коомдук ишмер. Бир гана боордош элдин эмес, жалпы Орто Азиянын чыгармачыл чөйрөсүнө өзгөчө таасир берген инсан 1845-жылы 10-августта туулган. Кунанбаевдин эң негизги чыгармасы — 45 философиялык ойдон жана кыска уламыштардан турган "Кара сөздөр" эмгеги.

Маданий борбор качан жана кайда ачылары тууралуу кошумча маалымат берилери айтылды.

59
Белгилер:
маданий борбору, Казакстан, Кыргызстан
Тема боюнча
Кыргызстандын "Жөө күлүк" тасмасы "Оскар" сыйлыгына көрсөтүлдү
Жайлоодогу кулун. Архив

Кулунду автоунаага отургузуп алып ташыган айдоочу. Астанадагы окуянын видеосу

363
(жаңыланган 10:10 22.11.2020)
Кулун боюнча видео элге тарап кеткен соң полиция айдоочуну издеп тапкан. Ал Астана шаарынын 27 жаштагы тургуну болуп чыкты.

БИШКЕК, 22-ноя. — Sputnik. Казакстанда кулунду жеңил автоунаанын арткы орундугуна салып бараткандардын видеосу тарап, элди таң калдырды. Бул туурасында Sputnik Казакстан жазды.

Ал эми видео интернетке жарыяланып кеткен.

Анткен менен ага полиция издөө салган.

Айдоочу видеодо мал-жанды деле өзүнүн автоунаасы менен башкалардыкын деле ташып жеткирип бере ала тургандыгын айтып бара жатат. Ал эми аркасындагы орундук тараптан кулунду экинчи киши кармап отургандыгын көрүүгө болот.

Бул видео элге тарап кеткен соң полиция посттун авторун издеп тапкан. Ал Астана шаарынын 27 жаштагы тургуну болуп чыккан. Тартип сакчыларына Акмоло облусунан кулундуу бээ алып, анын баласын сатып жиберүү максатында базарга бара жаткандагы учуру видеого тартылып калгандыгын айтып берген. Бул кадамын чоңураак автокөлүктү жалдабай, акчаны үнөмдөө максатында жасадым деп түшүндүргөн.

Мындан кийин "үнөмчүл адам" жүктү ташуу боюнча атайын каралган автоунаа  эрежесин бузгандыгы үчүн 13 890 теңге (32 доллар) айыпка жыгылган.

Андан сырткары, материалдык жоопкерчиликке тартуу үчүн Ветеринардык көзөмөл боюнча аймактык инспекциянын комитетинин кароосуна жиберилген.

363
Белгилер:
айып пул, автоунаа, кулун, Астана, Казакстан
Тема боюнча
Аюуларды коркутат дешти. Үрөйдү учурган роботтордун видеосу
Таң калтырган сары түстүү таш бака. Индиядан тартылган видео
Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди

Венгрия өлкөнүн Куралдуу күчтөрүнө суу тазалоочу жабдыктарды берди. Сүрөт

0
Жабдуулар темир жол аркылуу алып келинген. Алар аскердик-талаа госпиталынын дараметин кыйла жогорулатары кошумчаланды.

БИШКЕК, 27-ноя. — Sputnik. Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди. Бул тууралуу Генералдык штабдын маалымат кызматы кабарлады.

  • Правительством Венгрии предоставлена мобильная водоочистительная система для Военно-полевого госпиталя 2-го уровня Вооруженных Сил КР
    Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди
    © Фото / пресс-служба Генерального штаба ВС КР
  • Правительством Венгрии предоставлена мобильная водоочистительная система для Военно-полевого госпиталя 2-го уровня Вооруженных Сил КР
    Жабдуулар темир жол аркылуу алып келинип, аны өлкөнүн коргоо ведомствосу кабыл алган.
    © Фото / пресс-служба Генерального штаба ВС КР
1 / 2
© Фото / пресс-служба Генерального штаба ВС КР
Венгрия өкмөтү КРдин Куралдуу күчтөрүнө мобилдүү суу тазалоочу жабдыктарды берди

Ага ылайык, жабдуулар темир жол аркылуу алып келинип, аны өлкөнүн коргоо ведомствосу кабыл алган.

"Венгрия эки өлкөнүн саясий, соода-экономикалык жана маданий-гуманитардык кызматташтыгын кеңейтүү максатында КРдин Куралдуу күчтөрүнүн II даражадагы аскердик-талаа госпиталы үчүн мобилдүү суу тазалоочу жабдыктарды тартуулады. Бул жабдыктар кайтарымсыз түрдө берилди", — деп айтылат билдирмеде.

Жабдуулар аскердик-талаа госпиталынын дараметин кыйла жогорулатары кошумчаланды. Ошондой эле келечекте БУУнун тынчтык операцияларына катышуу алкагында өз алдынча иштөөгө мүмкүнчүлүк берет.

0
Белгилер:
жабдуу, Генералдык штаб, Кыргызстан, Венгрия
Тема боюнча
Кыргызстан менен Катар аскер-техникалык кызматташтыкты бекемдөөгө белсенди