Мыйзамсыз митингди полиция кызматкерлери кайтарууда. Архивдик сүрөт

Казакстанда митинг учурунда улгайган киши көз жумдубу? Полициянын жообу

1322
(жаңыланган 19:10 09.06.2019)
Нааразылык учурунда эркек кишинин каза болуп калганы туурасында маалымат тараган, буга полиция жооп берди.

БИШКЕК, 9-июн. — Sputnik. Казакстандын Ички иштер министрлиги Нур-Султандагы мыйзамсыз митингдердин учурунда улгайган киши каза болгондугу туурасындагы маалыматты жокко чыгарды. Бул туурасында Sputnik Казакстан жазды.

Жекшемби күнү интернетте "Нур-Султан шаарында кишилерди кармап жатканда бир киши көз жумду" деген маалымат тараган. Аны полиция кызматкерлери өлтүрө сабап салды дешкен.

ИИМдин маалыматына караганда, нааразылык учурунда улгайган киши эсин жоготуп жыгылган.

"Полиция кызматкерлери Тез жардамды чакырып, медиктер келгиче алгачкы меджардам көрсөтүшкөн. Анын өлгөнү тууралуу маалымат жалган", — деп айтышты ИИМден.

Жардам көрсөтүлгөндөн кийин эркек киши өзүнө келип, митинг өтүп жаткан жерден кеткен.

Буга чейин Нур-Султан жана Алматы шаарларында мыйзамсыз митингден бир нече кишилердин кармалганы тууралуу малымат тараган.

Эске салсак, бүгүн эгемен Казакстанда алтынчы ирет президенттик шайлоо болуп жатат. Анда президенттик тактыга жети талапкер ат салышууда.

Ал эми коңшу өлкөнү 30 жыл башкарган Нурсултан Назарбаев президенттик кызматтан 19-март күнү өз чечими менен четтеген.

1322
Белгилер:
президенттик шайлоо, полиция, Митинг, Казакстан
Тема боюнча
Казакстандагы митинг: полиция 100дөй адамды кармады
Казакстанда президенттик шайлоо болуп жатат. Ага эл кандай катышууда
Өзбекстандын вице-премьери Уктам Барноев. Архивдик сүрөт

COVID жуктуруп алган Өзбекстандын вице-премьери каза болду

89
(жаңыланган 16:21 20.09.2020)
Маркум 57 жашта болчу, өкмөттө өлкөнүн агрардык жана азык-түлүк тармагын тескеген жетекчилик кызматта иштеп келген.

БИШКЕК, 20-сен. — Sputnik. Өзбекстандын вице-премьери Уктам Барноев коронавирустан каза болду. Бул туурасында Sputnik Өзбекстан агенттиги жазды. 

Маалыматты Бухара облусунун акмимчилиги тасыктаганы айтылат.

Барноев 57 жашта болчу, өкмөттө өлкөнүн агрардык жана азык-түлүк тармагын тескеп келген.

Вице-премьер июль айынын соңунда COVID-19 жуктуруп алганы аныкталып, ошондон бери жеке менчик клиникада дарыланып жаткан.

Өзбекстанда карантин жумшартылгандан бери COVID жуктургандар көбөйдү

Айрым тастыкталбаган маалыматка караганда, Барноев өлүмүнүн алдында Германиянын ооруканаларына да барып дарыланган.

19-сентябрь күнү кечинде алынган расмий маалымат боюнча, Өзбекстанда коронавируска чалдыккандардын саны 50 872 адамга жетти. Анын ичинен 47 121 адам айыгып чыкты. Ал эми оорунун кесепетинен 425 адам каза болду.

89
Белгилер:
оору, өлүм, коронавирус, премьер-министр, Өзбекстан
Тема:
Дүйнөгө жайылган коронавирус
Тема боюнча
Нурсултан Назарбаевдин небереси Айсултан каза болду
Өлгөндөр миллионго жетип... БУУ COVID көзөмөлдөн чыгып бара жатканын айтты
Ташкентке кетчү поездке отуруп жаткан Өзбекстандык мигранттар. Архив

Өзбекстан 1-октябрдан тарта чек арасын толук ачат

121
(жаңыланган 11:14 18.09.2020)
Өзбекстан чек арасын аба, темир жол жана автотранспорттор үчүн ачканы жатат. Бирок андагылар бардык санитардык эрежелерди сактап, керектүү учурда ПЦР-тесттерди тапшырууга милдеттүү болот.

БИШКЕК, 18-сен. — Sputnik. Өзбекстан 1-октябрдан тарта транспорттун бардык түрү үчүн чек арасын ачат. Бул тууралуу Sputnik Өзбекстан агенттиги жазды.

Маалыматка караганда, Республикалык атайын комиссия карантиндик чектөөлөрдү кыскартып, мамлекеттик чек арадан транспорттун жана кишилердин өтүүсүнө тоскоолдук кылбоо чечимин кабыл алды. Мисалы, өлкөгө турист катары киргендер мындан ары 14 күндүк карантинге алынбайт.

"Бирок чет элдик жарандарды конок катары алып келген туристтик компаниялар ар бир кардарына коронавируска кабылган жок деген ПЦР-тесттин жыйынтыгын көрсөтүшү керек. Ошондой эле туристтерде медициналык камсыздандыруу милдеттүү түрдө болушу шарт, — деп айтылат кабарда.

Кыргыз-өзбек жумушчу тобу чек арадагы чечиле элек тилкелерди карап чыгышты

Мындан тышкары, Өзбекстан өзү үчүн "кызыл, "сары" жана "жашыл" зоналарды кабыл алды. Мисалы, "кызыл" жана "сары" зонадан келе жаткандар ПЦР-тесттердин жыйынтыгын көрсөтүшү зарыл. "Жашыл" аймактан келе жаткандар, эгер оорунун белгилери жок болсо, чек арадан ээн-эркин өтүп, каалаган жагына бара алат.

Акыркы маалыматтар боюнча, коңшу өлкөдө коронавирус жуктургандардын саны 50 миңге чукулдады.

121
Белгилер:
транспорт, чектөө, карантин, пандемия, коронавирус, чек ара, Өзбекстан
Тема боюнча
Эми кыргызстандыктар Казакстанга учак менен гана бара алышат
Мушкерлер. Архивдик сүрөт

Тыюу салган ыкманы колдонгон КР мушкери акыры жеңди. АКШдагы видео

0
(жаңыланган 17:45 20.09.2020)
Камчыбеков анын соккусунан жерге кулап түшкөн атаандашын күтүүсүздөн бетке тээп жиберген. Рефери эреже бузулганын эскерткени менен беттешти улантууга уруксат бергени айтылды.

БИШКЕК, 20-сен. — Sputnik. Кыргызстандык мушкер Зулкарнай Камчыбеков АКШда өткөн Cage Fighting Fury Championship турниринде тыюу салынган ыкманы колдонсо да жеңүүчү болду. Бул тууралуу Fightful порталы жазды.

Кыргызстандык мушкерлер Хабибдин атасына арналган турнирге катышты. Видео

Турнир ишемби күнү Туника шаарында (Миссисипи штаты) өткөн. Рейтингдик беттеште кыргызстандык спортчу америкалык Майк Андерсон менен кез келген.

Камчыбеков экинчи раундда атаандашын бетке соккондо, ал жерге кулап түшкөн. Бул убакта Андерсон коргонуу аракетин көрүп жаткан, бирок күтүүсүздөн кыргызстандык спортчу бетке тээп жиберген.

​Рефери беттешти дароо токтотуп, Камчыбеков эрежени бузуп жатканын айткан. Анткен менен беттешти улантууга уруксат берген.

Үчүнчү раундда кыргызстандык спортчу каршылашын нокаутка кетире утуп, кармашты мөөнүнөн мурда жыйынтыктаган.

0
Белгилер:
жеңиш, видео, сокку, беттешүү, мушкер, АКШ, Кыргызстан
Тема боюнча
Валентина Шевченкого бразилиялык кыздын алы жетеби? Букмекерлердин пикири
Тумшукка тээп, жыга чаап… UFC Fight Night 177 мелдешинин ирмемдери видеодо
UFC башчысы жакында дарга асылган ирандык балбанды эскерди