Алматы шаарында мыйзамсыз митингге катышкандар

Казакстан: президенттик шайлоо учурунда 500 митингчи кармалды

173
(жаңыланган 09:49 10.06.2019)
ИИМдин биринчи орун басары Борбордук шайлоо комитетинде коомчулук алдында маалымат берди.

БИШКЕК, 9-июн. — Sputnik. Нур-Султан жана Алматы шаарларында мыйзамсыз митингге катышканы үчүн 500гө чукул адам кармалды. Бул туурасында Sputnik Казакстан билдирди.

Казакстандын ички иштер министринин биринчи орун басары Марат Кожаевдин айтымына караганда, эки шаарды эсепке албаганда мамлекеттин ичинде абал тынч.

"Нур-Султан менен Алматыда мыйзамсыз миингге катышканы үчүн ички иштер органы 500гө чукул адамды кармады. Борбор калаада жол кыймылын бууп, Республика проспектисинде транспорт каттамына тоскоолдук жаратууга аракеттенген адамдардын аракети токтотулду. Бул Жаштар Сарайынын аймагы", — деп билдирди Кожаев.

Ал полиция кызматкери мыйзамдын алкагында иш алып барганын, тартип бузган адамдарды кармоодо өтө кылдат иштегендиктерин айтты.

"Социалдык тармактагы полициянын аракетинен митингчилер жабыркады, адам өлдү деген маалыматтар калп. Алматы калаасынын Саламаттыкты сактоо башкармалыгынын маалыматына караганда, медициналык жайларга жардам сурап эч ким кайрылган эмес", — деген аткаминер.

Ал мыйзамсыз акциянын катышуучулары турган жерден медициналык жардам сурап, 12 киши кан басымы көтөрүлүп кайрылганын айтты.

"Нур-Султан шаарындагы коомчулукка каршы митингдин катышуучулары тынчтык акциялары туурасында айтканы менен колуна тийген буюмдарды, таш ала коюп ыргытып, көздү ачыштырган баллондорду колдонуп жатышат. Анын кесепетинен полициянын үч кызматкери жаракат алды. Экөөнө эл ыргыткан таш тийсе, бирөөнүн көзү газ баллондон жабыркады", — деген министрдин орун басары.

Казакстанда 9-июнда президенттик шайлоо өттү. Бардык шайлоо тилкелери жабылып, добуштарды саноо башталды.

173
Белгилер:
Казакстан, Нур-Султан, Алматы, президенттик шайлоо, шайлоо, Митинг
Тема боюнча
Казакстандагы митинг: полиция 100дөй адамды кармады
Казакстанда президенттик шайлоо болуп жатат. Ага эл кандай катышууда
Дарыядагы катер. Архив

Апамды башы жок көмдүк... Казакстанда депутаттын уулу аралашты делген окуянын чоо-жайы

1675
(жаңыланган 14:59 09.08.2020)
Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон.

БИШКЕК, 9-авг. — Sputnik. Казакстанда облустук маслихаттын депутаты Валерий Крыловдун 17 жаштагы уулу аял өлтүрдү деп шектелип, камакка алынды. Бул тууралуу Sputnik Казакстан кабарлады.

Каргашалуу окуя 6-июнь күнү саат 22:15тер чамасында Уральск шаарындагы Чаган суусунда болгон. Анда Чугун көпүрөсүнүн жанында катер сууда сүзүп жүргөн аялды сүзүп, башын жана колун үзүп кеткен. Кылмышка шектүү эки айга камалды.

Көз жумган аялдын уулунун айтымында, ал апасынын сөөгүн башы жок эле жерге берген. Анткени суучулдар сөөктүн айрым бөлүктөрүн таппай коюшкан.

"Апамдын курбусу сууга түшкүсү келбей, белинен эле кириптир. Апам болсо алысыраак жакка сүзүп кетиптир. Бир убакта фарасы күйбөгөн катер пайда болгонун айтты. Курбусу апамды жээке чакырыш үчүн кыйкырып, колун булгаптыр. Бирок ага жетпей катер бир нерсени сүзгөн үн угулган. Апамдын сөөгүнүн бөлүктөрүн суудан капка чогултуп алып чыгышты. Катер дароо кетип калган экен", — деди уулу.

Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон. Ага оор кылмышты жашырып койгон деген айып тагылган. Бирок маркумдун тууганы билдиргендей, ал кыз Лондонго кетиш үчүн виза ачтыруу аракетин көрүүдө.

Оор эмес кылмыш жасаган кыргызстандыктар кандай түзөтүлөт. Видео

Облустук маслихаттын депутаты Валерий Крылов ЖМКларга уулу кармалганын айтып, бирок анын күнөөсү жок деп эсептей турганын билдирген.

"Жээкте кайыктар көп болчу. Бардыгы экспертиза кылынып, тергөө жүрүп жатат. Тергөөчүлөр күнөөнү балама артып жатышат, бирок эч кандай далил жок. Бул иш аягына чыгат деп үмүттөнөм, ошондо гана баары ачыкталат. Менин уулум күнөөлүү эмес", — деди Крылов.

Депутаттын айтымында, шектүү 48 саатка камалган. Ал эксперттердин уулунун катеринен кан табышты деген маалыматты төгүндөдү.

1675
Белгилер:
Суу, кылмыш, аял, катер, кырсык, Казакстан
Тема боюнча
Казакстандын саламаттык сактоо министринин орун басарынын эмнеге кармалганы айтылды
Кыз Түштүк Кореянын желегин жанында. Архив

Түштүк Кореяда депутат кыз кыска кийингени үчүн талоондо калды. Сүрөт

467
(жаңыланган 11:47 09.08.2020)
Сынга карабай жаш депутат парламенттеги салттуу кийинүү эрежесин өзгөртүүнү каалаган аракетин улантарын айткан.

БИШКЕК, 9-авг. — Sputnik. Корея Республикасынын Улуттук жыйынынын (парламент) жаш депутаты Рю Хочжон отурумга кыска көйнөк кийип келгени үчүн коомчулуктун сынына кабылды. Бул тууралуу Yonhap басылмасы жазды.

28 жаштагы Рю Хочжон айым парламенттеги эң жаш эл өкүлү. Анын парламентке кыска көйнөкчөн келгени мыйзам чыгаруучулар кандай кийиниши керектиги тууралуу талашка жем таштаган.

​Facebook колдонуучулардын бири: "Депутат айым катышуучулардан алкоголдук суусундуктун акысын алуу үчүн келгендерге окшошуп калыптыр", - деп жазган. Көпчүлүк колдонуучулар кыздын кыска көйнөгүн жактырышкан эмес.

Депутатты парламентке алып келген саясий партия окуя боюнча үн катып, атайын билдирүү тараткан. Анда сын аялдарга карата басмырлоо (дискриминация) болуп саналары айтылган.

Жаш депутат Бешимбаева: менин ордумда эркек болсо, мамиле башкача болмоктур

Рю Хочжон өзүнүн бул кадамын парламенттеги салттуу кийинүү эрежесин өзгөртүү ниетинде жасаганы менен түшүндүрүп, өзгөчөлөнгөн кийинүү аракетин улантарын билдирген.

467
Белгилер:
сын, парламент, Түштүк Корея
Тема боюнча
Түштүк Корея Кыргызстанга COVID менен күрөшүүдө финансылык жардам берет
Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты

Ысык-Көлдө КамАЗ менен жеңил унаа кагышып, эки киши мерт болду. Сүрөттөр

0
(жаңыланган 14:52 10.08.2020)
Жол кыргысы кечээ саат 22:40тар чамасында болгон. Жеринде эки адам каза болду. Бири 1992-жылы туулган кыз.

БИШКЕК, 10-авг. — Sputnik. Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү. Бул тууралуу облустук Жол кыймылы коопсуздугун камсыздоо башкармалыгынан билдиришти.

  • Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
    Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү.
    © Sputnik
  • Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
    Жол кыргысы кечээ саат 22:40тар чамасында болгон. Жеринде эки адам каза болду.
    © Sputnik
1 / 2
© Sputnik
Ысык-Көл облусунун Тору-Айгыр жана Чырпыкты айылдарынын ортосунда КамАЗ менен Hyundai Sonata автоунаасы сүзүштү.

Жол кыргысы кечээ саат 22:40тар чамасында болгон. Жеринде эки адам каза болду. Бири 1992-жылы туулган кыз экени айтылды. 

Последствия ДТП между КамАЗ и Hyundai Sonata в Иссык-Кульской области между селами Тору-Айгыр и Чырпыкты
© Sputnik
ДТП в Иссык-Кульской области

Дагы бир киши катуу жаракат алган. Ал эми жүк жашуучу унаанын айдоочусу жабыркаган эмес.

0
Белгилер:
өлүм, жол кырсык, Ысык-Көл
Тема:
2020-жылдын башынан бери Кыргызстанда болгон жол кырсыктар
Тема боюнча
Ош — Өзгөн жолундагы кырсыктан эки жигит көз жумду