Токаев президенттик шайлоодо 70, 13 пайыз менен жеңди. Exit poll жыйынтыгы

218
(жаңыланган 10:30 10.06.2019)
Эки уюм талапкерлер тууралуу сурамжылоо жүргүзүү укугун алган.

БИШКЕК, 10-июн. — Sputnik. Казакстандагы президенттик шайлоодо Касым-Жомарт Токаев жалпы шайлоочулардын 70,13 пайызынын добушун алып, жеңүүчү болду. Бул туурасында "Коомдук пикир" институту" жүргүзгөн exit-poll жыйынтыгында айтылганын Sputnik Казакстан жазды.
Сурамжылоо 325 тилкени камтыган: Нур-Султан, Алматы жана Шымкенттеги 97 облус борборлору, 94 чакан шаар, 134 айыл округдарынан 13 200 респондент камтылган. Анын жаңылыштыгы 3 пайыздан ашпай турганы айтылды.

Респонденттерден кайсы талапкерге добуш бергенин сурашкан.

"Коомдук пикир" институтунун сурамжылоо жыйынтыгы:

  • Токаев Касым-Жомарт Кемелевич — 70,13 пайыз;
  • Косанов Амиржан Сагидрахманович — 15,39 пайыз;
  • Еспаева Дания Мадиевна — 5,32 пайыз;
  • Ахметбеков Жамбыл Аужанович — 3,86 пайыз;
  • Таспихов Амангелди Сатыбалдиевич — 1,41 пайыз;
  • Рахимбеков Толеутай Сатаевич — 3,03 пайыз;
  • Тугел Садыбек — 0,86 пайыз.

Exit Poll ким тарабынан жүргүзүлөт?

2019-жылы Казакстан президентинин талапкерлери туурасында сурамжылоо укугун эки уюм алган. Алар "Қоғамдық пікір" институты" жана "Жаштар" борборунун илим-изилдөө институту эле.

"Жаштардын" маалыматына караганда, Токаев 69,94 пайыз добуш алган. Анын артынан 14,96 пайыз менен Амиржан Косанов, кийинки болуп бирден-бир аял талапкер Дания Еспаева (3,6 пайыз) келе жаткан.

Казакстандагы президенттик шайлоо ошентип, 9-июнда өттү. Ага шайлоочулардын 77,4 пайызы катышканы айтылды. Казакстандын Борбордук шайлоо комиссиясы добуштарды бюллетень таштоо соңуна чыккандан 12 сааттан кем эмес мезгилде санап бүтөт. Алдын ала жыйынтык 2019-жылдын 10-11-июнунда чыкмакчы.

Эске салсак, Казакстандын биринчи президенти Нурсултан Назарбаев ушул жылдын мартында ээлеген кызматынан кетип, мамлекетти башкаруу укугу парламент сенатынын төрагасы Касым-Жомарт Токаевге өткөрүлгөн.

Көп өтпөй Токаев шайлоо мөөнөтүнөн мурда болорун айтып, 9-июнга белгилеген

Анткен менен бүгүн Казакстандын аймагында президенттик шайлоодон сырткары дагы башка саясий окуялар болду. Тагыраагы, Нур-Султан жана Алматы шаарларында бир топ адамдар нааразылык акцияларына чыккан. Бийлик мыйзамсыз деп аталган митингден бир нече кишилерди кармаган

218
Белгилер:
акция, Митинг, президенттик шайлоо, Алматы, Нур-Султан, Казакстан
Тема боюнча
Казакстанда митинг учурунда улгайган киши көз жумдубу? Полициянын жообу
Казакстанда президенттик шайлоо болуп жатат. Ага эл кандай катышууда
Дарыядагы катер. Архив

Апамды башы жок көмдүк... Казакстанда депутаттын уулу аралашты делген окуянын чоо-жайы

1603
(жаңыланган 14:59 09.08.2020)
Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон.

БИШКЕК, 9-авг. — Sputnik. Казакстанда облустук маслихаттын депутаты Валерий Крыловдун 17 жаштагы уулу аял өлтүрдү деп шектелип, камакка алынды. Бул тууралуу Sputnik Казакстан кабарлады.

Каргашалуу окуя 6-июнь күнү саат 22:15тер чамасында Уральск шаарындагы Чаган суусунда болгон. Анда Чугун көпүрөсүнүн жанында катер сууда сүзүп жүргөн аялды сүзүп, башын жана колун үзүп кеткен. Кылмышка шектүү эки айга камалды.

Көз жумган аялдын уулунун айтымында, ал апасынын сөөгүн башы жок эле жерге берген. Анткени суучулдар сөөктүн айрым бөлүктөрүн таппай коюшкан.

"Апамдын курбусу сууга түшкүсү келбей, белинен эле кириптир. Апам болсо алысыраак жакка сүзүп кетиптир. Бир убакта фарасы күйбөгөн катер пайда болгонун айтты. Курбусу апамды жээке чакырыш үчүн кыйкырып, колун булгаптыр. Бирок ага жетпей катер бир нерсени сүзгөн үн угулган. Апамдын сөөгүнүн бөлүктөрүн суудан капка чогултуп алып чыгышты. Катер дароо кетип калган экен", — деди уулу.

Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон. Ага оор кылмышты жашырып койгон деген айып тагылган. Бирок маркумдун тууганы билдиргендей, ал кыз Лондонго кетиш үчүн виза ачтыруу аракетин көрүүдө.

Оор эмес кылмыш жасаган кыргызстандыктар кандай түзөтүлөт. Видео

Облустук маслихаттын депутаты Валерий Крылов ЖМКларга уулу кармалганын айтып, бирок анын күнөөсү жок деп эсептей турганын билдирген.

"Жээкте кайыктар көп болчу. Бардыгы экспертиза кылынып, тергөө жүрүп жатат. Тергөөчүлөр күнөөнү балама артып жатышат, бирок эч кандай далил жок. Бул иш аягына чыгат деп үмүттөнөм, ошондо гана баары ачыкталат. Менин уулум күнөөлүү эмес", — деди Крылов.

Депутаттын айтымында, шектүү 48 саатка камалган. Ал эксперттердин уулунун катеринен кан табышты деген маалыматты төгүндөдү.

1603
Белгилер:
Суу, кылмыш, аял, катер, кырсык, Казакстан
Тема боюнча
Казакстандын саламаттык сактоо министринин орун басарынын эмнеге кармалганы айтылды
Кыз Түштүк Кореянын желегин жанында. Архив

Түштүк Кореяда депутат кыз кыска кийингени үчүн талоондо калды. Сүрөт

466
(жаңыланган 11:47 09.08.2020)
Сынга карабай жаш депутат парламенттеги салттуу кийинүү эрежесин өзгөртүүнү каалаган аракетин улантарын айткан.

БИШКЕК, 9-авг. — Sputnik. Корея Республикасынын Улуттук жыйынынын (парламент) жаш депутаты Рю Хочжон отурумга кыска көйнөк кийип келгени үчүн коомчулуктун сынына кабылды. Бул тууралуу Yonhap басылмасы жазды.

28 жаштагы Рю Хочжон айым парламенттеги эң жаш эл өкүлү. Анын парламентке кыска көйнөкчөн келгени мыйзам чыгаруучулар кандай кийиниши керектиги тууралуу талашка жем таштаган.

​Facebook колдонуучулардын бири: "Депутат айым катышуучулардан алкоголдук суусундуктун акысын алуу үчүн келгендерге окшошуп калыптыр", - деп жазган. Көпчүлүк колдонуучулар кыздын кыска көйнөгүн жактырышкан эмес.

Депутатты парламентке алып келген саясий партия окуя боюнча үн катып, атайын билдирүү тараткан. Анда сын аялдарга карата басмырлоо (дискриминация) болуп саналары айтылган.

Жаш депутат Бешимбаева: менин ордумда эркек болсо, мамиле башкача болмоктур

Рю Хочжон өзүнүн бул кадамын парламенттеги салттуу кийинүү эрежесин өзгөртүү ниетинде жасаганы менен түшүндүрүп, өзгөчөлөнгөн кийинүү аракетин улантарын билдирген.

466
Белгилер:
сын, парламент, Түштүк Корея
Тема боюнча
Түштүк Корея Кыргызстанга COVID менен күрөшүүдө финансылык жардам берет
Бишкек шаарынын Ленин райондук администрациясынын жаңы башчысы Чынасыл Чыныбаев. Архивдик сүрөт

Бишкектин Ленин районуна жаңы аким келди

0
(жаңыланган 14:10 10.08.2020)
Райондун буга чейинки башчысы өзү жазган арыздын негизинде кызматтан бошотулган. Эми анын орун басары аймакты тескемей болду.

БИШКЕК, 10-авг. — Sputnik. Бишкек шаарынын Ленин райондук администрациясынын башчылыгына Чынасыл Чыныбаев дайындалды. Бул туурасында мэриянын маалымат кызматынан кабарлашты.

Тиешелүү буйрукка мэр Азиз Суракматов кол койгон.

Октябрь районуна жаңы аким дайындалды

Ал эми мурдагы башчы Токтосун Султанов өз арызынын негизинде кызматтан бошотулган. Жаңы жетекчи Чыныбаев анын биринчи орун басары болуп иштеп келген.

0
Белгилер:
дайындоо, кызмат, жетекчилик, Бишкек
Тема боюнча
Ош облусун Жылкыбаевдин орун басары Юсупов жетектеп турмай болду