Кафеде отурган адамдар. Архивдик сүрөт

Кыз-жигиттин жашоосу алаканга салгандай көрүнүп турат. Алматыдагы өзгөчө шоу

127
(жаңыланган 09:41 10.06.2019)
Жеңүүчү он күндөн кийин аныкталат.

БИШКЕК, 9-июн. — Sputnik. Алматыда бир нече күндөн бери "Нестеватр" аталышындагы шоу өтүүдө. Анда кыз менен жигит эки жума бою элге көрүнүп турган айнек бөлмөдө жашайт. Бул туурасында Sputnik Казакстан маалымат агенттиги жазды.

Каалоочулар алардын жашоосун көчөдөн же социалдык тармактагы түз эфирлерден көрүүгө болот.

"Нестеватр" мындан 17 жыл мурда чыккан россиялык "Айнек артында" шоусуна окшошуп кетет. Бирок анын "Аңдыганга тыюу салынат. Карап турууга мүмкүн эмес" деген урааны казакстандык долбоорго таандык эмес. Шоунун катышуучуларынын жашоосуна күнү-түнү интернеттен көз салып турууга болот. Өткөн-кеткендер болсо алар менен жаңсап сүйлөшө алат.

Долбоорго катышкандар өз жашоолорун Instagram баракчасында сүрөттөп, «лайк» топтой алышат. Ким социалдык тармакта белгилүү боло алса, миллион теңгеге ээ болот (болжолу менен 2,6 миң доллар).

Посмотреть эту публикацию в Instagram

Публикация от Не icтеп жатыр, Абылай? (@ablay_nestevatr)

Шоунун башталышында бөлмөдө оокат деле жок болот. Болгону кондиционер, сырткы адамдарга көрүнбөгөн санитардык түйүн бар. Ал эми тиричиликке керектүү нерселерди жана тамак-ашты катышуучулар топтогон «лайкынын» эсебинен таба алат.

Катышуучулардын бутуна электрошокер тагылып, эреже бузуулар болсо токтун кубаты менен уруп токтотот.

Эгер үч ирет тартип бузуу болсо, бөлмөдөгү пардалар түшүрүлүп, жашаган жер караңгыга айланат.

Посмотреть эту публикацию в Instagram

Публикация от Не icтеп жатыр, Зуля? (@zulya_nestevatr)

Белгилей кетсек, шоунун катышуучулары — 24 жаштагы Зульфия менен 26 жаштагы Абылай психологдордун тыкыр көзөмөлүндө. Зульфия актерлук чеберчилик боюнча курстан өтүп, бир нече тасмага тартылууга үлгүргөн. Абылай "менеджмент жана финансы" адистиги боюнча магистратураны аяктаган. Ал үчүн элдин көзүнчө жашап көрүү — жашоодогу өзгөчө бир нерсенин даамын татуу. 

Психолог Александр Скуртул долбоор тууралуу пикирин айтып, интернет азыркы адамзаттын жашосунда чоң роль ойноп калганын жана адамзатты шоу үчүн эркиндигин чектөө туура эместигин белгилеген.

"Нестеватр" долбоорунун финалы 19-июнда болот. Уюштуруучулар эгер долбоор ийгиликтүү аяктаса, экинчи бөлүгүндө белгилүү адамдарды тартарын кошумчалашкан.

127
Белгилер:
интернет, жашоочулар, шоу, реалити-шоу, Алматы, Казакстан
Тема боюнча
Казакстандыктар социалдык жардам алыш үчүн ажырашат. Жинденген Токаев
Тажикстандын кайрадан шайланган президенти Эмомали Рахмон. Архив

Эмомали Рахмондун инаугурациясы 30-октябрга белгиленди

83
Тажикстанда 11-октябрь күнү президенттик шайлоо өткөн. Анда шайлоочулардын 90 пайызынын добушун алган Эмомали Рахмон кайрадан өлкө башчылыкка келген.

БИШКЕК, 16-окт. — Sputnik. Тажикстандын кайрадан шайланган президенти Эмомали Рахмондун инаугурациясы 30-октябрга белгиленди. Бул тууралуу Sputnik Тажикстан агенттиги жазды.

Бул күнү өлкө парламентинин жогорку жана төмөнкү палаталарынын биргелешкен жыйыны өтөт. Тажикстандын мыйзамы боюнча, президент расмий түрдө ишке киришүү үчүн эки палатанын биргелешкен жыйынында ант берүүсү зарыл.

Эске салсак, Тажикстанда 11-октябрь күнү президенттик шайлоо өткөн. Анда шайлоочулардын 90 пайызынын добушун алган Эмомали Рахмон төрт атаандашын артка калтырып, кайрадан өлкө башчылыкка келген.

83
Белгилер:
инаугурация, Эмомали Рахмон, Тажикстан
Тема боюнча
Лукашенко расмий түрдө президенттик кызматына киришти
Чалдыбар чек ара өткөрүү пунктагы кармалган зер буюмдарды

Казакстанга 10,2 млн. сомдук алтын алып өтүп бараткандар кармалды. Сүрөт

146
(жаңыланган 12:48 15.10.2020)
Алдын ала эсептөөлөр боюнча, кармалган зер буюмдардын жалпы наркы 10 миллион 214,4 миң сомду түзөт.

БИШКЕК, 15-окт. — Sputnik. Чек ара кызматы кечээ, 14-октябрда, "Чалдыбар" чек ара өткөрүү пунктунан Казакстанга 10,2 миллион сомдук зер буюмдарды алып өтүүгө аракет кылгандарды кармады. Бул тууралуу Чек ара кызматы кабарлады.

  • Золото общей суммой в 10,2 миллиона сом, которое пытались вывезти в Казахстан через КПП Чалдыбар. 15 октября 2020 года
    Чек ара кызматы кечээ, 14-октябрда, "Чалдыбар" чек ара өткөрүү пунктунан Казакстанга 10,2 миллион сомдук зер буюмдарды алып өтүүгө аракет кылгандарды кармады
    © Фото / пресс-служба ГПС КР
  • Автомашина Mersedes Benz Sprinter направляющаяся в Казахстан через КПП Чалдыбар с золотом общей суммой в 10,2 миллиона сом. 15 октября 2020 года
    Маалыматка ылайык, Казакстанга багыт алган Mersedes Benz Sprinter унаасы бекеттен өткөндө кылдат текшерүүгө алынган
    © Фото / пресс-служба ГПС КР
  • Золото общей суммой в 10,2 миллиона сом, которое пытались вывезти в Казахстан через КПП Чалдыбар. 15 октября 2020 года
    Кыргызстандын жараны болгон 27 жаштагы И.А. аттуу айдоочунун жанында бул буюмдарга тиешелүү эч кандай документ болгон эмес
    © Фото / пресс-служба ГПС КР
  • Золото общей суммой в 10,2 миллиона сом, которое пытались вывезти в Казахстан через КПП Чалдыбар. 15 октября 2020 года
    Алдын ала эсептөөлөр боюнча, кармалган зер буюмдардын жалпы наркы 10 миллион 214,4 миң сомду түзөт
    © Фото / пресс-служба ГПС КР
  • Золото общей суммой в 10,2 миллиона сом, которое пытались вывезти в Казахстан через КПП Чалдыбар. 15 октября 2020 года
    Тийиштүү документтер толтурулуп, бул ишти андан ары териштирүү үчүн айдоочу атайын органдарга өткөрүлүп берилген
    © Фото / пресс-служба ГПС КР
1 / 5
© Фото / пресс-служба ГПС КР
Чек ара кызматы кечээ, 14-октябрда, "Чалдыбар" чек ара өткөрүү пунктунан Казакстанга 10,2 миллион сомдук зер буюмдарды алып өтүүгө аракет кылгандарды кармады

Маалыматка ылайык, Казакстанга багыт алган Mersedes Benz Sprinter унаасы бекеттен өткөндө кылдат текшерүүгө алынган.

1,5 млн. сомдук сөйкөлөр. Оштогу шектүүнүн жер төлөсүнөн уурдалган алтындар табылды

"Текшерүү учурунда айдоочунун кабинасынан 3 килограмм 648 грамм алтын буюмдар салынган баштык табылган. Анда сөйкө, шакек, билерик, чынжырча жана кулон сыяктуу буюмдар болгон. Алар 10 кутучага таңгакталып, айдоочунун отургучунун астына жашырылган", — деп айтылат билдирүүдө.

Кыргызстандын жараны болгон 27 жаштагы И.А. аттуу айдоочунун жанында бул буюмдарга тиешелүү эч кандай документ болгон эмес. Алдын ала эсептөөлөр боюнча, кармалган зер буюмдардын жалпы наркы 10 миллион 214,4 миң сомду түзөт.

Тийиштүү документтер толтурулуп, бул ишти андан ары териштирүү үчүн айдоочу атайын органдарга өткөрүлүп берилген.

146
Белгилер:
Казакстан, аткезчилик, зер, чек ара, кылмыш
Тема боюнча
Кыргызстанга 180 миң доллар киргизүүгө аракет кылган жаран чек арадан кармалды
Экс-президент Сооронбай Жээнбеков. Архив

Жээнбеков жоюп кеткен Антикоррупциялык кызматты Жапаров жандантты

166
(жаңыланган 22:30 20.10.2020)
Жаңы жарлыктын негизинде Жээнбековдун жарлыгынын колдонулушу токтотулуп жана кабыл алынган күндөн тартып күчүн жоготту деп табылды. 

БИШКЕК, 20-окт. — Sputnik. Президенттин милдетин аткаруучу Садыр Жапаров Коррупцияга каршы күрөшүү кызматынын ишин жандандыруу боюнча жарлыкка кол койду. Бул туурасында президенттик аппарат билдирди.

Белгилей кетсек, экс-президент Сооронбай Жээнбеков кызматтан кетип жатып аталган кызматты жоюу туурасында жарлыкка кол койгон

Жапаровдун чыгарган жарлыгына ылайык, Жээнбековдун жарлыгынын колдонулушу токтотулду жана кабыл алынган күндөн тартып күчүн жоготту деп табылды.

Буга байланыштуу Улуттук коопсуздук мамлекеттик комитетинин Антикоррупциялык кызматынын иши улантылат.

УКМКга төмөнкүдөй тапшырмалар берилди:

  • Антикоррупциялык кызматтын иштөөсүн камсыз кылсын;
  • Антикоррупциялык кызматтын мындан аркы ишин оптималдаштыруу боюнча сунуштарды киргизсин.

Жарлык расмий жарыяланган күндөн тартып күчүнө кирет.

166
Белгилер:
кызмат, коррупция, жарлык, Садыр Жапаров, Сооронбай Жээнбеков
Тема боюнча
Экс-президент макамы Жээнбековго кандай артыкчылык берет? Тизме
Жээнбеков расмий түрдө экс-президент болду. Жапаровдун биринчи жарлыгы