Үй-бүлөңөр менен болгула! Мирзиёев жекшембиде иштөөгө тыюу салды
(жаңыланган 10:25 10.06.2019)
Президент убакытты алган жыйындарды, зарылдыгы жок отчет берүүлөрдү кыскартуу талабын койду.БИШКЕК, 10-июн. — Sputnik. Мындан ары Өзбекстанда мамлекеттик кызматкерлер ишембиде саат 17.00гө чейин иштеп, жекшемби күнү таптакыр ишке келбеши керек. Бул тууралуу президент Шавкат Мирзиёевдин билдирүүсүнө таянып Sputnik Өзбекстан агенттиги жазды.
Маалыматка караганда, Мирзиёев кызматкерлер дем алыш күнүн үй-бүлөсүнө арнашы керек деп эсептейт. Андыктан узакка созулган жыйындарды, зарылдыгы жок отчет берүү жана маалымат алуулардын санын кыскартуу талабы коюлду.
"Кызматкерлер бардык милдеттерин иш күндөрү аткарып бүтүүгө жетишиши керек. Ал эми дем алыш күндөр үй-бүлө, бала-чакага арналуусу зарыл", — деп айтты президент.
Үй-бүлө демекчи, өткөн аптада Мирзиёевдин кызы Саида өзүнүн Facebook тармагындагы баракчасына атасы казандын жанында турган сүрөтүн жайгаштырган. Ал сүрөттүн алдына атасы үй-бүлөлүк майрамдагы дасторконго ашты өзү басарын жазган.
"Кыргызстандык Месси" Казакстанда керемет гол киргизди. Видео
(жаңыланган 19:08 03.03.2021)
Гүлжигит Алыкулов беттештин 90-мүнөтүндө командасы 2:3 эсебинде утулуп жатканда атаандашын буйтап өтүп, алыстан дарбазанын так бурчуна таамай тээп гол киргизген.БИШКЕК, 3-мар. — Sputnik. Кыргызстан курама командасынын жарым коргоочусу, Казакстандын "Кайрат" клубунун футболчусу Гүлжигит Алыкулов кезектеги кооз голу менен өзгөчөлөндү. "Кыргызстандык Месси" Казакстандын кубогу мелдешинде "Тобол" клубу менен беттеште киргизген голунун видеосун КРдин футбол союзу Instagram баракчасына чыгарды.
Посмотреть эту публикацию в Instagram
Алыкулов беттештин 90-мүнөтүндө командасы 2:3 эсебинде утулуп жатканда атаандашын буйтап өтүп, алыстан дарбазанын так бурчуна таамай тээп, керемет гол киргизген. Дарбазачы кыргызстандык футболчунун соккусуна эч кандай каршылык көрсөтө алган эмес.
Буга чейин ал командалашына ыңгайлуу голдук пас чыгарып берген.
Жапаров Казакстандагы жалгыз манасчы Алимжановго "Достук" орденин тапшырды
(жаңыланган 13:19 03.03.2021)
Баянгали Алимжанов ушул кезге чейин Казакстандагы жалгыз манасчы. Ал 1984-2004-жылдар аралыгында жүздөгөн улуттук, эл аралык жана жергиликтүү сынактарга катышкан.БИШКЕК, 3-мар. — Sputnik. Мамлекет башчы Садыр Жапаров Казакстандагы жалгыз манасчы Баянгали Алимжанов менен Нур-Султанда жолугуп, ага "Достук" орденин тапшырды. Бул тууралуу президенттин маалымат кызматынан билдиришти.
Мамлекет башчы Садыр Жапаров Казакстандагы жалгыз манасчы Баянгали Алимжанов менен Нур-Султанда жолугуп, ага "Достук" орденин тапшырды© Пресс-служба президента КР / Султан Досалиев
Жапаров Алимжанов кыргыз элдик көркөм өнөрүнүн берметин өнүктүрүүгө жана жайылтууга зор салым кошконун белгилеп, "Манас" эпосун казак тилине которгону үчүн ыраазычылык билдирген© Пресс-служба президента КР / Султан Досалиев
Баянгали Алимжанов ушул кезге чейин Казакстандагы жалгыз манасчы.© Пресс-служба президента КР / Султан Досалиев
©
Пресс-служба президента КР / Султан Досалиев
Жапаров Алимжанов кыргыз элдик көркөм өнөрүнүн берметин өнүктүрүүгө жана жайылтууга зор салым кошконун белгилеп, "Манас" эпосун казак тилине которгону үчүн ыраазычылык билдирген.
©
Пресс-служба президента КР / Султан Досалиев
Баянгали Алимжанов ушул кезге чейин Казакстандагы жалгыз манасчы. Ал 1984-2004-жылдар аралыгында жүздөгөн улуттук, эл аралык жана жергиликтүү сынактарга катышкан, ар кандай конкурстардын бир нече жолку жеңүүчүсү.
Казак манасчысынын Sputnik Кыргызстан агенттигине берген маегин материалдан окуңуздар.
Ишембиге карата аба ырайы
(жаңыланган 21:30 05.03.2021)
6-мартка караган түнү жаап өткөн жана күтүлүп жаткан жаан-чачынга байланыштуу өлкөнүн тоолуу райондорунда кар көчкү түшүү коркунучу бар.БИШКЕК, 5-мар. — Sputnik. Ишембиде күндүз республика боюнча жаан-чачын күтүлбөйт. Кээ бир райондордо туман түшөт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Жолдорго муз тонуп, тайгак болот. Унаалардын ортосундагы 500 метр аралык кыймыл чектелиши зарыл.
Абанын температурасы Чүй, Талас облустарында +10…+15, Ош, Жалал-Абад, Баткен аймактарында +11…+16, Ысык-Көлдө +4…+9, Нарын өрөөнүндө +1…+6 градус болот.
Күндүн табы Бишкекте +13…+15, Ош шаарында +14…+16 градусту көрсөтөт.
Белгилер: