Казакстандын президенти Касым-Жомарт Токаев

Токаев президенттикке киришери менен бүт облус башчылары кызматтан кетти

834
(жаңыланган 16:34 12.06.2019)
Жарлык кол коюлган күндөн тартып күчүнө кирет.

БИШКЕК, 12-июн. — Sputnik. Казакстандын президенти Касым-Жомарт Токаев Нур-Султан, Алматы, Шымкент жана 14 облустун акимдерин, ошондой эле мамлекеттик органдардын жетекчилерин, мамлекет башындагы жооптуу кызматкерлерди отставкага кетирүү боюнча жарлыкка кол койду. Бул туурасында Sputnik Казакстан агенттиги жазды.

Маалыматка караганда, жарлык кол коюлган күндөн тартып күчүнө кирет. Казакстандын Конституциясынын 87-беренесинин 5-пунктуна ылайык, жаңы президент ишке киришкенден кийин жогорку кызматтагылар ээлеген ордунан бошотулат. Алар жаңысы дайындалганга чейин милдетин убактылуу аткарып турат.

Белгилей кетсек, Касым-Жомарт Токаевдин инаугурациясы бүгүн, 12-июнда өтүп, расмий түрдө президенттик кызматка киришти. Ал 10-июнда ЖМКнын өкүлдөрү менен болгон брифинг учурунда өкмөт отставкага кетпей турганын айткан. Бирок кадрдык алмашуулар болорун белгилеген эле.

834
Белгилер:
президент, отставка, кызмат, Казакстан, Касым-Жомарт Токаев
Тема боюнча
Казакстандыктар социалдык жардам алыш үчүн ажырашат. Жинденген Токаев
Токаевдин инаугурациясына башка өлкөнүн бир да президенти катышпайт
Ооруканада бөбөк. Архив

Өзбекстанда төрөлгөн эки баштуу сиам эгиздер 9 күн жашап чарчап калышты

178
(жаңыланган 19:30 06.07.2020)
Жарык дүйнөгө келген перзенттер жакшы дем ала албай, жүрөгү начар иштегендиктен көп профилдүү медициналык борбордо ак халатчандардын көзөмөлүндө болчу.

БИШКЕК, 6-июл. — Sputnik. Өзбекстанда июнь айынын соңунда төрөлгөн эки баштуу сиам эгиздер чарчап калышты. Бул тууралуу РИА Новости агенттиги өлкөнүн Саламаттык сактоо министрлигине таянып жазып чыкты.

Мекеменин маалыматына ылайык, өзгөчө эгиздер 27-июнда жарык дүйнөгө келип, салмагы 4,6 килограмм, бою 48 сантиметр эле.

Самаркандда сейрек кездешкен сиам эгиздери жарыкка келди. Видео

Изилдөөдөн кийин анын эки өтү бар экени, калган органдарды кадимки адамдыкындай эле жетилгени анык болгон. Жарык дүйнөгө келген перзенттер жакшы дем ала албай, жүрөгү начар иштегендиктен көп профилдүү медициналык борбордо ак халатчандардын көзөмөлүндө эле.

Жергиликтүү басылмалардын бири сиам эгиздин энеси ымыркайлардын кемтиги бар экенин үч айлык боюнда бар кезинде эле билгенин жазып чыгышты. Ага карабай ал төрөөнү чечкен.

Дарыгерлердин пикиринде, сиам эгиздеринин пайда болушуна гендик мутациялар себеп болгон.

178
Белгилер:
медицина, сиам эгиздери, Өзбекстан
Тема боюнча
Бангладеште бир баштуу сиам эгиздерин операцияга даярдашууда. Видео
Бишкекте коронавирустан көз жумган 27 жаштагы келин эгиз төрөгөн. Чоо-жайы
Кыргыз Республикасынын Президенти Сооронбай Жээнбеков Казакстандын биринчи Президенти Нурсултан Назарбаев менен жолугушуу. Архив

Жээнбеков Назарбаевди телефон аркылуу 80 жаш мааракеси менен куттуктады

59
(жаңыланган 13:51 06.07.2020)
Жээнбеков Назарбаевге чың ден соолук, бакыт жана бакубатчылык, ал эми боордош Казакстан элине тынчтык жана өсүп-өнүгүүнү каалаган.

БИШКЕК, 6-июл. — Sputnik. Өлкө башчы Сооронбай Жээнбеков Казакстандын тунгуч ажосу Нурсултан Назарбаев менен телефон аркылуу сүйлөштү. Бул тууралуу президенттин маалымат кызматы кабарлады.

Ага ылайык, Жээнбеков Нурсултан Назарбаевдин 80 жылдык мааракеси жана Казакстандын борбор калаасынын күнү менен куттуктап, Назарбаевге чың ден соолук, бакыт жана бакубатчылык, ал эми боордош Казакстан элине тынчтык жана өсүп-өнүгүүнү каалаган.

Нур-Султанда Елбасы университетинин алдына Назарбаевдин айкели коюлду. Сүрөт

Өлкө башчы Жээнбеков Нурсултан Назарбаевдин Кыргызстан менен Казакстандын ортосундагы стратегиялык өнөктөштүк, союздаштык, жакшы коңшулукту орнотуу жана бекемдөөдөгү жеке салымын дагы бир жолу белгилегени айтылды.

59
Белгилер:
куттуктоо, Нурсултан Назарбаев, Сооронбай Жээнбеков, Казакстан, Кыргызстан
Тема боюнча
Казакстанга 19-июлга чейин күчөтүлгөн карантин киргизилди
Нурсултан Назарбаев коронавирустан айыкты. Элбашынын сейилдеги сүрөтү
Чөптөгү жамгыр тамчылары. Макросъемка

Шаршембиге карата аба ырайы

0
(жаңыланган 21:11 07.07.2020)
8-июлда облустарда түнкүсүн жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 7-июл. — Sputnik. Шаршемби күнү, 8-июлда, күндүз Нарын облусунда жаан-чачын күтүлбөйт, башка региондордун тоолуу райондорунда өткүн өтүп, күн күркүрөп, бийик тоолуу райондордо кар жаайт. Бул тууралуу Кыргызгидромет маалымдады.

Абанын температурасы Чүйдө +30...+35, Талас аймагында +28...+33, Ош, Жалал-Абад, Баткен облустарында +31...+36, Ысык-Көлдө +22...+27 жана Нарын жергесинде +21...+26 градус болору айтылды.

Алдыда аптаптуу ысык болбойбу? Бир жумага карата аба ырайы

Күндүн табы борборубуз Бишкекте +33...+35, Ошто +34...+36 градуска көтөрүлөт.

0
Белгилер:
Кыргызстан, аба ырайы
Тема боюнча
25 жыл "аралыктан" иштеген киши кантип өзгөрөт. Ойго салган сүрөт