Вид склада боеприпасов после взрывов в городе Арысь на юге Казахстана. 25 июня 2019 года

Казакстандагы жарылуу: Арыстын тургундары үйлөрүнө кайта баштады

167
(жаңыланган 10:29 28.06.2019)
Апта башында Казакстандын түштүгүндө жайгашкан Арыс шаарындагы аскер бөлүгүндөгү курал-жарак кампасында жарылуу болгон.

БИШКЕК, 28-июн. — Sputnik. Бүгүн Арыс шаарынын тургундары үйлөрүнө кайта баштады. Бул тууралуу Sputnik Казакстан агенттиги жазды.

Тургундарды кайрадан өз шаарына автобус менен алып келүү иш-чарасын алар эвакуацияланган Шымкент шаарынын жетекчилиги уюштурду.

Буга чейин Туркестан облусунун башчысы Умирзак Шукеев шаар толугу менен жарылуучу каражаттардан тазаланганын билдирген.

Үйлөрүнө кайткан тургундар менен полиция, куткаруучу, дарыгер жана психологдор иштеп, эл өзүнө келгиче жардам берип турушат. Ошондой эле жергиликтүү бийлик турак жайлардын учурдагы абалын текшерип жүрөт. Облус жетекчисинин айтымында, мамлекет элдин чыгымын толтуруп берет.

Белгилей кетсек, 24-июнь күнү саат 9.20ларда Казакстандын түштүгүндө жайгашкан Арыс шаарындагы №44856 аскер бөлүгүндөгү курал-жарак кампасында жарылуу болгон. Элди ыкчам кызматтын адистери, ИИМ жана Коргоо министрлигинин өкүлдөрү эвакуациялаган. Жарылуудан үч адам көз жумуп, 90го жакын адам ооруканага жаткырылган. Аталган шаарда 43 миң киши жашайт.

167
Белгилер:
автобус, тургун, үй, жарылуу, Казакстан
Тема:
Казакстандын Арыс шаарындагы жарылуу (12)
Тема боюнча
Казакстанда жарылуудан каза тапкандардын саны үчкө жетти
Казакстандагы жарылуу: Арыс шаарындагы өрт толук чектелди