Компьютерде иштеп жаткан адам. Архив

Өзбекстан: аткаминерлердин айткандарын акмалап турчу сайт ачылды

98
Сайттын негиздөөчүлөрүнүн айтымында, бул аракет аткаминерлерди эсине келтирип, убадаларды унутуп калбай аткарууга мажбурлайт.

БИШКЕК, 16-июл. – Sputnik. Өзбекстанда аткаминерлердин айткандарын аткарган же аткарбаганына байкоо салып туруучу сайт ачылды. Бул тууралуу Sputnik Өзбекстан жазды.

Сайт аркылуу каалаган жаран мамлекеттик кызматкерлердин буга чейинки берген убадасын канчалык деңгээлде өз учурунда аткарылгандыгына көз салып тура алат.

Кабарда бул маалыматтар vada.uz сайтына жайгаштырылганы айтылды.

Масален, сайтта "Жол кайгуул кызматы жана Кайгуул нөөмөт кызматы жыл аягына чейин (экинчи ирет жасалган аракет менен) бодикамера алышы керек, Министрлер кабинетинин аппараты. Маалыматтын абалы — аткарылып жатат. Дедлайн - 2019-жылдын 31-декабрына чейин" деп жазылып турат.

Ал эми Массалык коммуникация жана маалымат агенттигинин жетекчиси Комил Алламжоновдун журналисттер үчүн улуттук ID-карталарды киргизүү убадасы аткарылган эмес. Иш 2019-жылдын 1-июнунда жасалып бүтүшү керек болчу.

Сайтты иштеп чыккандар алардын түзгөн системасынын аркасынан эл аткаминерлердин ишмердүүлүгүн көзөмөлдөп тура алат деген үмүттө.

98
Белгилер:
көзөмөл, убада, аткаминер, Өзбекстан
Тема боюнча
Үй-бүлөңөр менен болгула! Мирзиёев жекшембиде иштөөгө тыюу салды
Өзбекстанда министрлик элин арыктоого чакырды
Мамлекет башчы Садыр Жапаров. Архивдик сүрөт

Садыр Жапаров 2-3-март күндөрү Казакстанга барат

138
(жаңыланган 16:20 27.02.2021)
Коңшу өлкөгө жасалчу сапардын статусу жана программасы азырынча белгисиз. Толук маалымат кийинчерээк берилет.

БИШКЕК, 27-фев. — Sputnik. Мамлекет башчы Садыр Жапаров 2-3-март күндөрү Казакстанга барат. Маалыматты президенттин маалымат кызматы тастыктады.

Сапардын статусу жана программасы азырынча белгисиз. Президенттик аппарат толук маалыматты кийинчерээк берүүнү убадалады.

Белгилей кетсек, жакынкы күндөрү мамлекет башчынын Өзбекстан жана Түркмөнстан өлкөлөрүнө дагы барышы болжолдонууда.

Бул жуманын башында Россияга жумушчу сапары менен барып келген.

138
Белгилер:
сапар, Казакстан, Садыр Жапаров
Тема боюнча
Байланышты өнүктүрөлү. Жапаров Татарстан президенти Минниханов менен жолукту. Сүрөт
Жапаровдун сапары талкууланат. Өзбекстандын тышкы иштер министри Бишкекке келди
 Президент Садыр Жапаров Өзбекстандын тышкы иштер министри Абдулазиз Камиловду кабыл алды

Коңшулук мамилени арттыралы. Жапаров Өзбекстандын ТИМ башчысын кабыл алды

105
(жаңыланган 14:37 27.02.2021)
Жапаров достук жана ынак коңшулук мамилелерди мындан ары да өнүктүрүүгө бекем ниети бар экендигин айтты.

БИШКЕК, 27-фев. — Sputnik. Президент Садыр Жапаров Өзбекстандын тышкы иштер министри Абдулазиз Камиловду кабыл алды. Бул тууралуу мамлекет башчынын маалымат кызматы билдирди.

Жолугушууда тараптар Кыргызстан менен Өзбекстандын ортосундагы эки жана көп тараптуу кызматташуунун абалы жана келечеги жөнүндө пикир алмашкан.

  • Президент Кыргызской Республики Садыр Жапаров принял министра иностранных дел Республики Узбекистан Абдулазиза Камилова, прибывшего в страну с рабочим визитом. 27 февраля 2021 года
    Президент Садыр Жапаров Өзбекстандын тышкы иштер министри Абдулазиз Камиловду кабыл алды
    © Пресс-служба президента КР / Султан Досалиев
  • Президент Кыргызской Республики Садыр Жапаров принял министра иностранных дел Республики Узбекистан Абдулазиза Камилова, прибывшего в страну с рабочим визитом. 27 февраля 2021 года
    Жолугушууда тараптар Кыргызстан менен Өзбекстандын ортосундагы эки жана көп тараптуу кызматташуунун абалы жана келечеги жөнүндө пикир алмашкан.
    © Пресс-служба президента КР / Султан Досалиев
  • Президент Кыргызской Республики Садыр Жапаров
    Жапаров достук жана ынак коңшулук мамилелерди мындан ары да өнүктүрүүгө бекем ниети бар экендигин баса белгилеген.
    © Пресс-служба президента КР / Султан Досалиев
  • Министр иностранных дел Республики Узбекистан Абдулазиз Камилов, прибывший в КР с рабочим визитом
    Ал эми Камилов тышкы иштер министрлеринин деңгээлинде маселелер өз нугунда талкууланып жана сүйлөшүүлөр эки өлкөнүн кызыкчылыктарын эске алуу менен жүргүзүлүп жаткандыгын маалымдады.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Садыр Жапаров Өзбекстандын тышкы иштер министри Абдулазиз Камиловду кабыл алды

Жапаров достук жана ынак коңшулук мамилелерди мындан ары да өнүктүрүүгө бекем ниети бар экендигин баса белгилеген.

"Мамлекет башчы эки өлкө ортосундагы соода-экономикалык кызматташтыкты арттыруу боюнча жагымдуу шарттарды түзүү үчүн биргеликте иш алып барууга даяр экендигин билдирип, Өзбекстандын президенти Шавкат Мирзиёевге саламын жолдоду", — деп айтылат маалыматта.

Президент Садыр Жапаров
© Пресс-служба президента КР / Султан Досалиев
Ал эми Камилов тышкы иштер министрлеринин деңгээлинде маселелер өз нугунда талкууланып жана сүйлөшүүлөр эки өлкөнүн кызыкчылыктарын эске алуу менен жүргүзүлүп жаткандыгын маалымдады.

Ошондой эле Өзбекстандын президенти Шавкат Мирзиёевдин "Борбордук жана Түштүк Азия: аймактык өз ара байланыш. Кыйынчылыктар жана мүмкүнчүлүктөр" деген аталыштагы жогорку деңгээлде өтө турган эл аралык конференцияга чакыруусун жеткирди.

105
Белгилер:
жолугушуу, чакыруу, Абдулазиз Камилов, Садыр Жапаров, Кыргызстан, Өзбекстан
Тема боюнча
Жапаровдун сапары талкууланат. Өзбекстандын тышкы иштер министри Бишкекке келди
Кыргызстандык грек-рим күрөшүнүн балбаны Жоламан Шаршенбеков. Архивдик сүрөт

Жоламан Шаршенбеков Киевде өтүп жаткан эл аралык мелдештин финалына чыкты

0
(жаңыланган 00:13 28.02.2021)
Мелдештин жүрүшүн аталган өлкөнүн спорттук күрөш ассоциациясынын расмий сайты түз алып көрсөттү. Эртең ал алтын байге үчүн ирандык Али Нажети менен кармашат.

БИШКЕК, 28-фев. — Sputnik. Кыргызстандык грек-рим күрөшүнүн балбаны Жоламан Шаршенбеков Киевде спорттук күрөштүн түрлөрү боюнча Украинанын чыгаан балбандарынын жана машыктыруучуларынын элесине арналган XXIV эл аралык мелдештин финалына чыкты. Мелдештин жүрүшүн аталган өлкөнүн спорттук күрөш ассоциациясынын расмий сайты түз алып көрсөттү. 

Жоламан жарым финалда украиналык Виктор Петрикти 12:4 эсебинде таза техникалык артыкчылык менен утту. Эртең ал алтын байге үчүн ирандык Али Нажети менен кармашат.

Кыргызстандык балбан 1/16 финалда алжирлик Абдельжеббар Жеббарини утса, 1/8 финалда грузиялык Дато Чхартишвилини жеңди. Ал эми чейрек финалда Иво Ангеловду (Болгария) утуп алган.

0
Белгилер:
мелдеш, Киев, грек-рим күрөшү, Жоламан Шаршенбеков
Тема боюнча
Өлкөнүн грек-рим жана эркин күрөшү боюнча 29 балбаны Киевде намыс талашат
Элдин моокумун кандырышты. Топ жарып чыккан балбандардын чемпионаттагы сүрөттөрү