Президент Кыргызстана Сооронбай Жээнбеков с таджикистанским коллегой Эмомали Рахмоном

Жээнбеков Рахмондун чакыруусу менен эртең Исфарага барат

206
(жаңыланган 16:03 25.07.2019)
Эки лидер чек ара чыры чыкканга чейин эле кезигүүнү көздөп жаткан.

БИШКЕК, 25-июл. — Sputnik. Президент Сооронбай Жээнбеков эртең, 26-июлда, тажикстандык кесиптеши Эмомали Рахмондун чакыруусу менен Исфара шаарына кыска мөөнөттүү жумушчу сапары менен барат. Бул тууралуу өлкө башчынын маалымат кызматынан билдиришти.

"Президенттин аппаратынын Тышкы саясат бөлүмүнүн башчысы Данияр Сыдыков бул пландуу жолугушуу экенин, мындай сүйлөшүүлөр үзгүлтүксүз болуп турарын билдирди", — деп айтылат билдирүүдө.

Сыдыковдун айтымында, сүйлөшүүлөрдө эки тараптуу кызматташтыктын олуттуу маселелери, анын ичинде чек араны делимитациялоо жана демаркациялоо процесстери талкууланат. Ошондой эле чек ара боюндагы облустарда жашаган Кыргызстан менен Тажикстан жарандарынын ортосундагы ынак кошуналык мамилелерди өнүктүрүү боюнча пландар түзүлөт.

Ал эми лидерлердин кийинки жолугушуусу Чолпон-Ата шаарында болору айтылды.

Эске салсак, кыргыз-тажик чек арасында чатак 22-июль күнү чыккан. Ак-Сай (Кыргызстан) менен Ворух (Тажикстан) айылдарынын жашоочулары чырдаша кеткен. Ворухтун тургундары кыштактын кире беришине флагшток орнотмокчу болушканда аксайлыктар каршы чыккан. Кайым айтышуу учурунда бири-бирин ташка алып, ок атылган. Мунун кесепетинен 14 кыргызстандык жаракат алган болчу.

Ал эми 23-июлда тажик тараптан эки ирет ок атылып, кыргызстандык чек арачылардын бирөө жарадар болгон.

Кечээ жолдор жабылып, нааразы болгон эл Баткен облустук администрациясынын алдына митингге чогулган.

25-июлда эртең менен тосулган жолдор ачылып, Баткен шаарына убактылуу көчүрүлүп келген 700дөй киши үйлөрүнө кайткан

206
Белгилер:
жолугушуу, Эмомали Рахмон, Сооронбай Жээнбеков
Тема боюнча
Кыргыз-тажик чегиндеги айылдардан көчүрүлгөн 700гө жакын киши үйүнө кайтты
Чек арадагы жаңжалдан жабыркаган Ак-Сайдын тургундары митингге чыкты
Кыргыз-тажик чек арасы: автотрассалар ачылды