Шымкент шаарынын акими. Архив

Лондонго барып эс алып келген Шымкенттин акими кызматынан кол жууду

832
(жаңыланган 10:12 01.08.2019)
Казакстандын президенттик администрация жетекчиси аймактардын башчысы элге кызмат кылышы керектигин жана өзүн ошого ылайык алып жүрүүсү керектигин белгилеген.

БИШКЕК, 31-июл. — Sputnik. Шымкент шаарынын акими Габидулла Абдрахимов Казакстандын президенти Касым-Жомарт Токаевдин буйругу менен кызматынан алынды. Бул тууралуу Акорданын расмий сайтында маалымдалат. 

Ал эми Sputnik Казакстан сайтынын жазышынча, Абдрахимов бир нече күн мурда Лондонго болгон сапары учурунда элге видео кайрылуу жасап: "Баары бир Казакстанды жакшы көрөм. Казакстанда жашап, иштеп дүйнө кезүү керек",- деп айткан.

Социалдык тармактын колдонуучулары акимдин бул айткандарын мактанып жатат деп баалашкан.

Посмотреть эту публикацию в Instagram

Публикация от Gabidulla Abdrakhimov (@gabidullaabdrakhimov)

Казакстандын президенттик администрациясынын жетекчиси Крымбек Кушербаев Габидулла Абдрахимовдун бул аракетин элдин бийликке болгон ишенимине шек келтирет деп атаган.

Ал, андан сырткары, бийликтин бардык бутагындагылар таза жана берилүү менен иштеши керектигин, аймактардын башчылары элге кызмат кылып өзүн ошого ылайык алып жүрүүсү керектигин белгилеген.

832
Белгилер:
аким, Лондон, Казакстан
Тема боюнча
Ош шаарында балдарды жакшы окутпаган мекеме жетекчилери жазаланат
Олег Панкратов президент Сооронбай Жээнбековдун кеңешчиси болду
Ооруканада бөбөк. Архив

Өзбекстанда төрөлгөн эки баштуу сиам эгиздер 9 күн жашап чарчап калышты

97
(жаңыланган 19:30 06.07.2020)
Жарык дүйнөгө келген перзенттер жакшы дем ала албай, жүрөгү начар иштегендиктен көп профилдүү медициналык борбордо ак халатчандардын көзөмөлүндө болчу.

БИШКЕК, 6-июл. — Sputnik. Өзбекстанда июнь айынын соңунда төрөлгөн эки баштуу сиам эгиздер чарчап калышты. Бул тууралуу РИА Новости агенттиги өлкөнүн Саламаттык сактоо министрлигине таянып жазып чыкты.

Мекеменин маалыматына ылайык, өзгөчө эгиздер 27-июнда жарык дүйнөгө келип, салмагы 4,6 килограмм, бою 48 сантиметр эле.

Самаркандда сейрек кездешкен сиам эгиздери жарыкка келди. Видео

Изилдөөдөн кийин анын эки өтү бар экени, калган органдарды кадимки адамдыкындай эле жетилгени анык болгон. Жарык дүйнөгө келген перзенттер жакшы дем ала албай, жүрөгү начар иштегендиктен көп профилдүү медициналык борбордо ак халатчандардын көзөмөлүндө эле.

Жергиликтүү басылмалардын бири сиам эгиздин энеси ымыркайлардын кемтиги бар экенин үч айлык боюнда бар кезинде эле билгенин жазып чыгышты. Ага карабай ал төрөөнү чечкен.

Дарыгерлердин пикиринде, сиам эгиздеринин пайда болушуна гендик мутациялар себеп болгон.

97
Белгилер:
медицина, сиам эгиздери, Өзбекстан
Тема боюнча
Бангладеште бир баштуу сиам эгиздерин операцияга даярдашууда. Видео
Бишкекте коронавирустан көз жумган 27 жаштагы келин эгиз төрөгөн. Чоо-жайы
Кыргыз Республикасынын Президенти Сооронбай Жээнбеков Казакстандын биринчи Президенти Нурсултан Назарбаев менен жолугушуу. Архив

Жээнбеков Назарбаевди телефон аркылуу 80 жаш мааракеси менен куттуктады

51
(жаңыланган 13:51 06.07.2020)
Жээнбеков Назарбаевге чың ден соолук, бакыт жана бакубатчылык, ал эми боордош Казакстан элине тынчтык жана өсүп-өнүгүүнү каалаган.

БИШКЕК, 6-июл. — Sputnik. Өлкө башчы Сооронбай Жээнбеков Казакстандын тунгуч ажосу Нурсултан Назарбаев менен телефон аркылуу сүйлөштү. Бул тууралуу президенттин маалымат кызматы кабарлады.

Ага ылайык, Жээнбеков Нурсултан Назарбаевдин 80 жылдык мааракеси жана Казакстандын борбор калаасынын күнү менен куттуктап, Назарбаевге чың ден соолук, бакыт жана бакубатчылык, ал эми боордош Казакстан элине тынчтык жана өсүп-өнүгүүнү каалаган.

Нур-Султанда Елбасы университетинин алдына Назарбаевдин айкели коюлду. Сүрөт

Өлкө башчы Жээнбеков Нурсултан Назарбаевдин Кыргызстан менен Казакстандын ортосундагы стратегиялык өнөктөштүк, союздаштык, жакшы коңшулукту орнотуу жана бекемдөөдөгү жеке салымын дагы бир жолу белгилегени айтылды.

51
Белгилер:
куттуктоо, Нурсултан Назарбаев, Сооронбай Жээнбеков, Казакстан, Кыргызстан
Тема боюнча
Казакстанга 19-июлга чейин күчөтүлгөн карантин киргизилди
Нурсултан Назарбаев коронавирустан айыкты. Элбашынын сейилдеги сүрөтү
Депутат Чыныбай Турсунбеков

Депутаттар ЖКнын экс-спикери Чыныбай Турсунбековдун каза болгонун айтууда

265
(жаңыланган 01:12 07.07.2020)
Чыныбай Турсунбеков 60 жашта. Буга чейин ал пневмония оорусуна чалдыгып ооруканада жатканы айтылган.

БИШКЕК, 7-июл. — Sputnik. Жогорку Кеңештин депутаты Чыныбай Турсунбеков каза болду  деген маалыматтарды бир катар ЖМКлар, ЖКнын бир нече депутаттары социалдык тармакка жазышты. Ал эми ЖКнын маалымат кызматынын жетекчиси Ибраим Нуракун уулу  журналисттер жана башкаларды сабырдуулукка чакырып, маалыматтын тастыктала электигин айтты.

“Чыныбай Акунович... Бейиштен орун берсин. Жакындарына көңүл айтам. Дагы бир мыкты инсан арабыздан кетти..., — деп жазды депутат Кожобек Рыспаев.

Эльвира Сурабалдиева жана Дастан Бекешев да социалдык тармакта көңүл айтты.

"Ата Мекен" партиясынын лидери Өмүрбек Текебаевдин айтымында, Турсунбеков Бишкектеги Улуттук госпиталдын тез жардам терапия бөлүмүндө көз жумган.

Чыныбай Турсунбеков 57 жашта! Белгилүү саясий ишмер тууралуу 9 факты

Турсунбеков буга чейин пневмония оорусуна чалдыгып, абалы оор экенин айрым ЖМКлар жазышкан.

"Депутат жакынкы күндөрү өпкөнү жасалма дем алдыруучу аппаратынан чыгып, үйүнөн дарыланууга уруксат берилиши күтүлүүдө. Жалпы абалы жакшы жана стабилдүү. Алдын ала диагнозу пневмония. Коронавируска карата ПЦР-тести таза чыккан", — деп жазган эле Нуракун уулу.

Чыныбай Турсунбеков 60 жашта эле, Жогорку Кеңештин VI чакырылышынын төрагасы болуп иштеген.

265
Белгилер:
пневмония, өлүм, депутат, Чыныбай Турсунбеков
Тема:
Кыргызстандагы коронавирус жуктуруп алгандар
Тема боюнча
Белгилүү журналист Бүбүкан Досалиева дүйнө салды
Алмамбет Шыкмаматовдун жубайы Жанара Турдакунова пневмониядан каза болду