Автоунаа чыгаруу. Архив

Тажикстанда немис жана япон автоунаалары чыгарыла баштайт

696
(жаңыланган 11:52 01.08.2019)
Министрдин айтымында, бүгүнкү күнү Тажикстанда трактор, автобус жана жүк ташуучу автоунаалар чыгарылат.

БИШКЕК, 1-авг. — Sputnik. Тажикстандын президенти Эмомали Рахмон немис жана япон автоунааларын өлкөдөн жасап чыгарууну тапшырды. Бул тууралуу өнөр жай жана жаңы технологиялар министри Заробиддин Файзуллозода маалымат жыйында айтканын Sputnik Тажикстан агенттиги жазды.

Министрдин айтымында, өлкө башчысы немис жана япон автоунааларын Тажикстанда жасап чыгаруу боюнча сүйлөшүүлөрдү баштоону тапшырган. Рахмон, андан сырткары, автоунаанын сапаты дүйнөлүк стандарттарга туура келиши үчүн чет элдик мыкты компанияларды тартуу керектигин белгилеген. Себеби Тажикстан чыгарылган автоунааларды коңшу мамлекеттерге да сатышы керек.

"Өзбекстан менен Казакстан автоунаа чыгаруу жаатында чет элдик компаниялар менен кызматташат. Биз дагы мындай кадамга барабыз, ал үчүн көптөгөн иштерди аткаруу керек. Чет элден инвестиция тартуу кажет", — деди министр.

Файзуллозода өз сөзүндө дароо эле немис жана япон машиналары чыгарылбай турганын, алгач куроочу заводду ишке киргизүү керектигин кошумчалады. Жаңы ишкана түптөлсө, кошумча жумушчу орундары да түзүлөт.

Министр, андан сырткары, бүгүнкү күнү Тажикстанда трактор, автобус жана жүк ташуучу автоунаалар чыгарылып жатканын айтты. Бул техникалардын басымдуу бөлүгү Өзбекстан менен Афганистанга экспорттолот.

696
Белгилер:
автоунаа, өндүрүш, Эмомали Рахмон, Тажикстан
Тема боюнча
Дүйнө боюнча эң көп автоунаа чыгарган заводдор аныкталды
Баткен облусунда чек ара бекетиндеги мунара. Архив

Асманга ок атылды. Кыргыз-тажик чек арасында кайрадан жаңжал чыкты

793
(жаңыланган 22:51 25.10.2020)
Тажик жарандары Үч-Төбө айылынан чек ара аркылуу жер алдынан суу түтүк өткөрүп жатканда кыргыз чек арачылары келип, ишти токтотууну талап кылышкан.

БИШКЕК, 25-окт. — Sputnik. Кыргыз-тажик чек арасында чатак чыкканын Мамлекеттик чек ара кызматы кабарлады.

Ага ылайык, бүгүн, 25-октябрда, саат 17:00дөр чамасында тажик жарандары Баткен облусунун Үч-Төбө айылынан чек ара аркылуу жер алдынан суу түтүк өткөрүп башташкан.

"Окуя болгон жерге кыргыз чек арачылары барып, тактала элек аймактагы ишти токтотууну талап кылышкан. Бирок тажик тарап баш ийбей кайым айтышкан. Аскер кызматкерлеринин өмүрүн жана саламаттыгын сактоо максатында, ошондой эле абалдын курчуп кетпеши үчүн Кыргызстандын чек арачылары эскертүү иретинде асманга ок чыгарууга аргасыз болушту", — деп айтылат маалыматта.

Учурда түтүк өткөрүү иши токтотулду. Эки өлкөнүн чек ара өкүлдөрү сүйлөшүү жүргүзүүдө. Ага жергиликтүү бийлик органдары менен укук коргоо органдарынын өкүлдөрү катышып жатат.
Мамлекетик чек аранын аталган аймагында абал туруктуу деп бааланды.

793
Белгилер:
ок атуу, Жаңжал, Мамлекеттик чек ара кызматы, Тажикстан, Кыргызстан
Тема боюнча
Кыргыз-өзбек жумушчу тобу чек арадагы чечиле элек тилкелерди карап чыгышты
Киши Казакстандын желегин илип турат. Архив

Казакстанга кирип-чыгуунун жол-жобосу

110
(жаңыланган 13:28 25.10.2020)
Бөрүбаева белгилегендей, коңшу өлкөгө аба каттамы аркылуу бара аласыз, бирок автоунаа менен кирүүгө баарына эле уруксат бериле бербейт.

БИШКЕК, 25-окт. — Sputnik. Кыргызстандын жарандары Казакстанга кантип бара аларын Мамлекеттик чек ара кызматынын расмий өкүлү Гүлмира Бөрүбаева айтып берди.

Ал белгилегендей, коңшу өлкөгө автоунаа менен кирүүгө баарына эле уруксат бериле бербейт. Чек арадан төмөнкү категорияга кирген жарандар өтө алат:

  • Казакстандын жараны болгон жакын тууганы (аялы/күйөөсү, балдары, ата-энеси) болсо;
  • медициналык кызматка муктаж болуп жатса (кабыл алуучу тараптын чакыруусу керек);
  • кандайдыр бир мамлекеттик программага катышып жатса;
  • Казакстанда туруктуу жашоого уруксаты болсо.

Коңшу өлкөгө аба каттамы аркылуу дагы бара аласыз. Эскерте кетсек, Казакстан эртеңден тарта аба каттамдарынын санын кыскартат. Кыргызстанга Алматы — Бишкек — Алматы ("Эйр Астана") маршруту жумасына эки ирет каттайт.

Белгилей кетсек, коңшу мамлекет COVID-19га тест тапшырбаган жарандарды өз аймагына киргизбейт. Андыктан Казакстанга кирчүлөрдүн жанында сөзсүз ПЦР-тесттин жыйынтыгы болушу шарт.

110
Белгилер:
ПЦР-тест, жол эрежеси, чек ара, Казакстан, Кыргызстан
Тема боюнча
Кыргызстандыктар чет өлкөлөргө кантип чыга алат. Жаңы эрежелер
Айыл чарба министри Тилек Токтогазиев. Архив

Тилек Токтогазиев Айыл чарба министрлигиндеги көйгөйлөрдү ачыктады

220
(жаңыланган 00:23 26.10.2020)
Министрдин айтымында, ведомство Советтер Союзунан бери өзгөрбөгөндөй сезим калтырган. Анда керек болсо жылуулук жок экенин белгилеген.

БИШКЕК, 26-окт. – Sputnik. Айыл чарба министрлигинде жаңыланууну талап кылган нерселер көп экен. Бул тууралуу министр Тилек Токтогазиев өзүнүн Facebook баракчасы аркылуу түз эфирге чыгып билдирди. 

Ал кыска мөөнөттүн ичинде өзгөртүүлөрдү жасап, анда иштеп жаткан адистерге жакшыраак шарт түзүп берүүгө аракет жасай турганын белгиледи.

35 жашка чыкпай жогорку кызматты ээлеген аткаминерлер. Тизме

“Башка министрликтерге салыштырмалуу бул жактын айлыгы аз экен. Жакшы адистерге жакшы маяна төлөп бергидей кылышыбыз керек. Иштөө шарттары дагы начарыраак экен, мисалы жылуулук жок, суук. Ушунун баарын акырындык менен ордуна алып келебиз. Документтердин бардыгы кагаз түрүндө экен. Аны электрондук форматка өткөрүү зарыл”, - деди министр.

Токтогазиев кагаздар электрондук форматка өтсө ички процесстер, дыйкандарга кызмат көрсөтүүлөр батыраак жүрөрүн кошумчалады. Ал ошондой эле министрликте 888 киши иштей турганын, жалпы ведомство текшерилсин деген буйрук чыгарганын белгиледи.

“Азыр биз аудит баштадык. Жалпы министрлик текшерилсин деп Эсептөө палатасына кат менен кайрылдык. Бүт агенттиктер менен департаменттер текшерилет. Функционалдык анализ жүргүзүлүп, кайсы позициялар керек, кайсылары кереги жок экени аныкталат. Себеби бири-бирин кайталап калган штаттар болушу мүмкүн. Аларды кыскартууга туура келет”, - деди Токтогазиев.

Эң жаш министр алдыда чоң реформаларды жасоо ниети бар экенин кошумчалады.

220
Белгилер:
реформа, көйгөй, Тилек Токтогазиев, Айыл чарба жана мелиорация министрлиги
Тема боюнча
Тилек Токтогазиев жыйын өткөрүп, министрликтеги ишин эмнеден баштаарын айтты