Офис кызматкери. Архив

Мирзиёевдин кичүү кызы Шахноза кызматын алмаштырып, жетекчи болду

436
(жаңыланган 20:27 05.08.2019)
Өзбекстан президентинин кызы буга чейин башкармалыктын жетекчисинин орун басары болуп иштеп жаткан.

БИШКЕК, 5-авг. — Sputnik. Шахноза Мирзиёева Мектепке чейинки билим берүү министрлигинин билим берүү тармагынын саясатын жүргүзүү жана жөнгө салуу башкы башкармалыгына жетекчи болуп дайындалды. Бул туурасында Sputnik Өзбекстан агенттиги билдирди.

Буга чейин ал аталган министрликке караштуу мектепке чейинки мекемелерди уюштуруу жана стратегиялык жактан өнүктүрүү башкы башкармалыгынын жетекчисинин орун басары болчу.

Шахноза Мирзиёева Өзбекстан президентинин кичүү кызы. Анын күйөөсү Отабек Умаров 2017-жылы кайнатасынын — президенттин күзөт башкармалыгынын жетекчисинин орун басарлыгына дайындалган.

Ал эми улуу кызы Саида Мирзиёева 2019-жылдын апрель айында республикадагы Маалымат жана массалык коммуникация боюнча агенттиктин директорунун орун басарлыгына дайындалган.

436
Белгилер:
президент, кыз, дайындоо, кызмат, Өзбекстан
Тема боюнча
Мирзиёевдин күйөө баласы күңүрттөлгөн автоунаалар жөнүндө кескин айтты
Мирзиёевдин кызматтагы кызы бир нече демилге менен чыкты
ЕАЭБ мамлекеттердин желектери. Архив

ЕАЭБ чек араларындагы көйгөйлөр тезирээк чечилет. ЕЭК жыйынынын жыйынтыгы

59
(жаңыланган 00:45 11.07.2020)
Комитет ЕАЭБдин ичинде товарларды эркин өткөрүүнү камсыз кылуу жана талаш маселелерди, келишпестиктерди жөнгө салган "Жол картасын" иштеп чыгуу менен алектенет. 27-июлга чейин Биримдиктеги өлкөлөр өз сунуштарын көрсөтүшү керек.

БИШКЕК, 11-июл. — Sputnik. Евразия экономикалык комиссиясынын алкагында Евразия экономикалык биримдиктеги товарларды өткөрүүгө байланыштуу талаш кырдаалды жөнгө салган комитет түзүлөт. Бул тууралуу ЕЭК маалымат кызматы кабарлады.

10-июлда ЕЭК кеңешинин кезектеги жыйыны болду. Комитетти ЕЭК коллегиясынын башчысы Михаил Мясникович жетектейт.

"Комитетке Биримдиктеги мамлекеттердин ыйгарым органдарынын жетекчилери жана алардын орун басарлары, ошондой эле ЕЭК коллегиясынын мүчөлөрү Олег Панкратов, Гегам Варданян, Тимур Жаксылыков, Виктор Назаренко, Андрей Слепнев кирген", — деп айтылат маалыматта.

Маалым болгондой, комитет ЕАЭБдин ичинде товарларды эркин өткөрүүнү камсыз кылуу жана талаш маселелерди, келишпестиктерди жөнгө салган жол картасын иштеп чыгуу менен алектенет. 27-июлга чейин Биримдиктеги өлкөлөр өз сунуштарын көрсөтүшү керек.

"Жол картасына Биримдиктеги өлкөлөр арасында, анын ичинде ички чек араларда бир жактан экинчи жакка жөнөтүлгөн товарларды текшерүү иш-чараларын алып салуу же азайтуу кадамдары кириши мүмкүн. Мындан сырткары, планга товар айлантуудагы көзөмөл, каттоо жана ачык-айкындуулукту камсыз кылуучу чечимдер да киргизилет. Жол картасын ЕЭК кеңеши бекитет", — деп жазылган билдирмеде.

ЕЭК жалпы электроэнергетика рыногун түзүү боюнча иш-чаралардын жол картасын жактырды

Жол картасына сунушталчу маселелеринин ичинде транзитти жөнөкөйлөштүрүү көйгөйү да бар. Жыйындын жыйынтыгында ЕАЭБде транзитти жөнөкөйлөштүрүү боюнча келишимге кол коюу пландалып жатканы маалым болду.

"Башкы максат — бажы транзитинде бажы төлөмдөрүн төлөө системасын ыңгайлуу кылып түзүү. Бул келишим бажы төлөмдөрүн сөзсүз төлөө учурларына тиешелүү", — деп айтылат маалыматта.

Долбоордо Макулдашуу суроолордун эки блогун жөндөй турганы айтылган.

"Биринчиси, декларанттар үчүн кыскартуу мүмкүнчүлүгүн колдонууну карайт. Алар транзиттик жүктөр менен иштөөдө тажрыйбасы бар жана аларга коюлган критерийлерге жооп бере алгандар. Сумманы азайтуу бир катар шарттарды сактагандыгына жараша 20 же 30 пайызды түзүшү мүмкүн", — деп билдирди маалымат кызматы.

Суроолордун экинчи бөлүгү кепилдикти өнүктүрүүгө багытталган. Ал бажы, салык, атайын, антидемпингдик, компенсациялык төлөмдөрүнүн милдеттүү аткарылышын камсыздаган ыкма катары каралууда.

Ал кепил (поручитель) болгондорду улуттук кепил катары таануу боюнча жалпы шарттарды аныктайт. Аны менен бирге эле алар үчүн каржылык гарантиянын көлөмүнөн 10дон 100 пайызга чейин кыскартып колдонууну карайт. Макулдашуудагы "жеңилдетилген" механизм тышкы экономикалык ишмердүүлүктүн ЕАЭБ алкагында жүк ташуусунда тарткан чыгымдарын азайтууга көмөкчү болот", — деп айтылган маалыматта.

Бул макулдашуу өлкөлөр жана Комиссиянын тыкыр иштелип чыккан бажы документтеринин бири. Бул боюнча иш 2015-жылдан бери Евразиялык өкмөттөр аралык кеңештин буйругунун негизинде жасалып келе жатат. Ал учурда иштелип аягына чыкты.

Жээнбеков Бирдиктүү евразия патенти боюнча маанилүү документке кол койду

Жыйында Евразия экономикалык биримдиктин "Сүт жана сүт продукциясынын коопсуздугу тууралуу" техникалык регламентине да өзгөртүүлөр киргизилген. Анда ЕАЭБ "калыбына келтирилген сүт" түшүнүгүн киргизди. Калыбына келтирилген сүт — бул кургатылган сүттөн жасалган азыктар. Буга чейин биримдикте "сүт суусундугу" деген гана түшүнүк бар болчу.

Мындан сырткары, ЕАЭБдин бажы аймагында карантиндик фитосанитардык көзөмөлдөө жобосуна да өзгөртүүлөр киргизилгени айтылды.

59
Белгилер:
транзит, сунуш, техникалык регламент, өзгөртүүлөр, комитет, жыйын, ЕЭК, Евразиялык экономикалык биримдик
Тема боюнча
Назаралиев: ЕАЭБ өлкөлөрү ортосунда бирдиктүү биржа рыногу түзүлөт
Ташкентте өзбекстандын укук коргоо органдарынын кызматкерлери айдоочулардын документтерин текшерип жатышат. Архив

Өзбекстанда 10-июлдан баштап катаал карантин киргизилет

259
(жаңыланган 10:22 09.07.2020)
Чектөөлөр өлкөдө коронавирустун күчөп кеткендигинен жана адам өлүмүнүн көп катталгандыгынан улам кабыл алынган.

БИШКЕК, 9-июл. — Sputnik. Өзбекстан 10-июлдан 1-августка чейин үч жумага толук карантинге жабыларын Sputnik Өзбекстан билдирди.

Республикада эл жашаган конуштарда жана аймактар аралык бардык транспорттун кыймылына чектөө киргизилет.

Коомдук жана көңүл ачуучу иш-чараларды уюштурууга, муну менен катар эл чогултуп үйлөнүү той, туулган күн жана башка мааракелерди өткөрүүгө тыюу салынат. Курагы 65 жаштан өткөн улгайган адамдарга коомдук жайларга келүүгө болбойт.

Бишкектеги бир катар соода борборлору карантинге жабылууда. Тизме

Эс алуу жайлары, азык-түлүк сатпаган базарлар жана дүкөндөр, спорт залдар, тамактануучу объектилер, пляждар жабылат.

Чет өлкөдөгү эпидемиологиялык абалга карап эл аралык каттамдарга да чектөө киргизилет.

Мындай кадамдар Өзбекстандагы коронавирустун күчөп кеткендигинен жана адам өлүмүнүн көп катталгандыгынан улам жасалууда.

Өлкөдө эпидемия башталгандан бери COVID-19 инфекциясын жуктурган 11 000 учур катталып, анын 7000ден ашыгы сакайып чыккан. Ал эми 45 адам каза болуп калды.

259
Белгилер:
карантин, коронавирус, Өзбекстан
Тема:
Дүйнөгө жайылган коронавирус
Тема боюнча
COVID: Казакстанда 13-июль аза күтүү күнү деп жарыяланды
ГЭСтин агрегаторун оңдоо. Архив

Камбар-Ата-2 ГЭСинде оңдоо иштери жүрөт. Ири суммага тендер жарыяланды

0
(жаңыланган 08:30 11.07.2020)
Ал каражатка электр жарыгы, байланыш, жылыткычтар орнотулуп, суу түтүктөрдү коюлуп, имараттардын ичи-тышы жасалат.

БИШКЕК, 11-июл. — Sputnik. "Электр станциялар" ачык акционердук коому Камбар-Ата-2 ГЭСинде курулуш иштерин жүргүзүү үчүн 82 миллион сомдон ашык акчага тендер жарыялады. Бул тууралуу маалымат Мамлекеттик сатып алуулар порталына чыкты.

Ага ылайык, жеңүүчү болгон компания ал каражатка электр жарыгын, байланыш, жылыткычтарды орнотуп, суу түтүктөрдү коюп, имараттардын ичи-тышын жасайт.

КР энергетикасы жар учунда турат. Эксперттин билдирүүсү

Андан сырткары, оор техниканын жардамы менен жээктерди, плотинанын айланасын бекемдемекчи

Камбар-Ата ГЭС-2 Тянь-Шандын борбордук бөлүгүндө жайгашкан. Плотина Нарын дарыясынын агымы боюнча Токтогул ГЭСинен 70 чакырым алыстыкта курулган.

Досумбетов: Бишкек — Кара-Балта жолун оңдоо 2021-жылы аяктайт

Гидроэлектростанциянын курулуш иштери 1986-жылы башталып 120 МВт кубаттуулуктагы үч агрегат боюнча долбоорлонгон. 2010-жылы биринчи агрегат ишке киргизилген. 

Суу сактагычтын көлөмү 70 миллион куб метр, пайдалуусу 7,5 миллион куб метр сууну түзөт.

0
Белгилер:
тендер, ГЭС, Камбар-Ата - 2, Кыргызстан
Тема боюнча
Бишкек — Алматы жолунун боюндагы курулуштар иретке келтирилип, айыл чектери такталды
БШК 21 млн сомго тендер жарыялады. Акча эмнеге жумшалат?
Кыргызстанга баасы 3 млрд. доллар турган Камбар-Ата ГЭС эмнеге керек? Маалымат