Эт тартуу. Архивдик сүрөт

Кыркылык берилбесин! Өзбекстан депутаттары той-аш өткөрүү тартибин сунуштады

862
(жаңыланган 11:24 16.09.2019)
Өзбекстандын Олий Мажилис сенаты жамандык-жакшылыктарды өткөрүүнүн жол-жобосун иштеп чыкты. Тагыраагы, үйлөнүү той менен өлүк көмүү боюнча айтылды.

БИШКЕК, 16-сен. — Sputnik. Өзбекстанда маркумду акыркы жайына узатуу менен үйлөнүү тоюна ашыкча чыгым болбой, көп убакытты албашы керек деп пландап жатышат. Бул туурасында Sputnik Өзбекстан жазды.

Олий Мажилис аталган иш-чараларды кантип өткөрүү керектиги жазылган Уставды иштеп чыккан.

Анда үйлөнүү тойдон бир жума мурда үлпөт болору тууралуу Махалля комитетине кабарланышы керек. Той бир күнү гана, болгондо да саат 06:00дөн 23:00гө чейин өтүшү кажет. Андан ары создуктуруп жиберүүгө тыюу салынат. Коноктордун саны — 200дүн тегерегинде болгону дурус. Абдан эле болбой бара жатса, санын 250-300гө чыгарганга уруксат. Ал эми үйлөнүү кортежиндеги автоунаа үчтөн ашпайт.

Андан сырткары, тойдо аксакалдарды сыйлоо, куда чакыруу, күйөө баланын курбуларын меймандоо, келинге жасалган септи көрсөтүү жана башка салт-санаа коштобошу керек. Депутаттар муну дагы ашыкча чыгым деп табышты.

Үйдөн өлүк чыкканда аны акыркы жайга узатууга келгендердин санын чектөө туурасында кеп болгон эмес. Бирок маркумду жерге бергенден кийинки иш-чаралар үч күндөн ашык уланбашы жана күрүч басып, тамак берүүнүн кереги жоктугу айтылган.

Мындан тышкары, жетилик, төрттүк, жекшембилик, жыйырмалык, кырктык, айт, жылдык, акча таркатуу, келин көрүү жана башка салт-санаа да жасалбашы шарт.

Бул Устав Олий Мажилистин эки палатасында тең каралган.

862
Белгилер:
той, үйлөнүү, өлүк, аш, Өзбекстан
Тема боюнча
Түгөлбай Казаков: тойдун убактысын үч саат кылып кыскартуу керек
Казакстандын президенти Касым-Жомарт Токаев. Архивдик сүрөт

Жалкоолук, тойдон тойго жашоо... Токаев казак коомунун беш кемчилигин атады

130
(жаңыланган 18:05 10.08.2020)
Президенттин айтымында, өлкө быйыл көз карандысыздыгынын 30 жылдыгын белгилейт, бирок коомчулуктун бир кылым мурда Абайды тынчсыздандырган кемчиликтери жоюлбай келет.

БИШКЕК, 10-авг. — Sputnik. Казакстандын президенти Касым-Жомарт Токаев улуу акын Абай Кунанбаевдин 175 жылдыгына карата "Абай — руханий реформатор" деген аталыштагы макала жазып, анда казак коомчулугунун бир нече кемчиликтери тууралуу дагы айта кетти. Бул тууралуу Sputnik Казакстан жазды.

Президенттин айтымында, өлкө быйыл көз карандысыздыгынын 30 жылдыгын белгилейт, бирок коомчулуктун бир кылым мурда Абайды тынчсыздандырган кемчиликтери жоюлбай келет.

Ынтымак бекемделсин! Кыргыз элин Курман айт менен куттуктаган президенттер

"Өз доорунда Абай айткан "беш душманыбыздан" дагы деле толук кутула албай жатабыз. Тилекке каршы, коомубузда жалкоолук, пайдасыз сөздөр көп. Алар кишини тыңгылыктуу иш бүтпөгөн, маанисиз жашоого сүйрөйт. Ошондой эле эмгектенүүнүн ордуна ар бир нерседен саясат издегендер жок эмес", — деди Токаев.

Өлкө башчы эске салгандай, Абай тойдон тойго чейин күн санабай, билим алып, руханий өсүүгө чакырган.

"Биз билимдин аркасы менен гана өсө алабыз. Заманбап билим берүү интеллектуалдык жактан жетилген улут болууга жардам берет. Экинчи орунда тарбия турат. Улуу ойчул айткандай, пайда издебей, абийирди ойлойлу. Ошондо гана биз жаштарга үлгү боло алабыз", — деп жазган президент.

Мындан тышкары, ал Абай казак эли болушунча жаңы жана керектүү кесиптерге умтулуп, ар бир жаран өз ишинин чебери болушун каалаганына токтолду.

Ынтымак менен жеңерине ишенем. Токаев кыргыз элине көңүл айтты

"Азыркыдай кымгуут кезде бул өтө маанилүү. Байлык жок болуп кетиши мүмкүн. Ал эми иш билгилик өмүр бою биз менен калат. Биз ишке болгон мамилени өзгөртүшүбүз керек. Анткени бизди сүйүктүү жумушубуздай эч нерсе бактылуу жана бай кыла албайт", — деп жазылат өлкө башчынын макаласында.

Ошондой эле Абай акын өз элин тилектештикке көп чакырганы айтылат. Ал "эгер казактын уул-кыздары бири-бирине пикирлеш, ыктымактуу болбосо, башка нерсенин баары бир тыйынга татыбайт" деп айткан экен.

Кыргыз алданса алып түшөт же көктүгүнөн өлүп берет. Мар Байжиевдин нускасы

Токаевдин пикиринде, Абайдын бул сөздөрү бир гана казак эмес, өнүгүп-өсүүнү каалаган ар бир элге жол көрсөткүч боло алат.

130
Белгилер:
эл, макала, Касым-Жомарт Токаев, Казакстан
Тема боюнча
Азыркы азалуу Ата Журт, эртеңки айт... Бул күндөрдүн артында улуу жакшылыктар бар
Дарыядагы катер. Архив

Апамды башы жок көмдүк... Казакстанда депутаттын уулу аралашты делген окуянын чоо-жайы

2325
(жаңыланган 14:59 09.08.2020)
Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон.

БИШКЕК, 9-авг. — Sputnik. Казакстанда облустук маслихаттын депутаты Валерий Крыловдун 17 жаштагы уулу аял өлтүрдү деп шектелип, камакка алынды. Бул тууралуу Sputnik Казакстан кабарлады.

Каргашалуу окуя 6-июнь күнү саат 22:15тер чамасында Уральск шаарындагы Чаган суусунда болгон. Анда Чугун көпүрөсүнүн жанында катер сууда сүзүп жүргөн аялды сүзүп, башын жана колун үзүп кеткен. Кылмышка шектүү эки айга камалды.

Көз жумган аялдын уулунун айтымында, ал апасынын сөөгүн башы жок эле жерге берген. Анткени суучулдар сөөктүн айрым бөлүктөрүн таппай коюшкан.

"Апамдын курбусу сууга түшкүсү келбей, белинен эле кириптир. Апам болсо алысыраак жакка сүзүп кетиптир. Бир убакта фарасы күйбөгөн катер пайда болгонун айтты. Курбусу апамды жээке чакырыш үчүн кыйкырып, колун булгаптыр. Бирок ага жетпей катер бир нерсени сүзгөн үн угулган. Апамдын сөөгүнүн бөлүктөрүн суудан капка чогултуп алып чыгышты. Катер дароо кетип калган экен", — деди уулу.

Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон. Ага оор кылмышты жашырып койгон деген айып тагылган. Бирок маркумдун тууганы билдиргендей, ал кыз Лондонго кетиш үчүн виза ачтыруу аракетин көрүүдө.

Оор эмес кылмыш жасаган кыргызстандыктар кандай түзөтүлөт. Видео

Облустук маслихаттын депутаты Валерий Крылов ЖМКларга уулу кармалганын айтып, бирок анын күнөөсү жок деп эсептей турганын билдирген.

"Жээкте кайыктар көп болчу. Бардыгы экспертиза кылынып, тергөө жүрүп жатат. Тергөөчүлөр күнөөнү балама артып жатышат, бирок эч кандай далил жок. Бул иш аягына чыгат деп үмүттөнөм, ошондо гана баары ачыкталат. Менин уулум күнөөлүү эмес", — деди Крылов.

Депутаттын айтымында, шектүү 48 саатка камалган. Ал эксперттердин уулунун катеринен кан табышты деген маалыматты төгүндөдү.

2325
Белгилер:
Суу, кылмыш, аял, катер, кырсык, Казакстан
Тема боюнча
Казакстандын саламаттык сактоо министринин орун басарынын эмнеге кармалганы айтылды
Стационардагы койка. Архивдик сүрөт

Киши келбей калган. Бишкекте дагы үч стационар жабылды

0
(жаңыланган 20:54 10.08.2020)
Ордо калаада күндүзгү жана түнкү стационарлар ачылгандан бери 90 миңден ашуун киши медиктердин жардамын алган. Соңку кезде оорулуулардын саны кескин азайды.

БИШКЕК, 10-авг. — Sputnik. Бишкекте коронавируска жана курч респиратордук вирустук инфекцияга чалдыккан бейтаптарды тейлеген дагы үч стационар жабылды. Бул тууралуу мэрия билдирди.

Маалыматка ылайык, оорудан айыккандардын саны улам азайып, айрым стационарларда бейтап аз болсо, кээ бирөөнө такыр киши келбей калган.

Маселен, кечээ күндүзгү стационарлар ушул убакка чейин эң аз деп эсептелген 733 бейтапты кабыл алган, ал эми 9-августтан 10-августка караган түнү 42 киши баш баккан. Соңку убакта каза болгондор жок.

Баатырбеков: күз-кышта ооруканалардын жылуу болушуна өзгөчө көңүл бурулууда

Мындан улам чыгым менен адам ресурстарын үнөмдөө үчүн кишилер аз келген стационарлар убактылуу жабылган. Тагыраагы, Аламүдүн-1 кичирайонундагы №38 мектептеги күндүзгү стационар жана "Консул" рестораны менен "ДСК" спорт залындагы түнкү стационарлар ишин жыйынтыктады.

"Бардык медициналык жабдыктар, койка жана оокаттар кылдаттык менен сакталып, имараттардын ичи-тышы дезинфекцияланды", — деп айтылат маалыматта.

Ал эми 12-кичирайондогу муниципалитеттин карамагында турган наабайкана күнү-түнү иштегенге өткөн. Ошондой эле калган стационарлар штаттык режимде иштеп жатканы, кайрылгандарга карап байкоо жүргүзүлүп жатканы айтылды.

Ордо калаада күндүзгү жана түнкү стационарлар ачылгандан бери 90 миңден ашуун киши медиктердин жардамын алган. Тилекке каршы 14 киши көз жумду.

Жээнбеков: ооруканалардын курулушуна 100 млн доллар салчу адамдар бар

Эске сала кетсек, буга чейин мэрия жети стационардын иши токтоткон.

0
Белгилер:
бейтап, стационар, Бишкек мэриясы, Бишкек
Тема:
Коронавируска байланыштуу Кыргызстандагы кырдаал
Тема боюнча
Өкмөт "Семетей" стационарын жугуштуу илдеттер ооруканасына айлантууну пландап жатат
Бейтаптар азайып... Оштогу беш стационардын бири ишин жыйынтыктады