Веб-камера. Архивдик сүрөт

Казакстанда вебкам-студия табылып, кыргызстандык жаран кармалды

1193
(жаңыланган 11:09 24.09.2019)
Кыргызстандын кармалган жараны студияда эмне иш менен алектенгенин Казакстандын полициясы билдирди.

БИШКЕК, 24-сен. — Sputnik. Алматы шаарында биринчи жолу вебкам-студия табылып, кыргызстандык программист кармалды. Бул тууралуу Алматынын полиция департаменти Facebook баракчасына жазды.

Порно-студия Медеу аймагындагы элиталык эки батирде жайгашкан.

Полиция студиядан виртуалдык интим кызматын көрсөткөн кыздарды жана техникалык жагын тейлөө үчүн Кыргызстандан келген программистти кармаган. Ошондой эле тинтүү учурунда процессорлор менен тематикалык атрибуттар табылган.

Полиция департаментинин жетекчисинин орун басары Данияр Мендебаевдин айтымында, вебкам-студияда кыздар үч смена менен иштеп, бардыгы жолго коюлган. Керек болсо техникалык жактан колдоо да жакшы болгон.

"Кыздар интим кызматты виртуалдык түрдө көрсөтүп турушкан. Алар дене-башын көрсөтүп, АКШ менен Европанын сайттары аркылуу түз алып берилип турган. Бул кызматы үчүн акы алышкан. Кардарлар мындай "көңүл ачууну" көрүү үчүн сервер аркылуу акча төлөшкөн. Тилекке каршы, серверлер чет жакта болгон", — деди Мендебаев.

Полициядан кабарлашкандай, кыздарды жогорку маяналуу жумуш деген кулактандыруу менен чакырышкан. Бирок иш жүзүндө айтылган көп айлыкты эч бир кыз алган эмес.

Учурда тергөө амалдары жүрүп, шектүүлөрдүн бардыгы кармалды.

1193
Белгилер:
Казакстан, интим, кызмат, вебкам
Тема боюнча
Кызым вебкам-модель болуп кетиптир, эмне кылам? Жалгыз бой эненин даты
Жалал-Абадда жаш кыздарды кыйнап иштеткен сойкукана табылды. Видео
Өзбекстан менен Афганистандын чек арасындагы көзмөл пункту. Архив

Афган делегациясы Өзбекстанга келип, сүйлөшүүлөр башталды

164
Бул жолугушуу тууралуу тараптар Өзбекстандын тышкы иштер министри Абдулазиз Камилов 7-октябрь күнү Кабул шаарына барганда макулдашылган.

БИШКЕК, 16-окт. — Sputnik. Афганистандын убактылуу өкмөт башчысынын орун басарынын милдетин аткаруучу Абдул Салам Ханафи Өзбекстанга келип, бийлик өкүлдөрү менен сүйлөшүүлөрдү жүргүзүүдө. Бул тууралуу Өзбектан ТИМинин расмий өкүлү Юсуп Кабулжановго шилтеме берип Sputnik Өзбекстан агенттиги жазды.

"Жолугушуу тууралуу тараптар Өзбекстандын тышкы иштер министри Абдулазиз Камилов 7-октябрь күнү Кабул шаарына барганда макулдашылган. Афган делегациясын убактылуу өкмөт башчысынын орун басарынын милдетин аткаруучу Абдул Салам Ханафи жетектеп, Өзбекстан делегациясынын башында премьер-министрдин орун басары Сардор Умурзаков турат", — деп айтылат бидирүүдө.

Тараптар соода-экономика тармагын талкуулап, товар жүгүртүү жолдорун биргеликте издешет. Ошондой эле Сурхан — Пули-Хумри электр өткөрүү линиясынын жана Мазари-Шариф — Кабул — Пешавар темир жолунун курулушун баштоо боюнча сөз болору айтылат.

Белгилей кетсек, Борбор Азия мамлекеттеринин ичинен афган элине биринчилерден болуп Кыргызстан кол сунду. Сентябрь айынын соңунда КРдин Коопсуздук кеңешинин төрагасынын орун басары Таалатбек Масадыков Кабулга барып, "Талибан"* өкмөтүнүн ТИМ башчысы Амир Хан Муттаки менен жолуккан. Президенттин маалымат кызматы Масадыков башында турган кыргыз делегациясы Кыргызстан элинин атынан Афганистан Ислам Республикасынын элине гуманитардык жүк жеткиргенин кабарлаган.

Афган бийлиги менен Өзбекстан, Казакстан жана Кытай кызматташууга даяр экенин расмий жарыялаган.

Ал эми октябрь айынын башында Россия талибдерди Афганистан тууралуу "Москва форматындагы" жолугушууга келип кетүүгө чакырды.

Кийин G20 мамлекеттери кезектеги жыйынында кааласа да, каалабаса да талибдер менен иштешип, ал тургай гуманитардык жардам берүүгө мажбур экенин билдиришкен.

* — Кыргызстан жана башка мамлекеттерде тыюу салынган уюм

164
Белгилер:
Афганистан, Өзбекстан, жолугушуу, делегация
Тема:
Афган бийлиги менен талибдердин тиреши
Тема боюнча
Талибдер Афганистандын Жогорку сотун түзгөнүн жар салды
Жапаров: Афганистанда кырдаал курчуп отурса, Борбор Азияда абал кыйындайт

Кыргызстандан барган тасма Алматыда "Мыкты фильм" аталды. Видео

256
Алматыдагы эл аралык фестивалда бишкектик чыгармачыл топ тарткан тасма "Мыкты фильм" номинациясында жеңишке жетти. Бир минуталык чакан тасмада экология темасы көрсөтүлгөн.

Кыргызстандыктар тарткан чакан фильм мыкты деп табылганын фетивалдын PR-менеджери Олеся Колесниченко кабарлады.

Сынактын шарты боюнча, смартфондун камерасына тартылган тасмаларын Кыргызстан, Казакстан, Испания, Түштүк Корея, Япония, АКШ, Россия сыяктуу 16 өлкөнүн өкүлдөрү тартуулаган.

Кыска метраждуу (12 мүнөткө чейин) "Мыкты фильм" номинациясын бишкектик чыгармачыл топ тарткан Present for Future тасмасы утту.

Анда кичинкей кыздын жашыл токойду аралап, чымчыктын үнүнөн рахат алып жүргөнүн көрүүгө болот. Бирок чындыгында ал виртуалдык реалдуулукта жүргөнү, өзү көз айнек тагынып караңгы бөлмөдө турганы көрсөтүлөт.

"Жаратылышка аяр мамиле кылбасак, дал ушундай келечекке туш болобуз", — дейт тасманын режиссеру.

Киноиндустриянын өкүлдөрүнөн турган калыстар тобу фильмге мыкты деген баа берген.

256
Белгилер:
тасма, фестиваль, Бишкек, Алматы, жеңиш, экология
Тема боюнча
"Акыркы көч" тасмасы Сан-Паулодогу беделдүү сынакта ат салышат
Суусундук кармаган кыздар. Архивдик сүрөт

Ден соолукту талкалаган суусундук. Дарыгердин эскертүүсү

0
Дарыгер кадимки сууну да качан гана чаңкаганда ичүү керектигин айткан. Бирок аны көп ичүү эмнеси менен кооптуу экендигин тактаган эмес.

БИШКЕК, 17-окт. — Sputnik. Адамдын ден соолугуна коркунуч жаратып, диабеттен тарта онкологиялык ооруну чакырган азыктардын бири газдалган таттуу суусундуктар экенин дарыгер жана теле алып баруучу Александр Мясников айтып берген. Бул туурасында РИА Новости жазды.

Адистин айтымына караганда, баарынан кооптуусу газдалган суусундук.

"Диабетти жаратып, кишини семиртип, акырында онкологиялык ооруга алып барып такайт. Бул чындыгында ден соолукту талкалоочу жолдордун бири. Остеопороздон тарта онкология, жүрөк, кан тамыр ооруларын жаратат", — деп түшүндүргөн Мясников.

Дарыгер кадимки сууну да качан гана чаңкаганда ичүү керектигин айткан. Бирок сууну көп ичүү эмнеси менен кооптуу экендигин тактаган эмес.

Мясников чай менен кофенин пайдалуу жактарын да эске сала кеткен. Кофе жүрөк, кан тамыр илдеттеринин, боор оорунун алдын аларын айтса, көк чайдын онкологияга каршы күрөшүү артыкчылыгын белгилеген.

Буга чейин россиялык онколог Елена Смирнова жоон ичеги рагына кабылуу тобокелчилигин арттырган суусундуктарды тизмектеп айтып берген. 

0
Белгилер:
Россия, ден соолук, суусундук, зыян
Тема боюнча
Боору жарабай калган. 1,5 литр коланы 10 мүнөттө ичкен киши каза болду