Көпүрө куруу иштери. Архивдик сүрөт

Кытайда дүйнөдөгү эң узун көпүрөнүн курулушу аяктады. Видео

344
(жаңыланган 09:49 26.09.2019)
Аба ырайынын катаал шартынан улам, башкача айтканда, катуу шамал, деңиздеги бороон-чапкындан бул долбоорду ишке ашыруу бир топ эле машакаттуу болгон.

БИШКЕК, 26-сен. — Sputnik. Кытайда дүйнөдөгү эң узун деп эсептелген көпүрөнүн курулушу соңуна чыкканын РИА Новости өлкөнүн темир жол корпорациясына таянуу менен жазды.

Маалыматта деңизге курулган көпүрө чыгышта жайгашкан Фуцзянь провинциясында экени айтылат. Шаршемби күнү узуну 17 метрге, салмагы 473 тоннага жеткен акыркы тирөөч коюлган.

16,34 чакырымдык көпүрөнүн курулушу 2013-жылы башталган, эми аны ишке 2020-жылы берүү пландалууда. Көпүрө туристтер арасында популярдуу болгон Пинтань аралын Фуцзянь провинциясы менен байланыштырары маалым.

Синьхуа агенттигинин жазганына караганда, аба ырайынын катаал шартынан улам, башкача айтканда, катуу шамал, деңиздеги бороон-чапкындан бул долбоорду ишке ашыруу бир топ эле машакаттуу болгон.

​Көпүрө эки деңгээлдүү конструкциядан турат, өйдөкүсү алты тилкелүү автомобилдик трасса болуп, андан саатына 100 чакырым ылдамдык менен жүрүүгө мүмкүн болот. Ал эми ылдыйкысына темир жол салынып, поезддердин ылдамдыгы саатына 200 чакырымды түзөрү айтылды.

344
Белгилер:
курулуш, көпүрө, трасса, темир жол, Кытай
Тема боюнча
Жаңысы келет. Кытай компаниясы "Коопсуз шаардын" II этабын иштетмекчи
Алматы аэропорту. Архив

Казакстан Кыргызстанга болгон авиакаттамдардын санын көбөйтөт

113
Азыркы тапта Алматы — Бишкек — Алматы багыты боюнча жумасына эки рейс каттап жатат. Аны төрткө чейин көбөйтүү каралууда.

БИШКЕК, 25-фев. — Sputnik. Казакстан Кыргызстанга дагы эки авиакаттам ачууну пландап жатат. Бул тууралуу Sputnik Казакстан билдирди.

Маалыматка ылайык, коңшу өлкөнүн ведомстволор аралык комиссиясынын жыйынтыгында Индустрия жана инфраструктуралык өнүктүрүү министрлиги эл аралык каттамдардын санын көбөйтүү сунушун колдогон. Анын алкагында Түркия, Өзбекстан жана Украинага учактардын саны көбөйгөн.

Азыркы тапта Алматы — Бишкек — Алматы багыты боюнча жумасына эки авиарейс каттап жатат.

113
Белгилер:
авиакаттам, Казакстан, Кыргызстан
Тема боюнча
Кыргыз-казак чек арасында дагы эки өткөрүү пункту иштей баштады. Шарттары
Соттолгон жаран. Архив

Кыргызстан менен Корея соттолгон жарандарын алмашуу боюнча келишим түзүп жатат

98
(жаңыланган 11:44 24.02.2021)
Буга чейин өлкөнүн Башкы прокуратурасы Кореянын Адилет министрлиги менен кылмыш иштери боюнча эл аралык келишимге кол койгон.

БИШКЕК, 24-фев. — Sputnik. Кыргызстан менен Корея соттолгон жарандарын алмашуу боюнча келишим түзүп жатат. Аталган макулдашууну ратификациялоо тууралуу мыйзам долбоору Жогорку Кеңеште биринчи окууда каралды.

Башкы прокурордун орун басары Турусбек Ишеналиевдин айтымында, учурда Кореяда иштеп жана окуп жүргөн 6000ден ашуун кыргызстандык бар. Ушул күнгө чейин ал жакта эки мекендеш соттолуп, бирөө жазасын өтөп чыккан. Ал эми өлкөдө алты кореялыктын жазык иши каралууда.

Ошондой эле ал буга Башкы прокуратура Кореянын Адилет министрлиги менен жазык иштери боюнча өз ара укуктук жардам көрсөтүү жана соттолгон адамдарды өткөрүп берүү тууралуу эл аралык келишимге кол койгонун белгиледи.

98
Белгилер:
Башкы прокуратура, сот, келишим, Кыргызстан, Түштүк Корея
Тема боюнча
Маркум Камиланын иши боюнча Салянов алып келинбей калабы? Экстрадиция тууралуу
Башкы прокуратура чет өлкөдө камалган 168 кыргызстандыкты алып келди
Россия рубли. Архив

Россия Кыргызстанга экономиканы көмүскөдөн чыгарууга 623 млн. сом берет

0
(жаңыланган 16:39 25.02.2021)
Кыргыз өкмөтү 2019-жылы жардам сурап кайрылган. Бул боюнча тийиштүү документтер даярдалып, президент Садыр Жапаровдун сапарынын алкагында келишимге кол коюлду.

БИШКЕК, 25-фев. — Sputnik. Россия техникалык жардам катары Кыргызстанга товарларды маркировкалоо системасын түзүү үчүн 623 миллион рублга идентификациялоо жабдууларын алып берет. Бул тууралуу аталган өлкөнүн Өнөр жай жана соода министрлигинин сайтында маалымдалат.

Билдирүүгө ылайык, кыргыз өкмөтү 2019-жылы жардам сурап кайрылган. Бул боюнча тийиштүү документтер даярдалып, президент Садыр Жапаровдун сапарынын алкагында өкмөттөр аралык келишимге кол коюлду.

Өнөр жай жана соода министри Денис Мантуров Россияда бул система ийгиликтүү иштеп жатканын белгилеген.

"Бул бюджетке кошумча салыктардын түшүшүн, рыноктун тазалыгын камсыздап жана ак ниет өндүрүшчүлөрдүн көмүскө сегменттин атаандаштыгынан коркпой рынокко чыгышына шарт түзөт. Ал эми керектөөчүлөр үчүн сапаттуу жана ден соолукка коопсуз товар алууга, келечекте ЕАЭБдин аймагындагы бардык товарды бирдиктүү система менен текшерүүгө мүмкүнчүлүк жаралат", — деди министр.

Ал эми Кыргызстандын экономика жана финансы министри Улукбек Кармышаков бул макулдашуу эки тараптуу байланыштарды жандандырууга маанилүү кадам болоруна ишеним артты.

Аталган системаны түзүүгө 1,5 жыл убакыт кетет. Бул жумуштарды Россиянын Өнөр жай жана соода министрлиги мамлекеттик келишимдер аркылуу аткарат.

0
Белгилер:
Улукбек Кармышаков, товар, жардам, Россия, Кыргызстан
Тема:
Садыр Жапаровдун Россияга сапары
Тема боюнча
Россия Кыргызстанга кайтарымсыз 5,2 млн. доллар бөлдү
Садыр Жапаров Россияга барганда Евразия фондунан 100 млн. доллар кредит сурайт