Смартфон кармаган кыз. Архивдик сүрөт

Казакстанда телефонун зарядга коюп уктап калган кыз көз жумду

1723
(жаңыланган 14:34 29.09.2019)
Окуя 28-сентябрь күнү Каратал районунун Бастобе айылында болгон. Жерине барган полиция кызматкерлери өспүрүмдүн жанында токко туташтырылган телефон болгонун көргөн.

БИШКЕК, 29-сен. — Sputnik. Казакстанда телефонун зарядга туташтырган боюнча уктап калган окуучу кызды ток уруп каза болду. Бул тууралуу Sputnik Казакстан агенттиги жазды. 

Окуя 28-сентябрь күнү Каратал районунун Бастобе айылында болгон.

Алматы облустук полиция департаментинен билдиришкендей, 14 жаштагы кыздын ата-энеси укук коргоо органдарына эртең менен кайрылган.

"Жерине барган полиция кызматкерлери өспүрүмдүн жанында токко туташтырылган телефон болгонун көргөн. Кыздын денесинде зордук-зомбулуктун белгиси жок. Кийин медиктер кызды электр тогу урганын аныкташты", — деп айтылат билдирүүдө.

Полиция "окуучу түн ичинде музыка угуп жатып уктап калып токко урунган" деп бүтүм чыгарды. Окуя кырсык катары бааланды.

1723
Белгилер:
өлүм, электр зымы, телефон, окуучу, Казакстан
Тема боюнча
Сүрөткө түшөм деп... Милиция сууга аккан кыздын окуясы тууралуу
Ош: туулган күндө окуучулар менен мугалимдер тортко ууланды