Тажикстандын президенти Эмомали Рахмондун архивдик сүрөтү

Эмомали Рахмон ашыкча салмак алган жарандарына тынчсызданууда

160
(жаңыланган 15:02 03.10.2019)
Тажикстан кант диабети дарты жана ашыкча салмак көйгөйү менен мыйзамдын деңгээлинде күрөшүүнү пландап жатат.

БИШКЕК, 2-окт. — Sputnik. Тажикстандын өкмөтү президенттин катышуусу менен өлкөдөгү саламаттык сактоо жаатындагы маселелерди талкуулады. Бул тууралуу мамлекет башчысынын маалымат кызматы билдирди.

Өкмөт мүчөлөрү Тажикстанда 2019-2024-жылдарга карата ашыкча салмактын алдын алуу жана туура тамактануу программасын талкуулашкан.

Өлкөнүн саламаттык сактоо жана социалдык коргоо министри Насим Олимзода өз сөзүндө ашыкча салмак көйгөйүнө абдан көңүл буруу керектигин белгилеген. Анткени бул дарттан каза болгондордун жана майып болгондордун саны көбөйүүдө.

Министр жүргүзүлгөн акыркы изилдөөгө ылайык, калктын басымдуу бөлүгү туура тамактануунун ордуна курамында май көп болгон азыктарга ыктап калган. Ашыкча салмак алуунун негизги себеби — фастфуд, газдалган таттуу суусундуктар деди.

Мамлекет башчысы Эмомали Рахмон ашыкча салмак алуунун алдын алуу үчүн конкреттүү чараларды кабыл алуу керектигин билдирди.

160
Белгилер:
ден соолук, салмак, Тажикстан, Эмомали Рахмон
Тема боюнча
50 килограммга арыктаган актрисаны достору тааныбай калды. Сүрөт
Эмомали Рахмон 90-жылдары ага болгон кол салуу тууралуу айтып берди. Видео
Дарыядагы катер. Архив

Апамды башы жок көмдүк... Казакстанда депутаттын уулу аралашты делген окуянын чоо-жайы

1237
(жаңыланган 14:59 09.08.2020)
Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон.

БИШКЕК, 9-авг. — Sputnik. Казакстанда облустук маслихаттын депутаты Валерий Крыловдун 17 жаштагы уулу аял өлтүрдү деп шектелип, камакка алынды. Бул тууралуу Sputnik Казакстан кабарлады.

Каргашалуу окуя 6-июнь күнү саат 22:15тер чамасында Уральск шаарындагы Чаган суусунда болгон. Анда Чугун көпүрөсүнүн жанында катер сууда сүзүп жүргөн аялды сүзүп, башын жана колун үзүп кеткен. Кылмышка шектүү эки айга камалды.

Көз жумган аялдын уулунун айтымында, ал апасынын сөөгүн башы жок эле жерге берген. Анткени суучулдар сөөктүн айрым бөлүктөрүн таппай коюшкан.

"Апамдын курбусу сууга түшкүсү келбей, белинен эле кириптир. Апам болсо алысыраак жакка сүзүп кетиптир. Бир убакта фарасы күйбөгөн катер пайда болгонун айтты. Курбусу апамды жээке чакырыш үчүн кыйкырып, колун булгаптыр. Бирок ага жетпей катер бир нерсени сүзгөн үн угулган. Апамдын сөөгүнүн бөлүктөрүн суудан капка чогултуп алып чыгышты. Катер дароо кетип калган экен", — деди уулу.

Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон. Ага оор кылмышты жашырып койгон деген айып тагылган. Бирок маркумдун тууганы билдиргендей, ал кыз Лондонго кетиш үчүн виза ачтыруу аракетин көрүүдө.

Оор эмес кылмыш жасаган кыргызстандыктар кандай түзөтүлөт. Видео

Облустук маслихаттын депутаты Валерий Крылов ЖМКларга уулу кармалганын айтып, бирок анын күнөөсү жок деп эсептей турганын билдирген.

"Жээкте кайыктар көп болчу. Бардыгы экспертиза кылынып, тергөө жүрүп жатат. Тергөөчүлөр күнөөнү балама артып жатышат, бирок эч кандай далил жок. Бул иш аягына чыгат деп үмүттөнөм, ошондо гана баары ачыкталат. Менин уулум күнөөлүү эмес", — деди Крылов.

Депутаттын айтымында, шектүү 48 саатка камалган. Ал эксперттердин уулунун катеринен кан табышты деген маалыматты төгүндөдү.

1237
Белгилер:
Суу, кылмыш, аял, катер, кырсык, Казакстан
Тема боюнча
Казакстандын саламаттык сактоо министринин орун басарынын эмнеге кармалганы айтылды
Кыз Түштүк Кореянын желегин жанында. Архив

Түштүк Кореяда депутат кыз кыска кийингени үчүн талоондо калды. Сүрөт

451
(жаңыланган 11:47 09.08.2020)
Сынга карабай жаш депутат парламенттеги салттуу кийинүү эрежесин өзгөртүүнү каалаган аракетин улантарын айткан.

БИШКЕК, 9-авг. — Sputnik. Корея Республикасынын Улуттук жыйынынын (парламент) жаш депутаты Рю Хочжон отурумга кыска көйнөк кийип келгени үчүн коомчулуктун сынына кабылды. Бул тууралуу Yonhap басылмасы жазды.

28 жаштагы Рю Хочжон айым парламенттеги эң жаш эл өкүлү. Анын парламентке кыска көйнөкчөн келгени мыйзам чыгаруучулар кандай кийиниши керектиги тууралуу талашка жем таштаган.

​Facebook колдонуучулардын бири: "Депутат айым катышуучулардан алкоголдук суусундуктун акысын алуу үчүн келгендерге окшошуп калыптыр", - деп жазган. Көпчүлүк колдонуучулар кыздын кыска көйнөгүн жактырышкан эмес.

Депутатты парламентке алып келген саясий партия окуя боюнча үн катып, атайын билдирүү тараткан. Анда сын аялдарга карата басмырлоо (дискриминация) болуп саналары айтылган.

Жаш депутат Бешимбаева: менин ордумда эркек болсо, мамиле башкача болмоктур

Рю Хочжон өзүнүн бул кадамын парламенттеги салттуу кийинүү эрежесин өзгөртүү ниетинде жасаганы менен түшүндүрүп, өзгөчөлөнгөн кийинүү аракетин улантарын билдирген.

451
Белгилер:
сын, парламент, Түштүк Корея
Тема боюнча
Түштүк Корея Кыргызстанга COVID менен күрөшүүдө финансылык жардам берет
Тоодогу альпинист. Архив

Ленин чокусу СССРден берки таштандыдан арылып жатат. Сүрөт

0
(жаңыланган 10:43 10.08.2020)
Тоонун бийиктигин эске алуу менен таштандыдан тазалоо иши бир гана кесипкөй альпинисттердин катышуусунда ишке ашып жатканы белгиленди.

БИШКЕК, 10-авг. — Sputnik. Учурда Ленин чокусун таштандыдан арылтуу боюнча акция жүрүп жатат. 8-августта башталган иш 25-августта жыйынтыктала турганын Маданият, маалымат жана туризм министрлиги кабарлады.

Билдирмеде 2018-2019-жылдары КРдин альпинисттик клубу жана Нэпиер Эдинбург университети (UK) изилдөө жүргүзүп, Ленин чокусунда экологиялык кырдаал оор деп бааланганы айтылат.

"Альпинисттик туризмдин натыйжасында Ленин чокусунда совет мезгилинен бери абдан көп таштанды чогулган. Тоо бийик болгондуктан (3600-6300 метр) аны тазалоо бир гана кесипкөй альпинисттердин катышуусунда ишке ашып жатат", — деп айтылат маалыматта.

Акция Маданият, маалымат жана туризм министрлигине караштуу Туризм департаменти тарабынан демилгеленип, Швейцария өкмөтүнүн, Евросоюз, Хельветас Кыргызстан, "Ага Хан" фонду жана ПРООНдун финансылык колдоосу менен өтүүдө.

Үч өлкөнүн аскердик альпинисттери Ленин чокусун багындырышты. Сүрөт

Донорлор тарабынан иш-чарага 17 620 АКШ доллары бөлүнгөн. Бул каражат альпинист-гиддерди тамактандырууга, жатаканасына жана алардын кызмат акысын төлөөгө, чогултулган таштандыны Ленин чокусунан Дароот-Коргон айылындагы таштанды полигонуна чыгарууга, ошондой эле бет кап, кол кап жана башка керектүү жабдыктарга жумшалат.

Ленин чокусу Кыргызстан менен Тажикстандын арасындагы Чоң Алай кырка тоосунун борбордук бөлүгүндө жайгашкан. Бийиктиги 7 134 метрди түзөт. Бул чоку 1934-жылы багындырылган.

0
Белгилер:
тазалоо, таштанды, тоо, Ленин чокусу, Маданият, маалымат жана туризм министрлиги, Кыргызстан
Тема боюнча
Кыргызстандагы эң бийик жети чоку