Кары аял. Архивдик сүрөт

Кытай окумуштуулары узак жашоонун сырын ачышты

2156
(жаңыланган 15:02 03.10.2019)
Зат алмашууну жакшыртуу жана клеткалардын жаңылануусун шарттоо үчүн экзотикалык архат жемишин жеш керек. Көп жылдык бул өсүмдүк Түштүк Кытай менен Түндүк Таиландда өсөт.

БИШКЕК, 2-окт. — Sputnik. Кытай окумуштуулары картаюуну жайлата турчу жемишти атады. Бул тууралуу "Известия" басылмасы жазды. 

Зат алмашууну жакшыртып, клеткалардын жаңыланып турушу үчүн экзотикалык архат жемишин жеш керек. Көп жылдык бул өсүмдүк Түштүк Кытай менен Түндүк Таиландда өсөт. Анын мөмөсү организмди жашартуудан тышкары жөтөлдү жана баш ооруну тып эле басат.

Окумуштуулардын аныктамасы боюнча, авокадо, кокос, балык, брокколи жана жаңгак дагы өмүрдү узартат.

2156
Белгилер:
медицина, ден соолук, Окумуштуулар, Кытай
Тема боюнча
Көп жашоо үчүн канча убакыт эс алуу керек. Окумуштуулардын изилдөөсү
Кыргызстана жана Японии желектери. Архив

Япония Кыргызстанга 4,6 млн. долларлык медициналык жабдуу берет

25
(жаңыланган 11:00 15.07.2020)
Коронавируска байланышкан абалды эске алуу менен Япония өкмөтү жардамды медициналык жабдуу иретинде берүүнү чечкен.

БИШКЕК, 15-июл. — Sputnik. Япония Кыргызстанга жалпы наркы 500 миллион йенге (болжол менен 4,6 миллион доллар) барабар болгон медициналык жабдуу берет. Бул тууралуу аталган өлкөнүн Кыргызстандагы элчилиги билдирген.

Дипломатиялык өкүлчүлүктүн маалыматына ылайык, кайтарымсыз жардам тууралуу документке элчи Маэда Сигэки жана Кыргызстандын финансы министри Бактыгүл Жээнбаева кол койгон.

Россия гумжардам катары Кыргызстанга 100 миңден ашык тест-система берди

Коронавируска байланышкан абалды эске алуу менен Япония өкмөтү жардамды медициналык жабдуу иретинде берүүнү чечкен.

Анын катарында КТ-аппараты жана магниттик-резонанстык томография (МРТ) аппараттары бар. Бул жабдуулар коронавирус менен ооругандарды дарылоодо негизги жүктү көтөрүп жаткан медициналык мекемелерге бөлүштүрүлөт.

25
Белгилер:
элчи, Медициналык жабдуу, жардам, Япония, коронавирус
Тема:
Коронавируска байланыштуу Кыргызстандагы кырдаал
Тема боюнча
Япония: адамдын оорусунун өрчүп кетер-кетпесин аныктаган ыкма табылды
Лифт колдонгон киши. Архивдик сүрөт

Кытай: аял 70тен ашуун кишиге коронавирус жуктурган. Чоо-жайы

407
(жаңыланган 09:05 14.07.2020)
Коронавирус менен жабыркагандардын чөйрөсүн таап чыгыш үчүн адистер эпидемиологиялык иликтөө жүргүзгөн.

БИШКЕК, 14-июл. — Sputnik. Кытайдын жашоочусу лифтти колдонгону үчүн 70тен ашуун адамга коронавирус жуктурган. Бул туурасында Daily Star басылмасы жазды. 

Алар маалыматты Оорулардын алдын алуу жана көзөмөлдөө боюнча америкалык борбордон алган.

Окуя Кытайдын Хэйлунцзян провинциясында болгон. Эпидемия басаңдап калды деген маалда адистер оорунун капыстан эле кайрадан чыгып кеткенин изилдей баштаган. Инфекцияны ким таратканын табуу милдети турган.

Кытайдын алдыңкы эпидемиологу COVID пандемиясы качан бүтөрүн божомолдоду

2-апрелде коронавирустан улам инсультка кабылган кишини ооруканага алып келишкен. Ал тесттин жыйынтыгын күтүп отуруп, палатадагы 20 кишиге, ага чейин үч баласына жуктурган. Алар дагы 28 кишинин ооруп калышына себепкер болушкан. Булардын арасына медициналык жайдын беш кызматкери да кошулуп калган.

Ал арада ооруканага дал ошондой диагноз менен дагы бир эркек кишини алып келишкен. Дарыгерлер ким менен байланышта болгондугун тактап, аларды текшере келгенде баарынан COVID чыккан. Мындан сырткары, ооруп калган кишилердин кошуна экени анык болгон.

Бул жагдайдан кийин адистер көп кабаттуу үйдүн жашоочуларынан кайсы жерде ооругандар жашарын сурап чыгууну чечкен. Көп өтпөй алардын арасында жакында эле АКШдан келген аял жашары аныкталган. Андан сурай келгенде COVID-19дун эч кандай симптомдору болгон эмес, ал инфекцияны алып жүргөн адам болуп калгандыгынан шек санаган да эмес. А бирок текшергенде анализи вирустун бар экендигин тастыктаган.

АКШнын башкы инфекционисти COVID пандемиясынын күчөй турганын болжоду

Адистер ооруп калган ар бир кишинин кайда барганын, кайда турганын кылдат изилдеп баштаган. Акырында АКШдан келген аялдын 71 кишини коронавирус менен ооруканага "жөнөткөнү" белгилүү болгон. Анткен менен ал бир дагы кошунасына жолуккан да, сүйлөшкөн да эмес. Баарын иликтеп, тактап чыккан эпидемиологдор вирус үйдө орнотулган лифтке түшкөндө жашоочуларга жуккан деген бүтүмгө келген.

407
Белгилер:
дарыгер, адистер, оору, аял, лифт, коронавирус, АКШ, Кытай
Тема:
Дүйнөгө жайылган коронавирус
Тема боюнча
Коронавирус тараткан! Бийликтин миңдеген жарганатты өрттөгөн видеосу
Россия коронавируска каршы дагы бир дары чыгарды. Мүнөздөмөсү
Ооруканадагы дарыгерлер бейтапты текшерип жатышат. Архив

Бир суткада 954 адам пневмонияга кабылган. Ооругандардын саны 9 204кө жетти

0
(жаңыланган 11:45 15.07.2020)
Буга чейин премьер-министр Кубатбек Боронов адистердин айтымына таянып, пневмония коронавирустун өтүшүп кеткен формасы экенин маалымдаган.

БИШКЕК, 15-июл. — Sputnik. Бир суткада Кыргызстанда 954 кишиден пневмония табылды. Бул тууралуу Коомдук саламаттык сактоо башкармалыгынын башчысы Айнура Акматова брифингде маалымдады.

Ал белгилегендей, өлкөдө пневмония оорусу менен жалпы 9 204 учур катталган. Кыргызстанда бир суткада 493 кишинин бул илдеттен айыкканы айтылды. Ошону менен Кыргызстанда 3 660 киши пневмонияны жеңген.

Кыргызстанда бир суткада пневмониядан 493 адам айыкты

Тилекке каршы, март айынан бери аталган дарт 571 адамдын өмүрүн алды. Буга чейин премьер-министр Кубатбек Боронов адистердин айтымына таянып, пневмония коронавирустун өтүшүп кеткен формасы экенин айткан.

0
Белгилер:
бейтап, статистика, оору, пневмония, Кыргызстан
Тема:
Кыргызстандыктарды кыйнаган пневмония
Тема боюнча
Кыргызстанда дагы 439 адам COVID жуктуруп алды