Нур-Султандын бир бөлүгүндө эки суткадан бери жарык жок. Токаев үн катты

© Sputnik / Владислав Воднев / Медиабанкка өтүүВыступление президента Казахстана К.-Ж. Токаева на открытии сессии парламента
Выступление президента Казахстана К.-Ж. Токаева на открытии сессии парламента - Sputnik Кыргызстан
Жазылуу
Касым-Жомарт Токаев өкмөткө атайын комиссия түзүп мындай абалдын келип чыгышына себепчи болгон тараптарды аныктоону тапшырды.

БИШКЕК, 11-ноя. — Sputnik. Казакстандын президенти Касым-Жомарт Токаев Нур-Султандын бир бөлүгүн жарыксыз калтырган көмөкчү чордондогу авариянын чыгышына себепчи болгондорду аныктоону тапшырды. Бул тууралуу Sputnik Казакстан президенттин маалымат катчысы Берик Уалиге таянуу менен жазды. 

Ага ылайык, окуяны териштирүү укук коргоо органдарына берилиши ыктымал.

"Президент мындай көрүнүшкө кийин дагы жол бербөө үчүн өкмөт менен Нур-Султандын акимиатына зарыл болгон чараларды көрүүнү тапшырды", — деди Берик Уали.

Город Нур-Султан - Sputnik Кыргызстан
Нур-Султан шаарында 15 сааттан бери жарык жок. Суу менен жылуулук да өчтү
10-ноябрь күнү түнкү саат экиде "Левобережная" көмөк чордонунда кабель күйүп кеткен. Анын кесепетинен жети турак жай комплекси менен 25 административдик имарат жарыксыз калган. Алардын ичинде Акорда, өкмөттүн имараты, Жогорку сот, сенат, мажилис, министрлер үйү да бар.

Бүгүн, 11-ноябрда, жергиликтүү бийлик көмөк чордондор калыбына келтирилгенин маалымдады. Анткен менен жарык бардык жерге толук бериле элек.

Виджет news
Жаңылыктар түрмөгү
0