Алматыда учагы кыйраган Bek Air авиакомпаниясынын башчысы Нурлан Жумасултанов. Архивдик сүрөт

Учагы кулаган Bek Air компаниясынын башчысы: пилотторго тийбей, мени камагыла! Видео

9080
(жаңыланган 19:51 05.01.2020)
27-декабрь күнү Bek Air авиакомпаниясына таандык учак 95 жүргүнчү, экипаждын беш мүчөсү менен баратып кулаган.

БИШКЕК, 5-янв. — Sputnik. Алматыда учагы кыйраган Bek Air авиакомпаниясынын башчысы Нурлан Жумасултанов эгер учкучтарга күнөө коюлса алардын ордуна жазаланууга даяр экенин билдирди. Бул тууралуу Sputnik Казакстан агенттиги жазды. 

Анын айтымында, пилот самолётту эч кынтыксыз башкарып бара жаткан.

"Эгер компания күнөөлүү деп аныкталса, мен өз балдарымды салып бербейм. Алардын ордуна отуруп чыгам, бирок кол алдымдагылардын бири да түрмөгө киргизилбеши керек. Каза тапкан учкучтун абийирин жерге калтырбайбыз, мен анын кандай башкарганын көрүп турам. Эгер Bek Air компаниясынан бирөөгө чара көрүлүшү керек болсо, мен даярмын. Өз эрким менен түрмөгө отурам, бирок башкаларга тийбегиле", — деди Жумасултанов.

Жумасултанов "За нами уже выехали" YouTube каналынын автору Дмитрий Дубовицкийге интервью берген.

Эске салсак, 27-декабрда Алматы аэропортунан саат 7:05те абага көтөрүлгөн учак кийин кулап түшкөн. Каргашанын кесепетинен 12 адам каза болгон, анын ичинде экипаждын командири бар. Ал эми 49 адам жаракат алып ооруканага жеткирилген.

Кулаган учак Bek Air авиакомпаниясына таандык болгон. Борт ичинде 95 жүргүнчү, экипаждын беш мүчөсү бара жаткан.

9080
Белгилер:
авиакырсык, учак, Алматы
Тема:
Алматыда жүргүнчүлөрдү ташып бараткан учак кулады (26)
Тема боюнча
Алматы: учактын жерге кулаган учуру видеого түшүп калган
Ката кетирбейт эле... Алматыда кыйраган лайнердин учкучу кандай адам болгон
Россиянын Башкыртстан республикасында жана Оренбург облусунда кармалып турган кыргызстандыктар

Казакстан Россиядагы кыргызстандыктарга "жашыл коридор" ачууга макул болду

204
(жаңыланган 16:37 23.09.2020)
ТИМден билдиришкендей, коридор мурдагыдай эле бир гана жолу өтүп кетүү үчүн ачылат дагы, Россия-Казакстан чек арасы мурдагыдай эле жабык турат.

БИШКЕК, 23-сен. — Sputnik. Казакстан Россиянын Башкыртстан республикасында жана Оренбург облусунда кармалып турган кыргызстандыктарды автобус менен алып өтүү үчүн дагы бир ирет "жашыл коридор" ачып бермей болду. Бул тууралуу КРдин Тышкы иштер министрлигинен билдиришти.

Маалыматка караганда, ушул тапта Кыргызстандын Россиядагы элчилигинин кызматкерлери Башкыртстандагы кыргыз жарандарын Соль-Илецк шаарына жеткирүү менен алектенүүдө. Алар чек арадан өткөн соң автобустарга отургузулуп, мекени тарапты көздөй жол тартат.

"Чогулган элдин саны өтө көп болгондуктан, кыргыз-казак чек арасын өтүү жана Кыргызстанды көздөй жөнөтүү процесси 24-25-сентябрь күндөрү эки этап менен өтөт", — деп айтылат билдирүүдө.

ТИМден билдиришкендей, коридор бир гана жолу өтүп кетүү үчүн ачылат, Россия-Казакстан чек арасы мурдагыдай эле жабык турат.

22 миң рубль. Москва — Бишкек каттамына авиабилеттердин октябрдагы баасы айтылды

Эске салсак, буга чейин Россия менен Казакстандын чек араларына жакын аймакта 3 200дөн ашык кыргызстандык мекенине кетүү үчүн чогулуп турганы кабарланган.

204
Белгилер:
автобус, пандемия, карантин, чек ара, Россия, Казакстан, Кыргызстан
Тема боюнча
Россияда мекендештерди чек арадан өткөрөм деп алдап кеткен шылуун изделүүдө
Лаборатория кызматкерлери. Архив

Казакстан коронавируска каршы вакцина чыгарып, ДССУда талапкер болуп катталды

131
(жаңыланган 21:13 22.09.2020)
Азыркы тапта Дүйнөлүк саламаттык сактоо уюмунун тизмесине Казакстандын COVID-19га каршы төрт вакцинасы катталганы айтылат.

БИШКЕК, 22-сен. — Sputnik. Казакстан коронавируска каршы колдонулуучу вакцина иштеп чыгып, Дүйнөлүк саламаттык сактоо уюмуна талапкер катары каттады. Бул тууралуу Sputnik Казакстан агенттиги билдирди.

Аталган препарат ийнесиз колдонулуп, мурунга чачыла турганы белгиленет.

Иштеп чыгуу процессине катышып жаткан казакстандык профессор Кайсар Табынов учурда вакцина жаныбарларга сыналып жатканын билдирген.

Россия Кыргызстанга коронавируска каршы вакцина жөнөтүүнү көздөп жатат

Азыркы тапта Дүйнөлүк саламаттык сактоо уюмунун тизмесине Казакстандын COVID-19га каршы төрт вакцинасы катталганы айтылат. Анын ичинен үчөө клиникага чейинки сыноо стадиясында турса, бирөө ыктыярчыларга сынала баштаган.

131
Белгилер:
Дүйнөлүк саламаттыкты сактоо уюму, Казакстан, вакцина
Тема:
Дүйнөгө жайылган коронавирус
Тема боюнча
Кыргызстанда COVID-19га каршы вакцинаны биринчи кимдер алат
ДССУ COVID-19га каршы чыгарылып жаткан вакциналардын санын айтты
Бир рубль монетасы жана долларлык монета жана купюрасы. Архив

Россияда доллардын баасы кескин кымбаттап кетти

0
(жаңыланган 00:14 24.09.2020)
Доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

БИШКЕК, 23-сен. — Sputnik. Россияда апрель айынан бери биринчи жолу доллар 77 рублге чыгып, кескин кымбаттады. Бул тууралуу РИА Новости жазды.

Москва биржасынын маалыматына караганда, бир доллар Бишкек убактысы боюнча саат 20:24тө 77,07 рублди түздү (96 тыйынга кымбаттады). Ал эми евро 80 тыйынга кымбаттап, 89,93 рубль болду.

Белгилей кетсек, доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

0
Белгилер:
баа, доллар, Россия
Тема боюнча
Россияда евронун баасы рекорддук көрсөткүчкө жетти. Кыргызстанда абал кандай?