Аялдын силуэти. Архивдик сүрөт

Казакстанда үйдөгү зомбулук үчүн айып салуудан башка жаза каралмай болду

116
(жаңыланган 19:00 06.01.2020)
Айыпга жыгуу чарасы натыйжасыз деп табылган. Эми зордук-зомбулукка баргандарга катаал жаза колдонулмакчы.

БИШКЕК, 6-янв. — Sputnik. Казакстанда үй-бүлөлүк зордук-зомбулукка каршы жаза катаалдады. Эми былтыркы жылдын  соңунда кол коюлган мыйзамга ылайык, мындай кадамга баргандар камакка алынат. Бул тууралуу Sputnik Казакстан жазды. 

Өлкөнүн күч органдары айып пул салуунун натыйжасы аз экенин белгилешкен. Анткени үйгө тынчтык бербеген адам айыпты үй-бүлөлүк бюджеттен төлөп, мындан анын жакындары жабыркаган.

Эми мыйзамга киргизилген өзгөртүүлөргө ылайык, жабырлануучунун денесине жеңил залака келтирген адам эскертүү алат же 15 суткага камакка алынмакчы.

Кол көтөрүп, бирок андан жабырлануучунун саламаттыгына катуу доо кетпесе, айыпкер эскертүү алып же 10 суткага камалат. Ал эми мындай жосундар кайталана турган болсо эскертүү берилбей, 20 суткага камакка алынары айтылды.

Мындан тышкары, эми Казакстанда чыр чыгарып, элдин тынчын алгандар үч эмес, беш суткага чейин камакта болот.

Айыпкердин жазадан кутулуу да жолу бар, мында ал жабыркаган тарап менен сүйлөшүп, макулдашып, чыгымын төлөп бериши керек.

116
Белгилер:
зордук-зомбулук, чара, жаза, айып пул, Казакстан
Тема боюнча
Бир жылда үйдөгү зордук-зомбулуктан жабыркаган 8730 адам жардам сурады
Уюлдук станциянын мачтасы. Архив

Быйыл Нур-Султан шаарында 5G интернет ишке кирет

103
(жаңыланган 11:22 07.03.2021)
Өкмөт ал үчүн жаңы мыйзам долбоорун иштеп чыгат. Анын негизинде жыштыктар сынак же аукцион аркылуу бөлүштүрүлөт.

БИШКЕК, 7-мар. — Sputnik. Быйыл Нур-Султан шаарында 5G интернет түйүнү ишке кирет. Бул тууралуу Sputnik Казакстан агенттиги премьер-министрдин расмий сайтына шилтеме кылып жазып чыкты.

Санариптик өнүгүү, инновация жана аэрокосмикалык өнөр жай министринин орун басары Асхат Оразбектин айтымында, бешинчи муундагы түйүнгө өтүүгө өлкө аймагындагы байланыш операторлору даяр.

"2022-жылдын аягына чейин 5G түйүнүн республикалык маанидеги башка шаарларга да киргизүүнү пландап жатабыз. Ал эми 2025-жылга чейин бардык облус борборлору камтылат. Биз тараптан мыйзам долбоору ишке кирет. Анын негизинде жыштыктар сынак же аукцион аркылуу бөлүштүрүлөт. Мунун аркасында байланыш операторлору атаандаштыктын негизинде жыштыктарды алып колдоно баштайт", — деди вице-министр.

Ошондой эле ал жеке тараптар жыштыкты сатып алып эки жылга чейин колдонбосо, мамлекет аны тартып ала тургандай ченемдер киргизиле тургандыгын кошумчалады.

103
Белгилер:
5G, өкмөт, интернет, Казакстан
Тема боюнча
Исмаилов: 5G түйүнүн киргизүүдө коомчулукка түшүндүрүү иштери жүргүзүлөт
Эксперт интернет уурдалып жатканын кантип билсе болорун айтты
Президент Садыр Жапаров. Архивдик сүрөт

Садыр Жапаров 11-12-мартта Өзбекстанга барат

160
(жаңыланган 13:06 06.03.2021)
Жапаровдун үчүнчү сапарынын статусу жана делегация өкүлдөрүнүн түзүмү азырынча белгисиз. Буга чейин президент Өзбекстандын тышкы иштер министрин кабыл алган.

БИШКЕК, 6-мар. — Sputnik. Мамлекет башчы Садыр Жапаров 11-12-март күндөрү Өзбекстанга барат. Бул тууралуу Sputnik Кыргызстан агенттигине президенттин маалымат катчысы Галина Байтерек билдирди.

Сапардын статусу жана аны кимдер коштоп барары азырынча белгисиз. 

Бул Жапаровдун чет мамлекетке үчүнчү сапары болмокчу. Буга чейин ал Россия менен Казакстанга барган. 27-февралда мамлекет башчы Өзбекстандын тышкы иштер министрин кабыл алган.

160
Белгилер:
президент, сапар, Өзбекстан, Садыр Жапаров
Тема боюнча
Жапаровдун Казакстанга болгон сапарынын биринчи күнү кандай өттү. Видео
Жеңил атлетчилер марафон учурунда. Архив

Кыргызстандык жеңил атлетчилер Беларуста бир нече медаль алышты

0
(жаңыланган 00:16 08.03.2021)
Аталган спорттук иш-чарада кыргызстандык спортчулар баш-аягы эки алтын, бир күмүш жана үч коло медаль алышты.

БИШКЕК, 8-мар. — Sputnik. Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды. Бул тууралуу КРдин Жеңил атлетика федерациясынан билдиришти.

Кыргызстанские легкоатлеты во время соревнований в Беларуси
© Фото / пресс-служба федерации легкая атлетика КР
Кыргызстандык жөө күлүктөр Беларустагы эл аралык турнирде эки алтын, бир күмүш, үч коло медаль тагынды

Маалыматка ылайык, Минск шаарындагы мелдеште узундукка секирүү боюнча Светлана Майер биринчи орунга жетип алтын медалга татыган. Анастасия Бондаренко 200 жана 60 метрге чуркап коло менен күмүш медаль алса, ал эми Артем Слесаренко 60 метрге чуркап коло медалга ээ болгон.

Дагы бир жөө күлүк Калыс Таштанов 1500 метр аралыкта марага биринчи жетип алтын, 800 метр аралыкта үчүнчү келип коло медалды байге куржунуна салган.

Аталган спорттук иш-чарада кыргызстандык спортчулар жалпы эки алтын, бир күмүш жана үч коло медаль алышты. 

0
Белгилер:
медаль, мелдеш, жеңил атлетика, Беларусь
Тема боюнча
Надыров: Ысык-Көл марафонунун байге фонду 1 млн. 44 миң сомду түзөт
ШКУнун эл аралык марафону 15-майда Чолпон-Ата шаарында старт алат