Гульнара Каримова. Архивное фото

Прокуратура Гүлнара Каримованын дагы бир ишин сотко өткөрүп берди

173
Өзбекстандын тунгуч президентинин кызы акча опузалоо, бюджеттик каражатты уурдоо жана башка кылмыштарга айыпталууда.

БИШКЕК, 6-янв. — Sputnik. Өзбекстандын Башкы прокуратурасы Гүлнара Каримова жана анын тегерегиндеги адамдардын кылмыш иши тергелип бүткөнүн билдирди.

Маалыматта прокуратуранын айып коюу менен чыгарган корутундусу сотко жиберилгени айтылат.

Өзбекстандын тунгуч президенти Ислам Каримовдун кызы Гүлнара Каримова акча опузалаган, бюджеттик каражатты уурдаган жана кылмыш жолу менен табылган чет өлкөдөгү кирешелерин адалдаган деп күнөөлөнүүдө.

Эске салсак, Каримова 2015-жылы "Опузалоо" жана "Салык төлөөдөн баш тартуу" беренелери менен камалып, 2017-жылы 10 жылга эркинен ажыратылган. Кийинчерээк ага карата дагы башка кылмыш иштери козголуп прокуратура тергеп жаткан. Соңку ирет тагылган айыпта Каримованын мамлекетке 165 миллион доллар чыгым келтиргени айтылган.

173
Белгилер:
прокуратура, тергөө, сот, Гүлнара Каримова, опузалоо, акча, Өзбекстан
Тема боюнча
Гүлнара Каримованын Өзбекстанга чынында канча акча кайтарганы айтылды
Каримованын кызы энесинин байлыктары Өзбекстанга кайтарылганын билдирди
Казакстан коронавируска каршы QazVac вакцинасы. Архив

Казак өкмөтү: Кыргызстанга вакцина берүү пландалган эмес

107
(жаңыланган 10:15 24.06.2021)
Казакстан учурда айына QazVac вакцинасын 100 миң дозадан гана даярдап жатат. Бул көлөмдү август айынын соңунда гана көбөйтүү каралган.

БИШКЕК, 24-июн. — Sputnik. Казакстан жакынкы айларда эч бир өлкөгө коронавируска каршы QazVac вакцинасын бербейт. Бул тууралуу өлкө вице-премьери Ералы Тугжанов билдиргенин Sputnik Казакстан агенттиги жазды.

Эске салсак, Кыргызстандын саламаттык сактоо министри Алымкадыр Бейшеналиев ушул жуманын ичинде өлкөгө казакстандык QazVac вакцинасы алып келинерин айткан. Болгондо дагы жума же ишемби күнү вакцинанын 50 миң дозасы гумжардам катары келерин баса белгилеген.

"Биринчи кезекте Казакстан вакцина менен өз жарандарын камсыздоосу керек. Андыктан август айынын аягына чейин кайсы бир өлкөгө QazVac вакцинасын жөнөтүү боюнча сөз дагы болбойт. Сентябрь айында гана вакцинанын 1 миллионго жакын дозасын даярдап бүтөбүз. Ошондо башка өлкөлөргө берүү маселесин карашыбыз мүмкүн", — деди Тугжанов.

Ал эми коңшу өлкөнүн саламаттык сактоо министри Алексей Цой балким мындай өтүнүч менен Кыргызстан Казакстанга кайрылса керек деп божомолдоду.

"Албетте, кызыкдар өлкөлөр бар. Биз өтүнүч, сунуштардын бардыгын карап чыгабыз. Бирок жакынкы айларда эч кимисине вакцина бере албайбыз", — деди Цой.

QazVac (QazCovid-in) — Казакстанда чыгарылган коронавируска каршы препарат. Алгач 75 миң доза өндүрүлүп, апрель айынан баштап жергиликтүү эл эмделе баштаган. Клиникалык сыноонун акыркы, үчүнчү фазасы 2020-жылдын декабрь айында өткөрүлгөн.

107
Белгилер:
төгүндөө, Алымкадыр Бейшеналиев, Кыргызстан, коронавирус, QazVac вакцинасы, Казакстан
Тема:
Коронавируска каршы эмдөө
Тема боюнча
Аптап коронавирустун жаңы штаммына кандай таасир этери айтылды
ДССУ балдарды эмдөө боюнча көз карашын өзгөрттү
Афган күчтөрү Кундуз провинциясындагы согуш талаасында

ЖМК: талибдер Тажикстан менен чектешкен аймакты басып алды

232
(жаңыланган 16:21 23.06.2021)
Афганистан бийлигинин 134 жоокери куралдуу кагылышка туруштук бере албай калгандыктан Тажикстандын аймагына кире качууга аргасыз болушкан.

БИШКЕК, 23-июн. — Sputnik. "Талибан"* согушкерлеринин кыймылы Афганистандын түндүгүндөгү маанилүү аймактардын катарына кирген Кундуз провинциясын көзөмөлдөп, анын борборун курчоого алды. Бул тууралуу Аль-Жазира телеканалы жергиликтүү бийлик органдарына шилтеме берип кабарлады.

ЖМКнын маалыматына караганда, бул провинция үчүн согуштук аракеттер жекшемби күнү башталып, дүйшөмбүдө талибдер райборборду басып алышкан. Кийинчерээк алар Кундуз провинциясындагы Афганистан менен Тажикстандын ортосундагы башкы чек ара өткөрмөсүн ээлеп алышкан.

"Тилекке каршы, бүгүн эртең менен талибдер Шир-Хан портун, шаарды жана Тажикстан менен чектешкен жердеги бардык постторду басып алышты", — деди провинция кеңешинин мүчөсү Халиддин Хакми.

Бул маалыматты талибдердин өкүлү Забиулла Муджахид дагы тастыктады. Анын айтымына караганда, учурда талибдер Шерхан-Бандар менен Кундуздагы чек ара өткөрмөлөрдүн бардыгын көзөмөлдөп жатат.

Ал эми Тажикстандын УКМКсынын Чек ара кызматы 22-июнь күнү Афганистан Ислам Республикасынын 134 жоокери куралдуу кагылышка туруштук бере албай "Пяндж" чек ара отрядынын төртүнчү заставасы аркылуу Тажикстандын аймагына киргенин кабарлады. Тажик чек арачылары афган жоокерлерин тоскоолдуксуз өткөргөн.

"Тажикстан менен Афганистандын чек ара линиясындагы абал чыңалып турат. Акыркы 10 күн аралыгында Афганистандын Тажикстан менен чектешкен жерлеринде өкмөттүк жана "Талибан" кыймылынын күчтөрү кагылышты", — дешти Тажикстандын УКМКсынан.

Акыркы маалыматтар боюнча, афган жоокерлеринин төртөө жарадар болуп, бирөө каза тапкан. Ал эми Шерхан-Бандарда талибдер тарабынан өлтүрүлүп жана туткунга алынгандардын саны жүздөп саналат.

* Кыргызстанда, Россияда жана башка бир катар мамлекеттерде ишмердүүлүгүнө тыюу салынган экстремисттик уюм

232
Белгилер:
чек ара, Тажикстан, согуш, Талибан, Афганистан
Тема боюнча
АКШ Кабулду Түркияга табыштады... Талибдер кандай кабылдайт?
Кыргыз-тажик чек арасындагы жаңжал. Чыгымдын так суммасы жарыяланды
Шайлоо жана референдумдарды өткөрүү боюнча борбордук комиссиянын мүчөсү Кайрат Осмоналиев. Архив

БШК мүчөсү Кайрат Осмоналиев Азербайжанга элчи болуп бекиди

0
(жаңыланган 17:46 24.06.2021)
Буга чейин ЖК комитети Осмоналиевдин талапкерлигин жактырган болчу. Президент аны дипломатиялык кызматка өз жарлыгы менен бекитти.

ИШКЕК, 24-июн. — Sputnik. Шайлоо жана референдумдарды өткөрүү боюнча борбордук комиссиянын мүчөсү Кайрат Осмоналиев Кыргызстандын Азербайжандагы элчиси болду. Бул тууралуу президенттин маалымат кызматы кабарлады.

Тиешелүү жарлыкка президент Садыр Жапаров кол койгон.

Буга чейин Жогорку Кеңештин Эл аралык иштер, коргоо жана коопсуздук боюнча комитети Осмоналиевди кызматка дайындоону жактырган.

Осмоналиев 2016-жылдан бери БШКнын мүчөсү болуп келген. Ал Кыргыз улуттук университетинин ардактуу илимий доктору, профессор, дасыккан юрист.

0
Белгилер:
юрист, элчи, Кайрат Осмоналиев, БШК, Азербайжан, Кыргызстан
Тема боюнча
Садык Шер-Нияз Францияга элчи болуп дайындалды