Казакстандын президенти Касым-Жомарт Токаев. Архив

Токаев Кыргызстанга жакын казак айылындагы массалык мушташ боюнча үн катты

14285
(жаңыланган 10:35 08.02.2020)
Коңшу өлкөнүн башчысы өзүнүн Twitter баракчасына ал жактагы абал жөнүндө жазып, чагымчылдар кырдаалды курчутууга аракет кылганын айтты.

БИШКЕК, 8-фев. — Sputnik. Казакстандын президенти Касым-Жомарт Токаев Кыргызстандын чек арасына жакын Масанчи айылында болгон башаламандык боюнча билдирүү таратты. Бул тууралуу Sputnik Казакстан агенттиги жазып чыкты.

Токаев өзүнүн Twitter баракчасына ал жактагы абал жөнүндө жазып, чагымчылдар учурдан пайдаланып, кырдаалды курчутууга аракет кылганын айтты.

"Топтошкон адамдар бейбаштык кылып мушташкан. Ошол абалды чагымчылдар колдонууга аракет кылышты. Полиция абалды турукташтырып, аны көзөмөлгө алды", — деп жазды Токаев.

Ал ошондой эле коомдук тартипти бузган тараптар жоопкерчиликке тартыла тургандыгын кошумчалады.

Кечээ күнү, 7-февралда, Казакстандын Жамбыл облусундагы Масанчи айылында жергиликтүү тургундар ортосунда массалык мушташ болгон. Жергиликтүү укук коргоо кызматкерлери ал окуяга тиешеси бар адамдарды аныктоо иштерин жүргүзгөн.

Ошол эле күнү Жамбыл облусунун Сортөбе айылында эки жаран автоунаасы менен полициядан качып барып өз үйүнүн алдынан колго түшкөн. Алар погончондорго баш ийбей, окуя болгон жерге алардын жакындары чогулуп тартип сакчыларына кол көтөрүп, кызматтык унаасына таш ыргыткан. Жыйынтыгында эки адам убактылуу кармоочу жайга киргизилип, аларга карата тергөө иштери башталды.

14285
Белгилер:
полиция, Касым-Жомарт Токаев, башаламандык, Казакстан
Тема:
Казакстандын Кыргызстан менен чектешкен аймагындагы чыр (21)
Тема боюнча
Токмокко жакын жердеги Казакстандын эки айылында мушташ болду
Нур-Султанда болгон митинг. Архивдик сүрөт

Кабарлап коюу жетиштүү. Токаев Казакстанда митингдин жол-жобосун жеңилдетти

55
(жаңыланган 18:35 25.05.2020)
Эми митинг өткөрүү үчүн акимчиликтердин макулдугу зарыл эмес. Болгону иш-чара тууралуу кабар берип коюу жетиштүү.

БИШКЕК, 25-май — Sputnik. Казакстандын президенти Касым-Жомарт Токаев нааразычылык акцияларын өткөрүүнүн жол-жобосун жөнөкөйлөштүргөн мыйзамга кол койду. Бул тууралуу Sputnik Казакстан агенттигинин Telegram-каналында жарыяланды.

“Казакстанда тынчтык митингдерин уюштуруунун жана өткөрүүнүн тартиптери” мыйзамына казак парламенти өзгөртүүлөрдү киргизген. Эми митинг  өткөрүү үчүн акимчиликтердин макулдугу зарыл эмес. Болгону иш-чара тууралуу кабар берип коюу жетиштүү.

Мындан тышкары эми жападан жалгыз адам деле өкмөттүк имараттардын ардында митинг өткөрө алат. Мурда мындай нерсеге жол берилчү эмес.

Ошондой эле нааразычылык акцияларынын катышуучулары бетин жаап алса да болот.

55
Белгилер:
митинг, Касым-Жомарт Токаев, Казакстан
Тема боюнча
Токаев Дарига Назарбаевага арнап твит жазды
Казакстандын Алматы шаарында айдоочу блокпостту сүзүп, анын кесепетинен эки полиция кызматкери көз жумду

Алматы: мас айдоочу блокпостту сүзүп, ошол жердеги эки полиция көз жумду. Сүрөт

662
(жаңыланган 13:06 25.05.2020)
BMW автоунаасын айдаган 28 жаштагы жаран бетон тосмону сүзүп, андан кийин  Кайгуул кызматынын автокөлүгү менен кагышкан. 

БИШКЕК, 25-май — Sputnik. Казакстандын Алматы шаарында айдоочу блокпостту сүзүп, анын кесепетинен эки полиция кызматкери көз жумду. Бул тууралуу Sputnik Казакстан агенттиги жазды. 

Маалыматка ылайык, жол кырсыгы бүгүн, 25-майда, таңга жуук калаадагы Көксай кичи районунда орнотулган  №4 блокпостто болгон.

BMW автоунаасын айдаган 28 жаштагы жаран бетон тосмону сүзүп, андан кийин Кайгуул кызматынын автокөлүгү менен кагышкан. Берки машинанын ичинде эки полиция болгон. 

Погибшие в результате ДТП в Алматы патрульный Жарас Жангазиев и сержант полиции Дастан Абдыканов.
Көз жумган полиция кызматкерлери Жарас Жангазиев жана Дастан Абдыканов

42 жаштагы кызматкер Жарас Жангазиев Тез жардам келгенге чейин алган жаракатынан улам көз жумган. Анын кесиптеши Дастан Абдыканов өтө оор абалда ооруканага жеткирилген. Бирок эсине келбей ал дагы каза болгон.

Айдоочу камакка алынып, ага карата кылмыш иши козголгон. Полициянын айтымында, ал мас  болгон.

662
Белгилер:
өлүм, блокпост, жол кырсык, полиция, Казакстан
Тема боюнча
Асманда күйүп, жерге кулаган учак. Казак бийлиги себебин иликтеп баштады
Бишкекте милициянын унаасы жол кырсыгына кабылды. Күбөнүн видеосу
Шамалга учкан чатыр. Архивдик сүрөт

Бакты омкоруп, чатырды кагаздай учуруп... Екатеринбургдагы шамалдын видеосу

0
(жаңыланган 22:09 25.05.2020)
РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.

БИШКЕК, 25-май — Sputnik. Урал жана анын борбору Екатеринбург шаарында (Россия) дүйшөмбү күнү кечинде катуу бороон-чапкын болду. Ал учурда тартылган видеолорду интернет колдонуучулар социалдык тармактарга жүктөдү.


Кадрларда көрүнүп тургандай, шамал темир такталарды, курулуш таштандыларын асманга сапырып жатат.

Башка видеодо жерге түшүп калган темир чатырдын үстүндө турган кишини шамал алып ыргытып, темирди кагаздай желбиретип учуруп кеткенин көрүүгө болот.

РИА Новости агенттигинин ИИМ жана жергиликтүү саламаттык сактоо органына таянып жазганына караганда, жаратылыш кырсыгынан эки киши көз жумду.
Материалдык чыгым эсептелип жатат.

0
Белгилер:
Россия, Екатеринбург, шамал, кырсык, аба ырайы
Тема боюнча
Автобусту алып бараткан катуу шамалдын видеосу. Индиядагы окуя
Суу каптаганы аз келгенсип, эми куюн кууратты. Казакстандагы окуянын видеосу