Ымыркай. Архив

Ит энеси таштап кеткен ымыркайды сактап калды. Өзбекстандагы окуянын видеосу

2435
(жаңыланган 21:46 09.02.2020)
ЖМКлардын жазганына караганда, ымыркайды энеси таштап кеткен, учурда ал ооруканада. Дарыгерлер бөбөктүн абалын орточо оор деп баалап жатышат.

БИШКЕК, 9-фев. — Sputnik. Самаркандда бактын түбүнө ташталган жаңы туулган ымыркайды ит таап алып, кожоюнуна алып барып берди. Бул тууралуу Zamon телеканалына шилтеме берип Sputnik Өзбекстан агенттиги жазды.

Маалыматка караганда, окуя 6-февраль күнү болгон, 21 жаштагы кыз жаңы төрөгөн баласын дарактын түбүнө таштап кеткен.

"Ит баатырлыгын көрсөтүп, көргөн элди таң калтырды. Жаныбар ымыркайды тиштеп алып кожоюнуна алып барган. Ал таштанды баланы дароо медиктерге өткөрүп берди”, — деп айтылат макалада.

Ооруканага алып келгенде баланын ар кайсы жери тытылып, үстү булганып калган болчу. Азыр дарыгерлер бөбөктүн абалын орточо оор деп баалап жатышат.

2435
Белгилер:
ымыркай, ит, Өзбекстан
Тема боюнча
Таиландда иттин жардамы менен тирүүлөй көмүлгөн ымыркайды куткарып калышты
Ээсин улам жеңден тарткылап... Петербургда ит ташталган бөбөктү сактап калды. Видео
Тажикстандын президенти Эмомали Рахмон. Архивдик сүрөт

Тажикстанды Рахмондун ордуна башкарам деген алгачкы талапкер белгилүү болду

248
(жаңыланган 14:50 15.08.2020)
Коңшу өлкөнүн президенттигине талапкер болгон биринчи киши көп жыл бою агрардык тармакта иштеп, саясий чөйрөдө чоң кызматтарда эмгектенген.

БИШКЕК, 15-авг. — Sputnik. Агрардык партиянын кезексиз курултайында Тажикстандын президенттигине алгачкы талапкер болгон адамдын ысымы жарыяланды. Бул тууралуу Sputnik Тажикстан агенттиги жазды.

Жыйынга Агрардык партиянын өлкө боюнча 130га жакын өкүлү чакырылган. Анда партиянын төрагасы Рустам Латифзода президенттикке талапкер болуп тандалган.

Рахмондун 33 жаштагы уулу тажик бийлигиндеги экинчи адам болуп калды

Латифзода 1960-жылы 27-ноябрда Тажикстандын Хатлон облусунун Восе районунда туулган. Тажикстандын Агрардык университетин бүтүп, Санкт-Петербургдагы Тоо-кен институтунун гидротехника жана экологиялык инженерия адистиги боюнча билим алган.

Ал "Тажиксуукурулуш" ишканасында жана Жаратылышты коргоо боюнча мамлекеттик комитетте эмгектенип, андан кийин президенттик аппараттын мелиорация, агро өнөр жай комплекси, экология жана өзгөчө кырдаалдар бөлүмдөрүнүн башкы адиси болуп дайындалган.

Ошондой эле Тажикстандын жаратылышты коргоо министринин биринчи орун басары, Айлана-чөйрөнү коргоо жана токой чарба мамлекеттик комитетинин төрагасынын орун басары катары иштеп, парламенттеги экологиялык комиссияны жетектеген.

Кызы президенттик аппаратты, уулу шаарды башкарат. Эмомали Рахмон тууралуу 10 факты

Рустам Латифзода Агрардык партияда 2005-жылдан бери жетекчинин орун басары, ал эми 2014-жылы төрагасы болуп шайланган.

Белгилей кетсек, коңшу өлкөдө ушул жылдын 11-октябрында президенттик шайлоо болот. Учурдагы президент Эмомали Рахмон өлкөнү 1994-жылдан бери башкарып келет.

248
Белгилер:
талапкер, саясый партия, президент, шайлоо, Тажикстан
Тема боюнча
Лукашенко өлкөдөн чыгып кеттиби? Атаандашы Тихановская элге кайрылды
Рубль акчалары. Архивдик сүрөт

РФ Кыргызстан менен Казакстанга миллиарддаган рубль чыгаргандарды кармады

247
(жаңыланган 13:27 15.08.2020)
Шектүүлөр өздөрү көзөмөлдөгөн уюмдардын эсептерин колдонуп, Кыргызстан жана Казакстанда биржа менен алектенгендерге каражат которушкан.

БИШКЕК, 15-авг. — Sputnik. Россияда полиция Кыргызстан менен Казакстандын товар биржалары аркылуу өлкөдөн каражаттарды мыйзамсыз чыгарган ири каналга бөгөт койду. Бул тууралуу РФтин ИИМинин сайтында жазылган.

Маалыматка ылайык, уюшкан топтун иш-аракетин токтотуу үчүн министрликтин Экономикалык коопсуздук жана коррупцияга каршы күрөшүү башкармалыгынын кызматкерлери Москва, Крым, Краснодар, Волгоград жана Тула облустарындагы кесиптештери менен чогуу кызматташкан.

"Кармалгандар Россиядан акча каражаттарын мыйзамсыз чыгарып кеткенге шектелүүдө", — деп жазылган билдирмеде.

Алдын ала айтылган маалыматтарга ылайык, шектүүлөр өздөрү көзөмөлдөгөн уюмдардын эсептерин колдонуп, Кыргызстан жана Казакстанда биржа менен алектенгендердин банктык эсептерине каражат которушкан. Алар болсо финансылык институттарга маалыматы так эмес документти беришкен.

Баткенде ири суммага алдап кетти делген аял 10 жылдан кийин Москвадан кармалды

"Божомолдор боюнча чет өлкөлөргө бир нече миллиард рубль мыйзамсыз чыгарылган. Бир жылда Москванын эки фирмасы ал аркылуу мамлекеттен 17 миллиард рубль алып кеткен. Ишти ачуу үчүн кылмыштын фигуранттарынын жашаган жери менен 20дан ашык кеңсе тинтилген. Натыйжада маалыматты электрондук түрдө жеткирген каражаттар, мөөр, ошондой эле кылмыш ишин далилдеген документтер менен буюмдар табылган", — деп жазылган маалыматта.

Аталган факты боюнча Россиянын Кылмыш-жаза кодексинин "Жасалма документтерди колдонуу менен Россиянын чет өлкөлүк валютадагы акча каражаттарын резидент эместердин эсебине которуу үчүн валюталык операцияларды жүргүзүү" беренеси менен кылмыш иши козголгон.

247
Белгилер:
чыгаруу, биржа, банк, каражат, ИИМ, Казакстан, Кыргызстан, Россия
Тема боюнча
Саймаити чет өлкөлөргө 900 млн. долларды кантип чыгарганы айтылды
Ысык-Көлдүн жээги. Архивдик сүрөт

Ош, Талас жана Бишкектен 200 медик Ысык-Көлгө эс алууга жөнөтүлдү

0
(жаңыланган 20:11 15.08.2020)
Коронавирус жуктурган бейтаптарды дарылаган медицина кызматкерлеринин ден соолугун калыбына келтирүү үчүн эс алдыруу каралган.

БИШКЕК, 16-авг. — Sputnik. Медицина кызматкерлеринин кезектеги тобу Ысык-Көлгө эс алууга жөнөтүлгөнүн Республикалык штаб кабарлады.

Ош, Талас облустары менен Бишкек шаарынан топтолгон дарыгерлер, медайымдар, санитарлар, техникалык персоналдын өкүлдөрү менен тез жардам унааларынын айдоочуларынан турган топ 15-август күнү чыгып кетишкен.

Эми акча берилбейби? Медиктерге компенсация төлөөнүн шарты өзгөрүүдө

"Медиктер "Эне-Сай" пансионатында бир жума болушат. Каражат маселеси Эмгекчилердин ден соолугун калыбына келтирүү фонду тарабынан чечилди", — деп айтылат маалыматта.

Эскерте кетсек, акыркы үч аптанын аралыгында "Эне-Сай" жана "Алтын-Жай" пансионаттарында жалпы жонунан 450 медицина кызматкери эс алды.

0
Белгилер:
пансионат, медик, эс алуу, Ысык-Көл, дарыгер
Тема боюнча
Россиялык медиктер Чыңгыз Айтматовдун үй-музейине баш бакты. Сүрөт
Исмаилова: аймактарга бөлүштүрүлгөн жаш медиктерге колдоо көрсөтүү зарыл
Эми акча берилбейби? Медиктерге компенсация төлөөнүн шарты өзгөрүүдө