Казакстандын президенти Касым-Жомарт Токаев. Архивдик сүрөт

Токаев Кордайдын акимин иштен алууну тапшырды

249
(жаңыланган 14:14 10.02.2020)
Казакстандын мамлекет башчысы Кордай районундагы окуялардын кесепетинен адамдар каза болуп, турак үйлөр талкалангандыктан бир катар адамдарды кызматтан алууну тапшырды.

БИШКЕК, 10-фев. — Sputnik. Казакстандын президенти Касым-Жомарт Токаев Жамбыл облусунун социалдык маселелер боюнча акимдин орун басары Слушаш Курманбекова менен Кордай районунун акими Болатбек Байтолени иштен алууну тапшырды. Бул тууралуу Sputnik Казакстан жазды.

"Жамбыл облусуна караштуу Кордай районундагы окуялардын кесепетинен адамдар каза болуп, турак үйлөр талкалангандыктан Жамбыл облусунун акими Аскар Мырзахметовго социалдык маселелер боюнча акимдин орун басары Слушаш Курманбекова менен Кордай районунун акими Болатбек Байтолени кызматтан бошотуу тапшырмасы берилди", — деп айтылат маалыматта.

Мамлекет башчысы ички иштер министри Ерлан Тургумбаевге болсо Жамбыл облусунун полиция департаментинин жетекчиси Арман Орозалиевди, ошондой эле Кордай районунун полиция бөлүмүнүн жетекчиси Азамат Айхимбековду да иштен кетирүүнү тапшырган.

249
Белгилер:
башаламандык, Касым-Жомарт Токаев, Казакстан
Тема:
Казакстандын Кыргызстан менен чектешкен аймагындагы чыр (21)
Тема боюнча
Токаев: КР менен чектешкен аймактагы башаламандыкта каза болгондор бар
Токаев Кыргызстанга жакын казак айылындагы массалык мушташ боюнча үн катты
Чек ара кызматы: Казакстандан Кыргызстанга өткөндөр адаттан тыш көп болууда