Казакстандын биринчи президенти Нурсултан Назарбаев. Архив

Назарбаевдин небересинин чуу түшүргөн билдирүүсү боюнча казак бийлиги үн катты

3125
(жаңыланган 00:28 14.02.2020)
Мурдагы президенттин небереси өлкө жетекчилигин коррупцияга күнөөлөп, үй-бүлө мүчөлөрү тарабынан кысым көрсөтүлүп жатканын айткан.

БИШКЕК, 14-фев. — Sputnik. Казакстандын биринчи президенти Нурсултан Назарбаевдин небереси Айсултандын Facebook социалдык баракчасындагы резонанс жараткан билдирүүсү белгилүү бир адамдардын таасиринен улам эле жазылган. Бул тууралуу аталган өлкөнүн маалымат жана коомдук өнүктүрүү министри Даурен Абаев билдиргенин РИА Новости жазды.

Билдирмеге ылайык, Айсултан Назарбаев 13-февраль күнү Facebook баракчасына Улуу Британиядан саясий башпаанек сурап билдирүү жазган. Ал өлкө жетекчилигин коррупцияга күнөөлөп, үй-бүлө мүчөлөрү тарабынан кысым көрсөтүлүп жатканын билдирген.

Айсултан Назарбаевдин бул жазгандары боюнча Абаев “Хабар” телеканалынын “Ачык диалог” программасына маек берип жатып буларды айтты.

"Баңгизаттан дарыланып жаткан адамдын айткандарын талкуулаган этикага жатпайт деп эсептейм. Азыркы учурда анын билдирүүлөрү эмес, ден соолугу кооптондурат. Силер айтып жаткан посттор белгилүү бир адамдардын таасири алдында жазылган деп так кесе айта алам”, — деди министр.

Ал Айсултандын атын жана анын азыркы абалын пайдаланган адамдар бар экенин белгилеген.

“Ачыгын айтканда, Айсултан көптөн бери баңгизаттын таасири алдында жүргөн”, — деди Абаев.

Айсултан Назарбаев — Нурсултан Назарбаевдин улуу кызы Дарига Назарбаева менен маркум Рахат Алиевдин уулу.

3125
Белгилер:
бийлик, билдирүү, Нурсултан Назарбаев, Казакстан
Тема боюнча
Назарбаевдин небереси Лондондо соттолду

Казакстан учкучу жок алгачкы аппаратын сыноодон өткөрдү. Видео

355
Казакстандын Коргоо министрлиги ата мекендик өндүрүштөгү "Шагала" аталышындагы алгачкы учкучу жок учуучу аппаратын Нур-Султан шаарына жакын жерде сынаганын билдирди.

Аны Улуттук коргоо университетинин окумуштуулары жасап чыккан. Аппарат аймакта чалгындоо иштерин жүргүзүүгө багытталган жана 3500 метр бийиктикте эки саат учуп жүрө алат. Ошол эле маалда 30 чакырымга чейинки аралыкта башкарылып, керектүү объектилердин координаттарын операторго жиберет.

Аппарат казакстандык программалык камсыздоо менен иштейт. Адистер "Шагала" башка чет элдик жабдуулардан кем калышпай турганын жана салыштырмалуу бир топ арзан экенин айтышууда.

355
Белгилер:
видео, коргоо, Казакстан
Тема боюнча
АКШ Украинага жаңы курал берет. "Жавелин" комплекстеринин саны артты
Бура бастырбаган табылга. Россиянын жаңы стратегиялык ракета ташуучусу
"Циркон" Россиянын жээктеринен батыш кемелерин "кубалады"
Кытайдын тышкы иштер министри Ван И. Архив

Кытайдын ТИМ башчысы Афганистандан аскерлерин чыгарып кеткен АКШны сындады

187
Ван И афган маселесинде Пакистандын таасири маанилүү экенин айтып, Афганистанда тынчтык орнотууда Пакистандын аракетин Пекин жогору баалай турганын кошумчалаган.

БИШКЕК, 16-май — Sputnik. Америкалыктардын Афганистандан аскерлерин шашылыш түрдө чыгарып кетүүсү өлкө ичиндеги тынчтыкка олуттуу сокку болду. Бул тууралуу Кытайдын тышкы иштер министри Ван И Пакистандын ТИМ башчысы Шах Мехмуд Куреши менен телефон аркылуу сүйлөшүп жатып айтканын РИА Новости жазды.

Ван И Кытай Бириккен Улуттар Уюму бул кырдаалда маанилүү роль ойнойт деп күтүп жатканын айтып, ал эми Шанхай кызматташтык уюму маселени жакшылап карап чыгышы керектигине токтолгон.

Ал Афганистанга коңшу мамлекеттер өз ара кызматташуусун күчөтүп, бир фронт катары чыгыш керектигин да белгилеген.

Ван И афган маселесинде Пакистандын таасири маанилүү экенин айтып, Афганистанда тынчтык орнотууда Пакистандын аракетин Пекин жогору баалай турганын кошумчалаган.

"Азыркы кырдаалда Кытай менен Пакистан стратегиялык координацияны бекемдөөнү улантып, Афганистандагы кырдаалды тынчытууга активдүү таасир этүүсү шарт. Ошондой эле аймактагы тынчтык менен туруктуулукту биргелешип колдошу керек", — деген Кытайдын ТИМ башчысы.

АКШ Ак үйү Афганистандан америкалык аскерлердин 11-сентябрда чыгарыларын маалымдаган эле. Бирок талибдер АКШнын аскердик күчтөрүн 1-майга чейин чыгып кетүүсүн (2020-жылдын 29-февралындагы Дохада кол коюлган макулдашуунун шарттарына ылайык) кескин талап кылган. Америкалык аскерлер чыгып кеткенден кийин Афганистандагы аскердик-саясий кырдаал улам курчуп, талибдер провинциялардын бир тобун, анын ичинде түндүк тарабын да көзөмөлдөөдө.

187
Белгилер:
АКШ, телефон, кырдаал, Талибан, Кытай, Пакистан, Афганистан
Тема боюнча
Эмнеге Пентагонго Борбор Азияда орун жок? Сереп
Депутат Алтынбек Сулайманов. Архив

Кумтөр бул рак! Депутат алтын кенин таптакыр жаап салууну сунуштады

0
(жаңыланган 18:23 17.05.2021)
Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

БИШКЕК, 17-май — Sputnik. Жогорку Кеңештин "Бир Бол" фракциясынын лидери Алтынбек Сулайманов Кумтөр кенин жаап салууну сунуштады.

Бүгүн, 17-май күнү, парламентте аталган ишкананы сырттан башкарууга алуу маселеси каралып жатат.

Эл өкүлү мындай сунушун экологияны сактап калуу керек деп түшүндүрүп, коңшу Кытай өлкөсүн мисал келтирди.

"Кытай 30 жылда бизге окшоп миллиард эмес, триллиондорду таап, бирок экологиясын талкалап алган. Эми 30 жыл иштеп, экономикасын көтөргөн акчанын баарын салса дагы кайра калыбына келтире албасын түшүндү. Азыр башкаларга экологияңарды сактагыла деп айтып жатат. Бүткүл дүйнө экологияны биринчи орунга коюп, жашыл экономиканы көздөй бара жатат", — деди депутат.

Сулаймановдун айтымында, Кумтөрдү кайсы тарап иштетсе дагы мындан ары өлкөнү зыянга гана учурата берет.

"Мамлекет начар менеджер" деп бекеринен айтылбайт. Өзүбүз иштетсек деле талап-тонолуп, экология ого бетер талкаланат. Биз жаратылышка каршы чыгып элдин, балдарыбыздын саламаттыгын садага чаап жатабыз. Кумтөр — бул рак, акырындык менен күчөп бара жатат. Аны азыр кесип алып салып, бул теманы жабышыбыз керек", — деди Сулайманов.

Анын ордуна эл өкүлү "дүйнө эли сыяктуу инновация жана башка тармактарды өнүктүрүп, акылдуу жаштардын "мээсин" пайдаланууга чакырды.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

0
Белгилер:
сунуш, Алтынбек Сулайманов, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Кумтөр боюнча келишимдерге кол койгон аткаминерлердин тизмеси
Эки талапкер бар. "Кумтөр Голд Компани" ишканасын ким башкарышы мүмкүн