Кытайдагы медицина кызматкерлери пациенттеринин канын текшерүүдө. Архивдик сүрөт

Кытай: коронавирус жуккан эки айлык ымыркай айыкты

204
(жаңыланган 11:39 16.02.2020)
Ишемби күнү Кытайдын Гуйчжоу аймагынан коронавирустан айыккан төрт бейтап үйүнө чыгарылды. Алардын арасында жарык дүйнөгө келгенине болгону 67 күн болгон ымыркай бар.

БИШКЕК, 16-фев. — Sputnik. Кытайда дарыгерлер коронавируска кабылган эки айлык бөбөктү аман алып калганын РИА Новости жазды.

Маалыматка караганда, ишемби күнү Кытайдын Гуйчжоу айылынан коронавирустан айыккан төрт бейтап үйүнө чыгарылган.

"Алардын арасында жарык дүйнөгө келгенине болгону 67 күн болгон ымыркай бар. Бул бөбөк коронавирустан сакайып кеткен Кытайдагы эң жаш бейтап", — деп жазылат билдирүүдө.

Акыркы маалыматтарга караганда, COVID-2019 вирусун жуктургандардын саны — 66 492 миң. Анын ичинен 8096 киши сакайып, 1523ү көз жумду.

Коронавирус тууралуу

Кытай бийлиги 2019-жылдын 31-декабрында Дүйнөлүк саламаттык сактоо уюмуна (ДСУ) өлкөнүн борбордук бөлүгү Ухань шаарында белгисиз пневмония оорусу күч алганын билдирген. Адистер оорунун козгогучу коронавирус nCoV 2019 экендигин аныктап, эл аралык деңгээлдеги өзгөчө кырдаал деп жарыялашкан.

204
Белгилер:
дарыгерлер, ымыркай, коронавирус, Кытай
Тема:
Дүйнөгө жайылган коронавирус (969)
Тема боюнча
Кыргызстанга Ухандан келген студенттер карантинден үйүнө чыгарылды
Кытайлык кемпир коронавирустан Азияда эмес, Францияда көз жумду
Коронавирустан улам Олимпиаданын лицензиялык турнири Кыргызстанда өтүшү мүмкүн
КРде коронавирус чыккан учур катталган жок. Четтен келгендер текшерилүүдө
Тажикстандын президенти Эмомали Рахмон. Архивдик сүрөт

Тажикстанды Рахмондун ордуна башкарам деген алгачкы талапкер белгилүү болду

216
(жаңыланган 14:50 15.08.2020)
Коңшу өлкөнүн президенттигине талапкер болгон биринчи киши көп жыл бою агрардык тармакта иштеп, саясий чөйрөдө чоң кызматтарда эмгектенген.

БИШКЕК, 15-авг. — Sputnik. Агрардык партиянын кезексиз курултайында Тажикстандын президенттигине алгачкы талапкер болгон адамдын ысымы жарыяланды. Бул тууралуу Sputnik Тажикстан агенттиги жазды.

Жыйынга Агрардык партиянын өлкө боюнча 130га жакын өкүлү чакырылган. Анда партиянын төрагасы Рустам Латифзода президенттикке талапкер болуп тандалган.

Рахмондун 33 жаштагы уулу тажик бийлигиндеги экинчи адам болуп калды

Латифзода 1960-жылы 27-ноябрда Тажикстандын Хатлон облусунун Восе районунда туулган. Тажикстандын Агрардык университетин бүтүп, Санкт-Петербургдагы Тоо-кен институтунун гидротехника жана экологиялык инженерия адистиги боюнча билим алган.

Ал "Тажиксуукурулуш" ишканасында жана Жаратылышты коргоо боюнча мамлекеттик комитетте эмгектенип, андан кийин президенттик аппараттын мелиорация, агро өнөр жай комплекси, экология жана өзгөчө кырдаалдар бөлүмдөрүнүн башкы адиси болуп дайындалган.

Ошондой эле Тажикстандын жаратылышты коргоо министринин биринчи орун басары, Айлана-чөйрөнү коргоо жана токой чарба мамлекеттик комитетинин төрагасынын орун басары катары иштеп, парламенттеги экологиялык комиссияны жетектеген.

Кызы президенттик аппаратты, уулу шаарды башкарат. Эмомали Рахмон тууралуу 10 факты

Рустам Латифзода Агрардык партияда 2005-жылдан бери жетекчинин орун басары, ал эми 2014-жылы төрагасы болуп шайланган.

Белгилей кетсек, коңшу өлкөдө ушул жылдын 11-октябрында президенттик шайлоо болот. Учурдагы президент Эмомали Рахмон өлкөнү 1994-жылдан бери башкарып келет.

216
Белгилер:
талапкер, саясый партия, президент, шайлоо, Тажикстан
Тема боюнча
Лукашенко өлкөдөн чыгып кеттиби? Атаандашы Тихановская элге кайрылды
Рубль акчалары. Архивдик сүрөт

РФ Кыргызстан менен Казакстанга миллиарддаган рубль чыгаргандарды кармады

224
(жаңыланган 13:27 15.08.2020)
Шектүүлөр өздөрү көзөмөлдөгөн уюмдардын эсептерин колдонуп, Кыргызстан жана Казакстанда биржа менен алектенгендерге каражат которушкан.

БИШКЕК, 15-авг. — Sputnik. Россияда полиция Кыргызстан менен Казакстандын товар биржалары аркылуу өлкөдөн каражаттарды мыйзамсыз чыгарган ири каналга бөгөт койду. Бул тууралуу РФтин ИИМинин сайтында жазылган.

Маалыматка ылайык, уюшкан топтун иш-аракетин токтотуу үчүн министрликтин Экономикалык коопсуздук жана коррупцияга каршы күрөшүү башкармалыгынын кызматкерлери Москва, Крым, Краснодар, Волгоград жана Тула облустарындагы кесиптештери менен чогуу кызматташкан.

"Кармалгандар Россиядан акча каражаттарын мыйзамсыз чыгарып кеткенге шектелүүдө", — деп жазылган билдирмеде.

Алдын ала айтылган маалыматтарга ылайык, шектүүлөр өздөрү көзөмөлдөгөн уюмдардын эсептерин колдонуп, Кыргызстан жана Казакстанда биржа менен алектенгендердин банктык эсептерине каражат которушкан. Алар болсо финансылык институттарга маалыматы так эмес документти беришкен.

Баткенде ири суммага алдап кетти делген аял 10 жылдан кийин Москвадан кармалды

"Божомолдор боюнча чет өлкөлөргө бир нече миллиард рубль мыйзамсыз чыгарылган. Бир жылда Москванын эки фирмасы ал аркылуу мамлекеттен 17 миллиард рубль алып кеткен. Ишти ачуу үчүн кылмыштын фигуранттарынын жашаган жери менен 20дан ашык кеңсе тинтилген. Натыйжада маалыматты электрондук түрдө жеткирген каражаттар, мөөр, ошондой эле кылмыш ишин далилдеген документтер менен буюмдар табылган", — деп жазылган маалыматта.

Аталган факты боюнча Россиянын Кылмыш-жаза кодексинин "Жасалма документтерди колдонуу менен Россиянын чет өлкөлүк валютадагы акча каражаттарын резидент эместердин эсебине которуу үчүн валюталык операцияларды жүргүзүү" беренеси менен кылмыш иши козголгон.

224
Белгилер:
чыгаруу, биржа, банк, каражат, ИИМ, Казакстан, Кыргызстан, Россия
Тема боюнча
Саймаити чет өлкөлөргө 900 млн. долларды кантип чыгарганы айтылды
Көчөдөн бараткан кыз. Архивдик сүрөт

Ош шаарында бир жылдан бери дайынсыз болгон кыз изделүүдө. Сүрөт

0
(жаңыланган 19:13 15.08.2020)
Жаш кыз былтыр жайында Кара-Суу районунда үйүнөн чыгып кеткен боюнча дайынсыз. Милиция аны табышууга коомчулуктан жардам сурады.

БИШКЕК, 15-авг. — Sputnik. Ош шаарында былтыр жоголгон 18 жаштагы Муножат Салиева изделип жатат. Бул тууралуу калаа милициясынын маалымат кызматы билдирди.

Кыз 2019-жылдын 15-июль күнү Кара-Суу районунда жашаган үйүнөн чыгып кеткен боюнча дайынсыз болууда. Милиция аны табуу үчүн кайрадан коомчулукка кайрылып жатканын айтты.

"Изделип жаткан Муножат Салиева 2002-жылы туулган. Бою 165-170 сантиметр, жоголгон күнү үстүндө кара-ак (сызык) түстөгү жемпир, кара шым жана кара түстөгү бут кийим кийип жүргөн. Айрымдар кыз дайынсыз болгон күнү аны Ош шаарынын Масалиев көчөсүнөн көрүшкөндүгүн айтышкан", — деп жазылган маалыматта.

Милиция Жалал-Абадда жоголгон эже-сиңдини Баткенден тапты. Кыздардын жообу

Ош шаардык милициясы жогорудагы кыз тууралуу кандайдыр бир маалыматы барларды 03222-2-75-15, 0702-17-09-17 жана 0551-05-42-75 телефондору аркылуу кабарлап коюну өтүнөт.

0
Белгилер:
кыз, издөө, милиция, Ош
Тема боюнча
Мөңгүгө кирип кеткен. Жалал-Абаддагы жайлоодо 14 жаштагы баланын сөөгү табылды